فلسطين.....فلسطين....فلسطين

[بكري راشد يحيا]

فلسطين.....فلسطين....فلسطين
ولا اعرف اقول الا فلسطين
مهما غيرتو الأسامي
مهما بدلتو ف كلامي
انا عمري ماغاب من قدامي
اسمك يا فلسطين


مين اللي فاكر انه يوم نساني
مين اللي فاكرني نسيت اوطاني
دا انا لو نسيت اوطاني يا اخواني
انا ما استحقش اعيش ولا يوم تاني


ازاي وفلسطين بايته في احضاني
انسي بلادي ازاي او هي تنساني
وانا يا فلسطين مش راجع
الا بالفجر الطالع
انا دم شهيد يكتب اناشيد
علي اسفلت الشوارع
فلسطين....فلسطين....فلسطين


القدس قدسي وساكنه في وجداني
والشمس لو ترحل بترجع تاني
شوف الأمل بيطل من احزاني
ولا حد يقدر يوم يهز ايماني


اولادك الصابرين يا قدس احبابك
مليون صلاح الدين واقفين علي بابك
طلعولك يخدو بتارك
وسلاحهم ايه ..احجارك
اطفال بتموت ما يمتش الصوت
ولا يتكسر اصرارك


فلسطين ...فلسطين...فلسطين