بالنسبة لطب المنصورة

[أنين الأنين]

السلام عليكم
ازيكم يا دكاتره
كل سنه انتم طيبين

الموضوع هو هل طب المنصوره أصعب طب فعلا ولا دا مجردكلام ؟
وهل هو الأحسن ولا القصر العينى ؟
ياريت حضراتكم تكلمونا عليه شويه..عن تجاربكم
معلشوا بقا انتو اخواتنا الكبار

[dr/sherief]

المشاركة الأصلية كتبت بواسطة أنين الأنين

السلام عليكم
ازيكم يا دكاتره
كل سنه انتم طيبين

الموضوع هو هل طب المنصوره أصعب طب فعلا ولا دا مجردكلام ؟
وهل هو الأحسن ولا القصر العينى ؟
ياريت حضراتكم تكلمونا عليه شويه..عن تجاربكم
معلشوا بقا انتو اخواتنا الكبار

وعليكم السلام ورحمة الله و بركاته

اهلا بحضرتك وكل سنة وانتي طيبة
رمضان كريم ان شاء الله

والله بصي انا في طب المنصورة اهو

بس عشان احدد مين اصعب ومين الاحسن لازم اكون درست ف كل من القصر العيني والمنصصورة

بس عامة اسمه طب يعني بيدرس طب حتي لو طب طلخا

وعمرك ما تسمعي كلام حد يقولك ده الطب ده اصعب من ده
انسي كل ده

بس انا من خلال خبرتي في المنصورة
المشكلة في المناهج شوية فيها حشو كتير والدكاترة صعبين

و اي طريق لازم تلاقي فيه صعوبات شوية
بس توكلي علي الله وادخلي اي طب قريب ليكي

و شدي حيلك و زاكري كويس من اول السنة ده اهم حاجة

و ربنا يكرمك يامتياز باذن الله

ملحوظة بجد...ياريت متقلليش من اي طب في حياتك او من اي كلية تانية بغض النظر عن المكان لان العلم واحد والخبرة محدودة

ولو احتجتي اي استفسارات انا موجود باذن الله
بالتوفيق

[أنين الأنين]

شكرا على الرد
أنا ان شاء الله طب المنصورة لانها الأقرب
وان شاء الله لو عندى استفسار هحطه هنا
جزااااك الله خيرا ويارب تجيب امتيااز كل سنه

[dr/sherief]

المشاركة الأصلية كتبت بواسطة أنين الأنين

شكرا على الرد
أنا ان شاء الله طب المنصورة لانها الأقرب
وان شاء الله لو عندى استفسار هحطه هنا
جزااااك الله خيرا ويارب تجيب امتيااز كل سنه

الحمد لله بجيب

و دي اخر سنة

دعواتك بقي

و ربنا يكرمك

[*تائبة فى رحاب الله*]

السلام عليكم ورحمة الله
::
ياأطباء لو سمحتم(عقبال لفظ الدكاترة) اللى هم فى طب المنصورة
سؤال بخصوص الدكاترة اللى بيدرسوا هناك احنا كل اللى عندن اهنا متعقدين
منهم مش عارفة ليه
عشان كدة اخى عاوز يحول عين شمس بسبب الموضوع ده لان كل اللى فيها بيقول
مستحيل حد يجيب فيها امتياز الا ابناء الدكاترة بس,,,,,,,,,
غير كدة ممكن يتعاطفوا مع الواحد ويديله جيد جدا
::
تب وسؤال تانى جزاكم الله خيرا
يعنى لما يحول عين شمس ممكن يحول الكترونى عادى يعنى ولا لازم زى مبيقولاو وصل شقة او نور حاجة زى كدة..
وفى ناس بتقول طالما جايب اكتر من مجموع طب عين شمس يحول الكترونى عادى
::
هو النهاردة تمنى انه يكون جايب اقل من مجموعه عشان بدل الدشوة اللى هتحصل دى

فياريت لو حد يقدر يفيدنا.........
جزاكم الله خيرا

[المؤمن الصغير]

وعليكم السلام ورحمة الله وبركاته

أولا: شكراً على الدقة في مراعاة اللقب، بس ده معناه إن حضرتك مش هتقوليلنا يا دكاترة إلا بعد حوالي 20 سنة، بس ماشي.
ثانياً: ألف مبروك لأخو حضرتك، أنا ليسا مخلص أولى طب المنصورة، ومعتقدش إن الكلام اللي مكتوب صح خالص، الامتياز للطالب المتفوق المكافح اللي بيتعب بجد وعمره ما كان حصري لأولاد الدكاترة، طب المنصورة معروفة محليا وعالمياً، وبسؤال دكتور عندنا في قسم الأناتومي عن عين شمس قال إنها زيها زي المنصورة لأنه خد هناك أولى وتانية.
ثالثاً: بالنسبة للتحويل بما إنه مش لتقليل الاغتراب يبقى لازم وصل النور والعقد والحاجات اللي بيقولوا عليها دي.

