وأخرتها أية يا دكتور مرسى

[حميد بدوى]

أخرتها أية يا دكتور مرسى
على فين المركب هاترسى
أحنا تعبنا من كل حاجة
نفسنا نشوفوا بعينيا حاجة
عايزين نحسوا أنك بقيت رئيس
أحنا أخترناك بجد مش كلام ولا تهجيس
لو متكتف قلنا انك متكتف
أنما متكتفناش معاك
أحنا عملنا ثورة
عشان نفكوا كل القيود
أحنا عملنا ثورة عشان
نغيروا شكل الوجود
أحنا عملنا ثورة عشان العدل والحق يسود
أحنا عملنا ثورة
عشان نكونوا فى وش الظلم أسود
أو عى تقول أنك متكتف أو معمولك عمل أو مربوط
وحتى لو معمولك عمل علينا
ادينا حاجة من اثرك
واحنا نشوفوا واحد من اللى بيفك الاعمال
عايزين رئيسنا يكون رئيس مظبوط
يسمع كلام شعبه ويكون رهن اشارته
ويكون أجير عنده مش دا كلامك ولا مش مظبوط
مش شايف منك غير سكوت فى سكوت والناس بتموت
قلنا حاجة أنتهى زمن السكوت أنتهى زمن السكوت
والشعب بيعدلك الايام والساعات
والحاجة محتاجة حاجات وحاجات
والشعب عايز يعيش
انتهى زمن التطنيش
هاتقدر تعمل اعمل واحنا معاك
مش هاتقدر قلنا وربنا معانا ومعاك
أية يا مرسى خد قرارك
وخليك كبير
أعزل المشير
وحل المجلس العسكرى
اللى متعين تعيين
أنت الرئيس المنتخب
أنت اللى الشعب منك مستنى الكتير
ومع ذلك مش هايصطبر عليك كتير
اللهم بلغت اللهم فاشهد وعليك يارب التدبير
لحد امتى هاتفضل تلف وتدور
خلص ياريس فى الدور
في حاجات ياما ما تنفعش
تكون فيها صبور
عايزين قرار
لحد أمتى هاتفضل خايف من الصدام
أوعى تعمل حساب لحد الا للشعب الغلبان
اللى اختارك عشان حس معاك بالامان

الشاعر
عبد الحميد بدوى