|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
29-07-2012, 03:09 AM
|
||||
|
||||
هو انا منتقبة ليه ؟؟؟
 " أنا منتقبة ليه ؟ " أنا منتقبة - بعد إيماني بأمر ربنا إن الحجاب فرض على كل مسلمة بقول اغلب علمائنا وشيوخنا الافاضل كلهم بلا استثناء قالوا ان النقاب فرض واجمعوا عليه انه فرض يا بنتي فرض انتي بتئاوحي نفسك ليــــــه ؟؟؟ دا حتي انتي مقتنعة انه فرض بس بتخبي ومش عايزة تعترفي عشان محدش يمسكها عليكي . طيب اقلك دا حتي عجينة الفطير والكحك تشهد انه فرض عجينة فطير !!!!! فطير ايه وكحك ايه دا ؟؟؟؟ !!! هقولك اهو .. دلوقتي احنا لما بنعمل عجينة فطير او كحك او قراقيش مش بتحتاج لحاجة اساسية جدااااااا الـ هي : (( الخميرة )) عارفاها طبعا طيب كلمة خميرة دي مفكرتكيش بكلمة ( الخمار ) اللي هو اللبس الشرعي اللي الكل متفق انه فرض بعيد عن النقاب صح ؟؟ يبقي احنا كدة متفقين ع حاجتين : ** ان الخميرة اساسية جدااااا للعجينة . ** ان الخمار فرض علي كل مسلمة . ماشي طيب احنا لما بنحط الخميرة علي العجينة بنحطها ع جزء منها بس يعني بنحط ع مكان ونسيب مكان تاني من غير خميرة !! ولا لاااااازم نحط علي العجينة كلها خميرة والا هتبوظ طبعا طيب يا ست الكل اهي الخميرة دي هي الخمار اذا : الخمار لازم يغطي كل جسمك بوشك وايديكي ولا ايه !! اذا لو انتي زعلانة من كلمة ان النقاب فرض سميه الخمار يا سيتي لانهم هم الاتنين واحد اذا النقاب = الخمار والاتنين باذن الله فرض وهو المطلوب اثباته ## . . . . . اسفة جدا للاطالة ودوشة الكحك والقراقيش اللي فاتت دي طيب الحمد لله وعرفنا ان النقاب فرض بس في اسباب تانية اليكي هذه الاسباب :  1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله عن طيب خاطر.. لازم هو كمان يديني مشاعره واللي باقي من عمره عن طيب خاطر… 2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً 3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية… 4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما يتجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني).. 5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه.. 6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية .. 7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟ والأسباب اللي فوق دي .. هي اللي فهمتني ليه ربنا فرض علينا الحجاب. . مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر.. ربنا يهدينا ويهدي بنات المسلمين اللهم امين 
__________________
سنغدوا رفاتا ويبقى الاثر |
|
#2
29-07-2012, 04:09 AM
|
||||
|
||||
ما شــــــــــــاء الله ... موضوع بجد رائع ... انا إن شاء الله هلبسه الأيام دي لأني ناوية أدخل الكلية وانا لا بساه بإذن الله ... بس ادعيلي لأن في شوية معارضة في البيت
 ... ربنا يثبتني وجميع بنات المسلمين |
|
#3
29-07-2012, 04:26 AM
|
||||
|
||||
|
اقتباس:
مرورك هو الاروع يا دكتورة
وربنا يا رب يكرمك وتلبسيه وتدوقى طعم حلاوة لبس النقاب  شكرا على المرور العطر
__________________
سنغدوا رفاتا ويبقى الاثر |
|
#4
29-07-2012, 04:45 AM
|
||||
|
||||
|
طب اقول ايه اسقف ولا ازغرط ولا اعمل ايه بجد يسلم نبض قلبك يا لءلة موضوع جامد وجميل بجد
وربنا يزوقنا كلنا حلاوة النقاب والستر عموما لان الستر دة اعظم نعمة من نعم الله على الانسان ربنا يا حبيبة قلبى يكرمك وشم تغيبى عننا بموضوعات كالرائعة دى
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/ |
|
#5
29-07-2012, 04:46 AM
|
||||
|
||||
|
جزاكِ الله خيراً " لؤلؤة " أسباب منطقية جداً .. و طبعاً يكفي أمر ربنا الواضح لينا .. لكن الأسباب دي بردو بتثبت الواحدة أكتر و بتبين الحكمة إللي ربنا فرض النقاب عشانها ربنا يبارك فيكِ و يرزق النقاب لكل من تريد لبسه
__________________
اللهُم’ إجعَل نَفسي نَفساً طَيبة’ , مُطمَئنة’ , طَائعة’ لك’ , تُؤمن’ بِ| لقَائك’ , تَرضى’ بِ| قَضائك’ , تَقنع’ لِ| عَطائك’ , ولا حَول’ ولا قُوة’ إلا بك’ ..  |
|
#6
29-07-2012, 04:49 AM
|
||||
|
||||
|
اقتباس:
مش غريب عليكى الابداع يا لؤلؤة
سلمت يداكى يا رب اهدى بنات المسلمين الى الخير كله النقاب منحه من الله ونعمة لمن يحبه الله الكثير من الفتيات يتمنون ذلك لكن العائق الأهل فنقول لهم بالحسنى التوكل على الله واليقين بالله والدعاء كله يهوووووووووووون لؤلؤة الإيمان دمتى بكل خير وربنا يكرمك يا رب اخوك ابو بسملة |
|
#7
29-07-2012, 05:28 AM
|
||||
|
||||
|
اقتباس:
ايه الكلام كله ده يا مريم يسلملى مرورك حبيبتى وعقبال لما اشوفك زى القمر بالنقاب
__________________
سنغدوا رفاتا ويبقى الاثر |
|
#8
29-07-2012, 05:34 AM
|
||||
|
||||
|
اقتباس:
اللهم امين
يارب ارزق بنات المسلمين جميعا حلاوة النقاب وجزاكى الله بمثل ماجزانى وبارك فيكى على المرور الطيب
__________________
سنغدوا رفاتا ويبقى الاثر |
|
#9
29-07-2012, 06:04 AM
|
||||
|
||||
|
اقتباس:
شكر استاذى الفاضل
على ردك الطيب ومرورك العطر دائما مواضيعى مضاءة بردودك بارك الله فيك وجزاك الله كل خير
__________________
سنغدوا رفاتا ويبقى الاثر |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:11 AM.