[*تائبة فى رحاب الله*]

المشاركة الأصلية كتبت بواسطة المؤمن الصغير

وعليكم السلام ورحمة الله وبركاته

أولا: شكراً على الدقة في مراعاة اللقب، بس ده معناه إن حضرتك مش هتقوليلنا يا دكاترة إلا بعد حوالي 20 سنة، بس ماشي.
ثانياً: ألف مبروك لأخو حضرتك، أنا ليسا مخلص أولى طب المنصورة، ومعتقدش إن الكلام اللي مكتوب صح خالص، الامتياز للطالب المتفوق المكافح اللي بيتعب بجد وعمره ما كان حصري لأولاد الدكاترة، طب المنصورة معروفة محليا وعالمياً، وبسؤال دكتور عندنا في قسم الأناتومي عن عين شمس قال إنها زيها زي المنصورة لأنه خد هناك أولى وتانية.
ثالثاً: بالنسبة للتحويل بما إنه مش لتقليل الاغتراب يبقى لازم وصل النور والعقد والحاجات اللي بيقولوا عليها دي.

جزاكم الله خيرا ع الرد والافادة


بعيد اوى 20 سنة
ان شاء الله نخليهم 10 مع الاجتهاد

الله يبارك فى حضرتك...اول مرة الاقى طالب طب منصورة متفائل
ولسة مخلص اولى كمان اصل اللى قال كدة من دفعة حضرتك
يعنى ممكن تعرفهم واحد اسمه احمد الشيوى ومش هو كتير من الدفع قالوا كدة حتى اللى مخلصين يعنى مش مهم
بس بالنسبة للاجتهاد حضرتك عندنا واحدة قريبتنا كانت فى طب المنصورة وكانت بتجيب جيد جدا كل سنة وبتقول والله مرة دكتور فضل يقولى بعد الامتجحان ممتازة مفيش احسن من كدة
وفى الاخر اداها 35 من 50 قالتله ليه كدة يادكتور قالها معلش دى اعلى درجة عندى

وكتير قالوله متجيش المنصورة عمرك مهتبقى معيد والدى ووالدتى قالوله اجتهد واعمل اللى عليك صدق كلامهم او تساهلوا لان هو اساسا داخل بشرى غصب عنه

وبالنسبة لعين شمس لازم فعلا يكون فى حاجات زى دى رغم انه جايب اكتر من المجموع
ربنا ييسر ويسهل الحال هنحاول نقنعه تانى باذن الله
بارك الله فيكم

[المؤمن الصغير]

المشاركة الأصلية كتبت بواسطة *تائبة فى رحاب الله*

جزاكم الله خيرا ع الرد والافادة

بعيد اوى 20 سنة
ان شاء الله نخليهم 10 مع الاجتهاد

الله يبارك فى حضرتك...اول مرة الاقى طالب طب منصورة متفائل
ولسة مخلص اولى كمان اصل اللى قال كدة من دفعة حضرتك
يعنى ممكن تعرفهم واحد اسمه احمد الشيوى ومش هو كتير من الدفع قالوا كدة حتى اللى مخلصين يعنى مش مهم
بس بالنسبة للاجتهاد حضرتك عندنا واحدة قريبتنا كانت فى طب المنصورة وكانت بتجيب جيد جدا كل سنة وبتقول والله مرة دكتور فضل يقولى بعد الامتجحان ممتازة مفيش احسن من كدة
وفى الاخر اداها 35 من 50 قالتله ليه كدة يادكتور قالها معلش دى اعلى درجة عندى

وكتير قالوله متجيش المنصورة عمرك مهتبقى معيد والدى ووالدتى قالوله اجتهد واعمل اللى عليك صدق كلامهم او تساهلوا لان هو اساسا داخل بشرى غصب عنه

وبالنسبة لعين شمس لازم فعلا يكون فى حاجات زى دى رغم انه جايب اكتر من المجموع
ربنا ييسر ويسهل الحال هنحاول نقنعه تانى باذن الله
بارك الله فيكم

مع إن 10 دي مبالغ فيها شوية بس ماشي، الغريب إن حضرتك متفائلة بالنسبة لموضوع العشر سنين ده ومش متفائلة لأخو حضرتك، بس عموماً أنا برده مجموعي كان أعلى من الزقازيق وعين شمس الحمد لله وصراحة الأسرة عندي كانت منقسمة بابا كان عاوز الزقازيق وماما كانت عاوزة القاهرة لأن كل واحد منهم خريج الكلية اللي بينصحني بيها. لكن في الآخر رحت المنصورة.
فيه عندنا معيدين ملهمش حد خالص في الجامعة لأن تقريباً بيتعين كل سنة حوالي 90 طبيب(التزاما بلقب حضرتك). طبعاً مستحيل كلهم يبقوا أولاد دكاترة.
صراحة اللي مصعب الموقف عندكم إنه مرغم على الطب البشري، وده في حد ذاته مش كويس أوي لكن إن شاء الله يحب الكلية ويتفوق فيها أيا كان مكان الكلية.

