منطقة الفساد ( البحيرة سابقا )

[أحمدأبوأسماء]

سمعنا من المنطقة ان النص شهر سوف يصرف بتاع رمضان سوف يصرف بعد العيدعلشان مشغولين فى المرتبات والوحيدين هم موظفى المنطقة اللى قبضوا النص شهر طيب رمضان بدأ فى 20/7 هما كانوا بيعملوا المرتبات بتاعة 8 من يوم 20/7 لو حد عنده معلومه تانية او قبض فى البحيرة ياريت يرد على

[Mr...Ahmed]

فيه زملاء بيقولوا انهم اتصلو بأستاذ احمد نصار وقال انهم مشغولين دلوقتى ف النص شهر ده يا ابواسماء

[Mr...Ahmed]

طب تعرف ان فيه حوافز شهر 6 لسه ما اخدنهاش لحد دلوقتى والمفروض تتعمل ف استمارة فردية !!!
انا خلاص مبقاش ليا نفس اتكلم ف حاجة مالية تخص الازهر الفاشل واللى حيفضل فاشل طول مافيه العمم واللى بيدافعو عنهم

[أحمدأبوأسماء]

يا مستر احمد شكرا ع التوضيح وتوقعت ردك وانا زيك ما اخدتش حوافز 6 وبردوا كل الزيادجة كانت 58 جنيه فقط عن شهر 6 طيب ازاى فين بدل الاعتماد 50% وفين ال 15 %

[Mr...Ahmed]

متدورش يا باشا بقى
اللى قاهرنى ان فيه حوالى 200 الف شخص شغالين ف الازهر ده ومرتباتهم هى الوحيدة لحد دلوقتى اللى لسه ف القاع ف وسط الجمهورية كلها واوسخ معاملة ف المناطق الازعرية وشغل عمم شوية بهايم مش بيفهمو حاجة فى اى حاجة وحوافز مش بتيجى واساسى غلط ........ وف نفس الوقت مبتلاقيش واحد من ال 200 الف دول بيقول بم وماشيين زى الالف !!!!

[ahmed.www]

الفساد فى البحيرة مش فى المرتبات فقط دا انت لو عاوز شيخ معهد ادفع وله تسعيرة ........... لوعاوز موجه ادفع وله تسعيرة ............. وهناك سماسرة فلان وعلان وترتان وياسلام لو انت جاى من اعارة تبقى انت الى عليك العين بس بشبشبش ............................والله حرام حرام حرام لذلك الاقدمية هى التى تقضى على الفساد واذا منفعش شيله

[mr_bakar]

المشاركة الأصلية كتبت بواسطة mr...ahmed

متدورش يا باشا بقى
اللى قاهرنى ان فيه حوالى 200 الف شخص شغالين ف الازهر ده ومرتباتهم هى الوحيدة لحد دلوقتى اللى لسه ف القاع ف وسط الجمهورية كلها واوسخ معاملة ف المناطق الازعرية وشغل عمم شوية بهايم مش بيفهمو حاجة فى اى حاجة وحوافز مش بتيجى واساسى غلط ........ وف نفس الوقت مبتلاقيش واحد من ال 200 الف دول بيقول بم وماشيين زى الالف !!!!

يا أستاذ أحمد دة لو مقبضوناش وإدولنا بالجزمة كمان مش هنتحرك وهنبقى متكييفين هما كدة مدرسى الازهر جبناء

[ahmed.www]

بلاغ عاجل :: إلى فضيلة الإمام الاكبر شيخ الأكبر ::
ارجو من فضيلتكم التحقيق فى شأن الترقيات إلى وظيفة شبخ معهد وموجه هذه الترقيات بالـــرشـــــاوى
ولايستطيع موظف أن يأخذ حقه إلا إذا دفع رشوى فأرجو من الإمام الأكبر أن يتحقق من ذلك .وإذا ظل الأمرعلى هذا الحال فهناك مجموعة مجهزة ملف سيرسل منه نسخة إلى النائب العام ونسخة إلى محلس الوزراء ونسخة لرئاسة الجمهورية وياريت يرجع الحال ذى ما كان الأول بالأقدمية لأن صالح العمل بيفتح باب المنافع الشخصية وهذا وقد أعذر من أنذر .....
نماذج من رشاوى وجه بحرى
والرشاوى هى الفسيخ السردين والبورى واللحمه والمانجو والتفاح والبرتقال والخوخ والبلح بأنواعه علاوة على الأموال والعزومات . هذه رشاوى قطاع بحرى وما خفى كان اعظم

[ahmed.www]

يا أستاذ أحمد دة لو مقبضوناش وإدولنا بالجزمة كمان مش هنتحرك وهنبقى متكييفين هما كدة مدرسى الازهر جبناء

لسنا جبناءيا أخ بكار ولكن الدنيا واكل العيش مخليا الناس تتنازل عن أشياء كثيرة والمنافقين كتير