ممكن مساعده

[rana rory]

انا طالبه 2 ثانوى و اتظلمت جدا فى التصحيح نقصت 4.5 انجليزى مع انى كان عندى درجه واحده بس وانا بابا مدرس انجليزى و قالى انه لو رخم هتنقصى 2 و فى العربى نقصت 2.5 مع انى مقفله الورقه و مش عندى اى غلطه انا هعمل تظلم و يارب الدرجات ترجعلى

المهم انى جبت 95% و انا حلم حياتى انى ادخل صيدله و انا بحب الاحياء جدا
انا مش عارفه اكمل علوم و يكون فى امل انى ادخل صيدله ولا احول رياضه و الحق هندسه؟
مع العلم ان كل المجاميع السنادى و حشه جدا

[TITOOOOOOHATRK]

مدام اتظلمتى كملى علوم وانتى مطمنة بس شدى السنة الجاية وان شاء الله هتلحقى مستريح كمان
انا جبت السنة اللى فاتت 97 وكان ترتيبى 33000 تخيلى والحمد لله السنة دى بقى ترتيبى 17000
اقصد ماتخافيش من المجاميع

[rana rory]

شكرا جدا ليك

[TITOOOOOOHATRK]

العفو بس نصيحة منى هاتنفعك صاحبى حد شاطر ده هيساعدك اوى فى المذاكرة واى خدمة انا موجود

[rana rory]

المشكله ان كل اصحابى كانو شاطرين جدا جدا جدا و اكتر واحده جابت 91% و كلهم هيحولوا ادبى

[TITOOOOOOHATRK]

انا عندى فرق بين صحابى وزمايلى صاحبى مش هتفرق معايا مجموعة اهم حاجة هو وشخصيته وللاسف ده لغاية دلوقتى مش موجود زميلى بقى حاجة تانية اهم حاجة انو ينفعنى مش يضرنى وتبقى المنفعة متبادلة انا عارف انك ممكن تقولى عليا انانى واستغلالى وكل الكلام الكبير ده بس صدقينى الثانوية بتعلم حاجات اهم من الفيزياء والاحياع علشان كده نصحتى دورى على حد جايب 99وخليها زميلتك شوفيها بتعمل ايه واعملى زيها
وربنا معاكى ان شاء الله واتاكدى ان ربنا بيدى كل واحد على اد تعبه

[rana rory]

اوك شكرا للنصايح الجميله دى

[Ph Fouda]

لا ان شاء الله كملى علوم و انتى مطمنه 3 اسهل من 2
انا كنت جايب 95 فى 2 و اتظلمت فى اللغه و الاحياء
بس فى 3 جبت 97.6 و دخلت صيدله المنصوره
و الحمد لله ربنا وفقنى فيها

[zz123]

انتا دخلت صيدله المنصوره 97.6 طيب انا جيبه97.3 ادخل صيدله ولا ايه

[Ph Fouda]

اها ان شاء الله بس يا رب التنسيق مش يعلى السنه دى

[zz123]

المشاركة الأصلية كتبت بواسطة ahmed hamaki

اها ان شاء الله بس يا رب التنسيق مش يعلى السنه دى

يعنى لو على التنسيق تتوقع ادخل ايه
انا ممكن اموت فيا لو مالحقتش من بطرى وطالع

[rana rory]

المشاركة الأصلية كتبت بواسطة ahmed hamaki

لا ان شاء الله كملى علوم و انتى مطمنه 3 اسهل من 2
انا كنت جايب 95 فى 2 و اتظلمت فى اللغه و الاحياء
بس فى 3 جبت 97.6 و دخلت صيدله المنصوره
و الحمد لله ربنا وفقنى فيها

ربنا يطمنك بس ناس كتير بتقول انها اصعب من2 عشان كده انا خايفه

[Ph Fouda]

لا والله 3 اسهل ب كتير من 2 لان خلاص انتى اتعودتى على الجو و كده
على فكره انا بكلمك كده وانا والله العظيم فى 3 ما ذاكرت بجد الا الشهر اللى قبل الامتحان
بصى حطى فى دماغك ان الامتحان عمره ما بيجيب حاجه انتى مش عارفاها
هتلاقى كل حاجه سهله

[Ph Fouda]

97.3
صيدله ان شاء الله

[rana rory]

ان شاء الله احاول اكبر مجموعى فى 3 بس يارب متظلمش تانى زى 2 و شكرا جدا ليك