حاسبات و معلومات و لا هندسة قسم حاسبات

[Eng.ABDO2015]

أظن الموضوع باين من اسمه

بس فيه ملاحظة تانية بس انا جالي هندسة منوف و ممكن احول لهندسة و هخش قسم حاسبات ان شاء الله و كنت بقول بدل مدخل حاسبات و ادرس سوفتوير بس مدخل هندسة اللي هيا أعلى و أدرس هاردوير و اخد السوفت وير في دورات . يا ريت حد يرد

[Eng.Mo'men]

طيب وافرض مش جبت تقدير ومش نفع لك التحويل هتخش اييه ؟؟ هتكمل فى هندسة منوف !!! ولنفرض انك جبت تقدير (جيد جدا عالاقل) وحولت ودخلت قسم حاسبات مش هتشتغل الشغل اللى انت بتحبه لأن اصحاب العمل بيتشرطوا شهادة الcomputer science وهتبقا معتمد من نقابة المهندسين ومش هيبقالك مكان فى نقابة مهندسي البرمجيات لأنك هتكون مهندس هاردوير مش سوفت وير .

هندسة اعلى ازاي يعني مش فاهم ؟؟؟ يمكن تقصد اعلى فى المجموع , انا لو مكانك ادخل حاسبات ومعلومات على طول من غير لف ولا دوران , اي شركة تكنولوجية اما بتحتاج مهندس برمجيات او مطور او مبرمج بتقول have computer science degree مش بتقول have computer engineering degree

[Eng.Ahmed Hagag]

المشاركة الأصلية كتبت بواسطة eng.abdo2015

أظن الموضوع باين من اسمه

بس فيه ملاحظة تانية بس انا جالي هندسة منوف و ممكن احول لهندسة و هخش قسم حاسبات ان شاء الله و كنت بقول بدل مدخل حاسبات و ادرس سوفتوير بس مدخل هندسة اللي هيا أعلى و أدرس هاردوير و اخد السوفت وير في دورات . يا ريت حد يرد

هندسه حاسبات وخد دورات سوفت وير ده رأيي

[ateem]

مش معنى ان هندسة تنسيقها اعلى من حاسبات يبقى هندسة تخصصها احسن من حاسبات ...وعلى فكرة حاسبات اول ما نزلت في التنسيق كان تنسيقها اعلى من هندسة بترول !

وعاوز اقولك على حاجة ..مش معنى انك حتاخد كورسات يبقى انت كده اتعلمت وبقيت prof ..مجال السوفت وير اكبر من كده بكتير!

شوف انت حابب تتعلم ايه ..هارد وير ولا سوفت وير ...والاتنين بيجيبوا فلوس والاتنين ليهم وظايف كتيرة.