[*تائبة فى رحاب الله*]

المشاركة الأصلية كتبت بواسطة المؤمن الصغير

مع إن 10 دي مبالغ فيها شوية بس ماشي، الغريب إن حضرتك متفائلة بالنسبة لموضوع العشر سنين ده ومش متفائلة لأخو حضرتك، بس عموماً أنا برده مجموعي كان أعلى من الزقازيق وعين شمس الحمد لله وصراحة الأسرة عندي كانت منقسمة بابا كان عاوز الزقازيق وماما كانت عاوزة القاهرة لأن كل واحد منهم خريج الكلية اللي بينصحني بيها. لكن في الآخر رحت المنصورة.
فيه عندنا معيدين ملهمش حد خالص في الجامعة لأن تقريباً بيتعين كل سنة حوالي 90 طبيب(التزاما بلقب حضرتك). طبعاً مستحيل كلهم يبقوا أولاد دكاترة.
صراحة اللي مصعب الموقف عندكم إنه مرغم على الطب البشري، وده في حد ذاته مش كويس أوي لكن إن شاء الله يحب الكلية ويتفوق فيها أيا كان مكان الكلية.

10 سنين عادى وبعدين دكتير كمان 6 باقيين و4 مش هيكفوا لا تحضير الماجستير او الدكتوراة (رحم الله من حصلت عليها فى شهرين واكثر الله من امثالها)
انا متفائلة له عادى بس هو انا اللى هدخل
::
انا هخليه ييجى يقرأ الكلام ده
واللى مصعب الموقف!! دلو كل اللى طلعوا عندنا من دفعته لو دخلوا حسب رغبتهم محدش كان دخل بشرى خالص دالبنت الواحد اللى كانت هتدخل بشرى دخلت صيدلة والباقى كان عاوز اسنان.......
احنا جبناله ناس كتير لغاية ماقنعوه بطب بشرى والحمد لله اقتنع او اظهره ذلك
فعشان كدة والدى مش راضى يضغط عليه فى حكاية الكلية رغم انه كان عاوزله الزقازيق بردة .....
انا والله قلتلهم متفرقش الكلية شكلها ايه ولا الدكاترة اهم حاجة الانسان عنده حلم فى الحياة يعنى لازم يحققه حتى لو حصل ايه......
طالما هو فى ماغه ان يبقى معيد وعمل لكدة ربنا ان شاء الله يوفقه
وبعدين حضرتك مش تمسك فى اللفظ اوى كدة
انا دايما بقول كدة كل واحد له مكانته كل الناس بتقول عليهم دكاترة وانا مصممة على لفظ طبيب لحد ميثبت انه حصل على دكتوراة
جزاكم الله خيرا
اعتذر على تعب حضرتك

[المؤمن الصغير]

المشاركة الأصلية كتبت بواسطة *تائبة فى رحاب الله*

10 سنين عادى وبعدين دكتير كمان 6 باقيين و4 مش هيكفوا لا تحضير الماجستير او الدكتوراة (رحم الله من حصلت عليها فى شهرين واكثر الله من امثالها)

انا متفائلة له عادى بس هو انا اللى هدخل
::
انا هخليه ييجى يقرأ الكلام ده
واللى مصعب الموقف!! دلو كل اللى طلعوا عندنا من دفعته لو دخلوا حسب رغبتهم محدش كان دخل بشرى خالص دالبنت الواحد اللى كانت هتدخل بشرى دخلت صيدلة والباقى كان عاوز اسنان.......
احنا جبناله ناس كتير لغاية ماقنعوه بطب بشرى والحمد لله اقتنع او اظهره ذلك
فعشان كدة والدى مش راضى يضغط عليه فى حكاية الكلية رغم انه كان عاوزله الزقازيق بردة .....
انا والله قلتلهم متفرقش الكلية شكلها ايه ولا الدكاترة اهم حاجة الانسان عنده حلم فى الحياة يعنى لازم يحققه حتى لو حصل ايه......
طالما هو فى ماغه ان يبقى معيد وعمل لكدة ربنا ان شاء الله يوفقه
وبعدين حضرتك مش تمسك فى اللفظ اوى كدة
انا دايما بقول كدة كل واحد له مكانته كل الناس بتقول عليهم دكاترة وانا مصممة على لفظ طبيب لحد ميثبت انه حصل على دكتوراة
جزاكم الله خيرا
اعتذر على تعب حضرتك

