البطالة فى كلية الحاسبات تكاد تكون منعدمة

ccna.and.mcse · #1 30-08-2012, 02:35 AM

السلام عليكم قامت كلية الحاسبات و المعلومات جامعة أسيوط بعمل إحصائية عن خريجيها و عن وضعهم المهنى و ظهرت هذة النتائج

* بناءاً علي ما قامت به وحدة متابعة الخريجين من بحث وتواصل مع الخريج فقد تم الحصول علي
هذه الإحصاءات عن الخريجين في المجالات المختلفة لكلية الحاسبات والمعلومات:

- نسبة 41% من الخريجين يعملون بشركات تطوير برامج.

- نسبة 22% من الخريجين بعضهم يعملون بمعهد (iti) والاخرين يلتحقون بمعهد (iti) تدريب 9 شهور.

- نسبة 12,5 % من الخريجين يعملون في هيئات حكومية مختلفة (ضرائب_تأمينات ومعاشات_بنوك_مدارس).

- نسبة 14% من الخريجين يقومون بأعمال مختلفة بجامعة أسيوط والجامعات المصرية الاخري
(معيدين – اخصائي حاسب- بأكاديمية الأستشعار عن بعد).

- نسبة 4% من الخريجين يعملون بأعمال مختلفة خارج مصر(مبرمج- محلل نظم – الخ....).

- نسبة 6,5% من الخريجين غير عاملين.

مع الأخذ في الاعتبار أن بعضاً من دفعة (2010) ودفعة (2011) خارج هذه النسب نظرا لتأدية بعضهم الخدمة العسكرية وبعضهم تحت فترة تدريب

و هذا هو الرابط
http://www.aun.edu.eg/faculty_comput.../graduate7.php

طب انا عاوز أحسبها كدا بحسبة بسيطة و هى ان أكبر كلية حاسبات و معلومات فى الجمهورية بتاخد حوالى 500 طالب و معظم كليات الأقاليم بتاخد 300 او 350 بالكتير فلو إفترضنا ان الدفعة 500 طالب و نسبة البطالة 6.5% إذن عدد العاطلين عن العمل يساوى 33 خريج فقط لاغير

من هذة الإحصائية نضع ملحوظة هامة أن نسبة البطالة فى الكلية 6.5% أقل نسبة بطالة بين الكليات فأقل كلية أخرى لا تقل عن 40% مع ملاحظة أن 6.5% منهم اللى الزميلات الفضليات من الإناث الذين اختاروا التفرغ الكامل لرعاية بيت الزوجية و منهم اللى اشتغل مع والدة فى مجالة او فى شركتة و منهم من يعملون بالبيزنس او السياسة او بمجالات أخرى كاعلام و الصحافة او غيرها و تركوا المجال مع مراعاة ان حاسبات أسيوط داخل الصعيد و تبعد مسافة كبيرة جداً عن القاهرة او الإسكندرية فذلك يمنع خريجو الكلية من العمل لظروف بيئية او حياتية مثلما لا يستطيع بعض الأشخاص من العيش فى القاهرة او صعوبة المواصلات او العادات و التقاليد ، فتخيلوا أن كلية حاسبات قريبة من القاهرة كالمنوفية او بنها او فى القاهرة نفسها .. فستكون البطالة فيها منعدمة

و صدقت مقولة الدكتور أحمد درويش وزير التنمية الإدارية السابق عندما قال فى 2007 فى مؤتمر التوظيف الذى تقيمة الجمعية المصرية لمهندسى البرمجيات أن البطالة بين خريجو كليات الحاسبات و المعلومات تكاد تكون منعدمة بنفس المقولة

H 0 s s A M · #2 30-08-2012, 02:38 AM

حلو اوى .. يا فرحتى بشتغل وفى الاخر اقبض ملاااااااااليم

ccna.and.mcse · #3 30-08-2012, 02:42 AM

اقتباس:

المشاركة الأصلية كتبت بواسطة H 0 s s A M

حلو اوى .. يا فرحتى بشتغل وفى الاخر اقبض ملاااااااااليم

رواتب خريجين حاسبات يافندم أعلى رواتب فى مصر لان دى مهنة لا تعتمد على مواد خام او مصاريف شحن او نقل او مصاريف قطع غيار او اى شىء أخر .. فقط مصاريف اى شركة تنحصر فى رواتب العاملين و المصاريف الادارية اللى على اى شركة زى الضرايب او خلافة

يرجى مراجعة الرابط التالى
http://www.thanwya.com/vb/showthread.php?t=457434

مع ملاحظة انك لو بتشتغل و تاخد ملاليم احسن ما تقعد على القهوة و تاخد مصروفك من أبوك و بعد كدا تاخد خبرة و مرتبك يزيد و وضعك فى الشركة يزيد و هكذا .. مفيش حاجة اسمها راتبى فى القطاع الخاص بالذات اسمة ملاليم كل ما هتشتغل كل ما هتاخد و هكذا ..
مع ملاحظة ان اكتر نسبة شغل فى دول الخليج من خريجين حاسبات و اعلى رواتب و كمان 65% من خريجين حاسبات برة مصر فى كندا و اوربا و امريكا و استراليا و تركيا و دول الخليج و انا واحد منهم بعمل فى دولة من دول الخليج و انا دفعة 2006 و سافرت الخليج من ثلاث سنوات اى بعد تخرجى بثلاث سنوات فقط لاغير ..
بالتوفيق