كان يا ما كان !!!!

[Nihal !]

كان يا مكان . ياساده يا كرام.ما يحلي الكلام الا بذكر النبي عليه الصلاه والسلام !!!
وابتدت حكايه قبل النووووووووووووووووووم!!!
ياااااااااااااااااااااه من زمان مش بنسمع الكلام ده ,..... من وقت ما كبرنا !!!
واحنا صغيرين كنا مش بنرضي ننام غير لما نسمع حكايه قبل النوم... كانت بالنسبه لنا حبوب منومه هههه!!!!
طبعا بعد الكلمتين دول حد يفتكر اني هاحكيلكوا حكايه ولا حاجه !!!!
ليه حد قالكوا عني شهزرذاد قبل ما شهريار طير رقبتها !!!!!!!!
سوري يا شهرذاد رقبتك مش طارت ولا حاجه ههه انا اللي كنت بهزر ههه
انا كنت اسمع حكاوي عجيبه منها : المعزه وولادها الخمسه !!!
وواحده تانيه بتاعت الشاطر حسن !!!!!! وعلاء الدين والمصباح وصاحبه قلبظ ( اه قلبظ مش موجود في الحكايه بس اخويا هو اللي اخترعه عشان يخلي الحكايه احلي ههههههه ...... !! ) اممم السندباد البحري ........
يعني علي قد ما فاكره كده !!!!!!!!!
طبعا لنا كبرت اتمنيت حد يحكيلي ......... طبعا مش لافيت حد
اضطريت اني اقرا لنفسي ههههه
فقريت حاجات كده زي ( الرجل الخفي , حول العالم في 80 يوم مع اني لسه بقرا فيها ومش خلصتها ,كلب ال باسكر فيل ) طبعا بجانب ارابين نايتس اوي الليالي العربيه ودي اللي حكتها شهرزاد بس مش كلها ........... يعني حاجات شغل عيال برده هههههه
بس النتاج الادبي في مصر حاليا مش تمااام ..... يعني مش ذنبي اني بقرا لاجانب !! يعني لو حد يعرف روايات قديمه لكتاب كبار زي طه حسين ونجيب محفوظ يكلمنا عنها ........ الناس دول عمالقه وانا لسه عقلي علي قدي مش هاقدر اختار ايه روايه ليهم واقراها!!!!!!!
وطبعا المكتبه اللي بشتري منها مش فيها كل اللي انا بحتاجه !!!!!!
يلا بقا حد فاكر كان بيحب يسمع ايه وهو صغير ؟!
وقريتوا ايه لما كبرتوا او تحبوا تقروا لمين .؟!!!
القراءه هيه اللي هتحل كل مشاكلنا باذن الله صدقوني
يعني بعد مرحله القصص والروايات ....... ندخل ف النقد والسياسه والتاريخ !!!!
اتمني الموضوع يعجبكم !!!!