مين حضرتك دي اللي حصلت عليها في شهرين؟؟؟؟؟؟!!!
بابا برده بيقول لي إنه لازم أكون معايا ماجستير ودكتوراة بالكتير لما يكون عندي 30 سنة، بس هو كاتبني في الموبايل عنده د أحمد مش طبيب أحمد (يعني مش ملتزم بنص حضرتك).
بالنسبة لأخو حضرتك استخيروا ربنا وربنا يوفقه لكل خير.
مينفعش خالص الاعتذار من حضرتك، كل واحد فينا يساعد التاني لما يحتاج حاجة، كلنا إخوة في الإسلام قبل كل حاجة وهذا واجبي، وأي استفسار في أي وقت أنا في الخدمة بإذن الله.

[*تائبة فى رحاب الله*]

المشاركة الأصلية كتبت بواسطة المؤمن الصغير

مين حضرتك دي اللي حصلت عليها في شهرين؟؟؟؟؟؟!!!
بابا برده بيقول لي إنه لازم أكون معايا ماجستير ودكتوراة بالكتير لما يكون عندي 30 سنة، بس هو كاتبني في الموبايل عنده د أحمد مش طبيب أحمد (يعني مش ملتزم بنص حضرتك).
بالنسبة لأخو حضرتك استخيروا ربنا وربنا يوفقه لكل خير.
مينفعش خالص الاعتذار من حضرتك، كل واحد فينا يساعد التاني لما يحتاج حاجة، كلنا إخوة في الإسلام قبل كل حاجة وهذا واجبي، وأي استفسار في أي وقت أنا في الخدمة بإذن الله.

طبعا واحدة مش واحد هو مش طب أصعب من طب
دكتوراة فى الذرة (الدكتورة /سميرة موسى)حلم لم يكتمل...
وفعلا انا سمعت كلام من اللى الواحد لازم يخلص كله على 30 سنة وفعلا فى عندى ابن عمى خلص من سنة وبيحضر دلوقتى وبيعمل حاجة تانية بس مش فاهمة ايه هى بيحضر الزّمالة باين دى لها علاقة بحاجة فى لندن كدة ولازم يكون معاه ماجستير ودكتوراة
وبلاش حضرتك تقول الالتزام بالنص
احنا ان شاء الله هنستخير بنا وان شا ءالله يقدم اللى فيه الخير
وجزاكم الله خيرا

[Iam Alegend]

السلام عليكم

انا جايه اقعد معاكم شويه وماشيه ع صيدله تانى

[*تائبة فى رحاب الله*]

المشاركة الأصلية كتبت بواسطة iam alegend

السلام عليكم

انا جايه اقعد معاكم شويه وماشيه ع صيدله تانى

وعليكم السلام ورحمة الله
عادى اتفضلى المنتدى منتداكم
نورتِ الموضوع
صيدلة كويسة جدا والله للبنات وكون حضرتك كنت عاوزة طب قدر الله ماشاء فعل
(ولئن شكرتم لأزيدنكم)
وان شاء الله اجتهدى فى الكلية و حققى حلمك هناك وربنا يعينك
ولكِ منا دعوات خالصة أن يوفقكِ الله فى حياتك
وفى الدنيا والآخرة
بارك الله فيكم .........مصر لسة بخير فى دكاترة كويسين وكتروا ماشاء الله بس يارب
مش يطفشوا بردة تانى .......مصر أفضل باذن الله

[Iam Alegend]

المشاركة الأصلية كتبت بواسطة *تائبة فى رحاب الله*

وعليكم السلام ورحمة الله

عادى اتفضلى المنتدى منتداكم
نورتِ الموضوع
صيدلة كويسة جدا والله للبنات وكون حضرتك كنت عاوزة طب قدر الله ماشاء فعل
(ولئن شكرتم لأزيدنكم)
وان شاء الله اجتهدى فى الكلية و حققى حلمك هناك وربنا يعينك
ولكِ منا دعوات خالصة أن يوفقكِ الله فى حياتك
وفى الدنيا والآخرة
بارك الله فيكم .........مصر لسة بخير فى دكاترة كويسين وكتروا ماشاء الله بس يارب
مش يطفشوا بردة تانى .......مصر أفضل باذن الله

ربنا يخليكى ياحبيبتى والله انا مش زعلانه ولا حاجه ولا كنت عايزه طب ولا حاجه

الخيره فيما اختاره الله والحمد لله

صيدله كويسه

[Iam Alegend]

همشى بقا اروح صيدله عشان متأخرش وابقى اجى اسأل عليكم
عايزين حاجه هههههههه

دا تهييس التنسيق ع فكره