95فى الميه من الجمل الذى يستخدمها شباب مصر عشان يوقعوااا بنت فى غرامهم

[baya3 el7ob]

:D 1-

حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
--------------------------------------------------------------
1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح

واكن يا اخوه لا يعنى ذلك خلو الدنيا من الحب الصادق ولكن تفكير الشباب الغالب اليوم هو ان يجعل البنات يقعون فى غرامه وهذا لارضاء غروره ...........فقد كنت متردد من كتابة هذا الموضوع خوفا من ان يعتقد البعض انى من تلك النوعيه من الشباب ولكن كل هذه اعتبرتها كنصائح للبنت .......وشكر ااااااااااااااااااااااا

[قمر احمد]

موضوع لذيذ جدا على فكرة بس انا فنظري البت تقول للي عايز يكلمها ادي نمرة بابا يبقى استأذن منه وتعال كلمني لو انت راجل او ناوي على حاجه بجد - بيتهيالي ساعتها هيحصل حاجه من اتنين :
اما يروح الواد لابوها لو كان جدع وشاري بجد
او محدش هيكلمها تاني
عموما موضوع لذيذ بجد

[.. Mysterious ..]

ايه يا عم بياع الحب انت شكلك حد عمل فيك زومبه كبيرة اوى
عشان كدا مخنوق من الحب وسنينه معلش بس انت شكلك مجرب هذا
بس ممكن اعرف حاجه ؟؟؟ انت شاب بردة ولا ايه

يا عم الحب كلمه صحيح نطقها سهل لكن حسها صعب جداااا
يعنى الحب مش كلام الحب افعال من وجهه نظرى

شكرا لك بياع الحب على الموضوع اللذيذ ده
بس خلى بالك من نفسك عشان الشباب شكلهم هيقلبو عليك الايام القادمه
شكرا سلام

[baya3 el7ob]

المشاركة الأصلية كتبت بواسطة قمر احمد

موضوع لذيذ جدا على فكرة بس انا فنظري البت تقول للي عايز يكلمها ادي نمرة بابا يبقى استأذن منه وتعال كلمني لو انت راجل او ناوي على حاجه بجد - بيتهيالي ساعتها هيحصل حاجه من اتنين :
اما يروح الواد لابوها لو كان جدع وشاري بجد
او محدش هيكلمها تاني
عموما موضوع لذيذ بجد

ايوة قعلا يا قمر انا حطيت الموضوع ده عشان البنات ياخدوا بالهم ..............وشكرا على مرورك الطيب

[baya3 el7ob]

المشاركة الأصلية كتبت بواسطة sniper

ايه يا عم بياع الحب انت شكلك حد عمل فيك زومبه كبيرة اوى
عشان كدا مخنوق من الحب وسنينه معلش بس انت شكلك مجرب هذا
بس ممكن اعرف حاجه ؟؟؟ انت شاب بردة ولا ايه

يا عم الحب كلمه صحيح نطقها سهل لكن حسها صعب جداااا
يعنى الحب مش كلام الحب افعال من وجهه نظرى

شكرا لك بياع الحب على الموضوع اللذيذ ده
بس خلى بالك من نفسك عشان الشباب شكلهم هيقلبو عليك الايام القادمه
شكرا سلام

لا يا عم احمد انت عارفنى انا الحمد لله ...........انا عمرى فى حياتى ما خدعت حد ولو كنت خدعت حد مكانش زمانى حطيت الموضوع ده ......وتعرف انا مخدعتش حد ليه؟ عشان فى مقوله بتقول :يابن ادم كما تدين تدان وانا زى ما هاخدع بنت اكيد هيكون فى بنت هتخدعنى ...............وكمان انا لى اخوات بنات وبخاف عليهم جداااااااااااااااااااااااااااااااااااااااااا والشباب مش هيقلبوا على ولا حاجه لأنهم عارفين انى بقول الحق وبعبر عن الواقع المؤلم اللى احنا عايشينه .....يعنى هقولك مثال واحد مثلا يكون بيدردش مع واحده مغربيه او من اى دوله عربيه تانيه ......اول ما يقولها كلمتين من دول تقع البنت علطول مع انه مشفهاش ولا هى شافته ولا كان فى تعامل قبل كده بينهم انما الله اعلم اذا كانوا الاتنين بيشتغلوا بعض بقى ولا ايه ؟..........وشكرا على مرورك الطيب

[y/m]

شكرا على الموضوع