عمار يا بلادي ؟!!!!!!!!!!

[إليزابيث]

عمار يا بلااااااادي

كلمة ف قلب كل مواطن بتنادي
بقت على كل لسان بتتقال عادي
بيغنيها وكأنه خلاص بأى حادي
عمـــــــــــــــــار يا بلادي
ازاي تقولو على بلادي عمار
مش هيه اللي اتقتل فيها ثوار
مش هيه اللي حرقت قلوبنا بنار
نــار متتطفيش إلا بتـــــــــــــار
عشان ننفض عن قلوبنا الغبار
وإلا يبأى عيــــــــــب علينا وعار
وبردو بننادي عمار يا بلادي
مش هيه اللي ضيعتنا ف الميدان
يــــــوم ما الحــــــق قرر يبــــــان
يوم ما الشعب قال الإعــــلان
خلاص زهقنـــــــــا من الطغيان
وبردو بنرسم بريشة فنان
عمار يا بـــــــــــــلادي
مش هيه اللي اتهان فيها الشهيد
دمه متنتور وبردو قلبها حديــــــــد
ملحقش يتهنى حتى بالعيـــــــــــد
وحقه ضايع ف ايد الف عنيــــــــــــــد
خلاص كلنـــــــــــــــا بقينـــــــــا عبيد
وعمــــــــــــــار يا بلادي
مش هيه اللي سابتنا نتبهدل عالحدود
سابت شباب صغير زي الــــــــــــورود
يــــروح مننا ........طب فين الوعود؟؟؟
وهتسيب حقنا ولو مرت عقووووود
وبردو بنغني بكمانجا و عـــــــــود
عمــــــــــــار يا بلادي
مش هيه اللي سايبة ولادها جعانة
ناس بتسرق وناس بتعلى وناس عريانة
وناس ضمايرها مفيش وناس ظلمانا
وده كهربته مقطوعة وده المية فسدانة
ازااي يا بلد فيكي ده كله ولسة عمرانة
و عمــــــــــــار يا بلااااااااادي
مش هيه اللي سابت قلوب الأمهات
تبكي وتصرخ بكــــل الآهــــــــات
على ابنها اللي سابها ومــــــــــات
وحقــــــــه عدى خلاص وفــــــــــات
و الحكومة نــــايمة ف أجدع سبــــــــات
و عمــــــــــــــــــــار يا بلااادي
مش هيه اللي سابتنا ف بورسعيد
نموت ندبح و يضيع مننا ولا مية شهيد
و اللي كانو السبب عايشين بقلب شديد
فين حقنا اللي ضايع ولا هنفضـــــــــل نعيد
ف الكلام والقضايا والمحاكم ونزيــــــــــــــــــد
عمـــــــــــــــــار يا بلااااااادي
بلادي يا مصر يا أحلى البلاااااااااااااااد
ياللي معملتيش على شهيدنا حداد
ياللي عــــــــــداد الشهدا عندك اسرع عداد
بحبك ويشهــــــــــــد رب العبــــــــــــاد
واقولك كلمتين مش جــــــــــــداد
عمــــــــــــــــــار يا بلادي
ايوه هقول وهتـــــــــــــــــــــــــــكلم
وقفايــــــــــــــــــــــــــــــا عمره ما يتعلم
ولا عمـــــــــــــــــري هسكت أو أبلم
ولا هبأى ف يووووووووووم حمــــــار معلم
يــــــــــــارب استر يا رب سلـــــــــــــــــم
و عمــــــــــــــــــــار يــــــــــا بلادي
عايزين بس نسأل ســــــــــــــؤال
مجــــــــــرد إجـــــــابة تمشي الحـــــــال
مش عايزين رط وكلام مقـــــــــــــــال
فيــــــــــــــن ثورتنا يا بت الحـــــــــلال
ليه لغاية دلوقت متعدمش علاء ولا جمـــــال
وبردو بنغني زي العيـــــــــــــــــــــال
عمــــــــــــــــــــار يا بلادي
يا مصر حبـــــــــــك جوه القــــــــلوب
معاكي تهون الأرواح والحـــــــــروب
بس احنا بنشــــــــــــــكي بس يا دوب
هنفضل نحبك ونعـــــــــــــدي الدروب
و هنفضل نقوووووول عمار يا بلادي

------------------------------------------------------
بقلم : إسراء عبد الفتاح
تحيـــــــــــــــــــــــــــاتي
في انتظــــــــــــــــــــار ارائكو ونقدكو البناء