ارجوكم ساعدونى انا عايزه دكتور نفسانى انا مش عارفه افكر فى اى حاجه

[bent mama wa baba]

انا عندى 19 سنه وعندى مشكله وهى عندى من سنه تقريبا وفى اولى جامعه مشكلتى هى انى كل ما اتوقع حاجه بتحصل عكسها على طول وحاسه انه فى عِند غى الموضوع ده يعنى انا هاقول مثال يعنى انا لما بيبقى قدامى مسأله وده حصل فى الثانويه العامه معايا بتبقى قدامى المسأله واقول ان شاء الله هاحلها وابدأ اقرأها بلاقى نفسى متوقعه انى احلها بس لما ببدأ فى حلها بلاقى نفسى مش عارفه احلها خالص والعكس صحيح تماما مثال تانى انا قدامى مشكله معينه حصلتلى بقول لنفسى دى سهله وهاعرف احلها الاقى نفسى مش عارفه احلها خالص ولو فى مشكله صعبه وممكن اى حد ميحلهاش اقول لنفسى لا انا مش هاعرف احلها والاقى نفسى بحلها حلو اوى ومكنتش متوقعه ده يعنى انا دلوقتى مش عارفه افكر يعنى تيجى ماما فى موقف معين اهاف واقول اه ماما هاتزعقلى والاقيها مزع***يش خالص ولما بتشائم بيحصل الحاجه الكويسه ولما بتفائل الدنيا بتبوظ . بجد انا مش عارفه افكر والموضوع ده مكنش بيحصل معايا خالص وبدأ فى الثانويه العامه لحد دلوقتى ومن كتر الخوف وانى كنت واثقه انى هاخش الكليه اللى عايزاها حصل برضه العكس ودخلت كليه مكنتش اتوقع انى ادخلها ياريت الاقى حل انا مش عارفه افكر خالص وخايفه . شكرا