مهم للبنات ازاى تقضى يومك اثناء العذر الشرعى فى رمضان ؟؟؟؟؟؟؟

[(( لؤلؤة الايمان ))]

ازيكم يا حبيباتى البنوتات موضوع بجد مفيد افدنى واتمنى انه يفيدكم انتوا كمان

كيف تقضى يومك فى رمضان اثناء العذر الشرعى

1_ الاول كده تصحى من النوم تاخدى دش هادى وده علشان نحس اننا متطهرين ومفيناش حاجه

2_ بعد كده وده مهم جدااا ساعه اذان الصلاه ترددى الاذان وبعد كده تفضلى تستغفرى وتدعى من الصلاه لغايه قيام الصلاه

3_ تفتحى المصحف ع النت وتقرى منها الجزء بتاعك وبردو قسميها ياعنى مثلا ساعه صلاه الظهر تقرى ربع ساعه كانه نفس الوقت اللى كنتى بتصلى فيه وهكذا

4_ متسيبيش السبحه من ايديك ابدااا استغفرى احمدى ربنا صلى على النبى ادعى كتييير

5_ كده هنبقى قربنا ع المغرب قبل صلاه المغرب بقى ب نصف ساعه افضلى ادعى واقرئ قران وادع لكل اللى تفتكريه علشان تاخدى ثواب الدعاء للمسلمين

6_فطرنا بقى والحمد لله نشوف اللى ورانا فى البيت ونخليه نظيف ومرتب كده وبردو بعد كل صلاه ندعى

7_ قبل الفجر بقى ساعه ندعى ندعى ندعى ده افضل وقت للدعاء ده الوقت اللى بينزل فيه ربنا وان شاء الله
يتقبل دعائنا وانا بفضل اننا نتوضى ونلبس الاسدال ونحط سجاده الصلاه تجاه القبله ونقعد بقى وندعى ونستغفر

8_بعد كده نقوم نجهز السحور للناس اللى معانا فى البيت وناكل معاهم
وبعد الفجر ننام ونصحى تانى يوم قبل صلاه الظهر ونمشى بنفس النظام

طب نظام الاكل بقى

احنا طبعا بناكل طول اليوم افضل حاجه علشان تفيدك فى الوقت ده
اصحى خدى معلقه عسل نحل او اشربى حاجه دافيه عليها معلقه عسل نحل
افطرى حاجه بسيطه وطول اليوم بقى كلى فااااكهه براحتك جداااا لحد ميعاد المغرب وافطرى مع اهل البيت

يارب اكون فيدتكم بحاجه بسيطه
ورمضان كريم
وكل سنه وانتم طيبين