هل حكمتم على بالكفر والالحاد

[maths city]

لماذا عندما امارس حقى فى الديمقراطيه واقول رأيى الالاف يمنعمونى باسم الدين
انا قلت لا للتعديلات الدستوريه فهل انا مجرم حرب
انا لا يعجبنى افتاء رجال الدين اذا كنتم تطلقون عليهم رجال دين فى لعبه السياسه فهل انا غلطان
انا احترم من قال نعم وخلصت القضيه لماذا نصور للناس ان قول نعم كان للدين وقول لا كان للالحاد
لماذا تقحم الكنس\يسه نفسها فى السياسه ويدعو الناس للتصويت بلا
وفى المقابل يحشد الشيوخ الناس لقول نعم والحمد لله لا اللى قال نعم فاهم حاجه ولا اللى قال لا برضه كان فاهم حاجه
احنا قلبنا موضوع سياسى بحت الى نعم للدين وقول لا للدين ؟
ليه ممكن حد يفهمنى وانا بجد زعلان جدا من الشيخ محمد يعقوب ده شىء لا يصدقه عقل
انا اكتب كلماتى هذه وعندى تصور لما سيحدث
1- حذف الموضوع
2- تكفير العبد لله بتهمه التطاول على الشيوخ
3- الرسايل الخاصه تنهال عليا بالتهديد والوعيد
4- الغاء عضويتى فى المنتدى اصلا
5- يكون فيه حد بيساندنى ويحاول يفهمنى ليه ؟ وده اللى استبعده
انا حاسس ان امن الدوله موجود فى المنتدى اللى عاجبه حاجه بيسيبها ولو مش عاجبه يحذفها
انا مسلم وافتخر ولست اخوانا ولا سنه ولا سلف
انا فقط مسلم ... هو ده عيب ولا حاجه
واوعدكم دى تكون اخر مشاركه فى اى مندى سياسى انا بس ادخل اتفرج وخلاص
بس فهمونى هو الايتفتاء كان على الدين ولا على تعديلات الدستور.؟؟؟؟؟ فهمونى افادكم الله

[منى عز]

لا اعوذ بالله من كلمة ملحد لماذا تقول ذلك على نفسك انت مسلم والحمدلله على نعمة الاسلام لكن فى ناس كثير قالوا ان المادة 2 لو الستور اتغير سوف تحذف لان كثير من النصاره بيطلبوا بذلك واحنا كمسلمين خفنا على حذفها وده برده كان قصح الشيخ يعقوب وبرده هو تلع من الكنيسه قسوسه تقول قولوا لا بصراحه انا عن نفسى كنت محتاره بس انا عايزه استقرار للبلد مش اكثر وكل واحد بينظر من جه وخالص دا الموضوع كله

[Specialist hossam]

السلام عليكم
أخى الفاضل

سأرد عليك من اخر كلامك

انت مسلم ؟؟؟ إذن أنت سلفى إذن أنت سنى

هذا أولا

لأن السلفى ليس فقط المشايخ واتباعهم ولكن السلفى هو مسلم يسير وفق منهج السلف ((قرآن وسنة بفهم سلف الأمة ))


...............................


أخى الحبيب هناك الان مقولة نرددها كثيرا مثل غيرها من الاقاويل وما هى بقرآن ولا حديث ولا حتى حكمة من الحكم ولا نعلم لها مصدر موثوق وهى (( يجب فصل الدين عن السياسة ))


والرد ببساطة الإســـلام دين ودولة


هل كان فاتح مصر


يفصل الدين عن السياسة


وهذا ما اراده العلمانيون والليبراليون وهو اتهام المشايخ بالتدخل فى السياسة ....هل هذه جريمة؟!!

الشيخ مواطن مصرى وله حرية التدخل فى السياسة وفق رؤيته ومرجعيته الدينية

والمشايخ لم ار منهم من قال بأن من سيقول لأ كااااااااافر والعياذ بالله ولكنهم مثلهم مثل غيرهم اوصوا بقول نعم

كما كانت الكنيسة توصى بقول لا بل كانت توجب قول لا

وكانت الاحزاب العلمانية أيضا تستخدم المال فى الدعوة الى القول ب لا فى الاستفتاء


انت قلت لا وانا قلت نعم ........ انت ترى ان رأيك كان افضل لمصر ......... وانا رأيى كان نعم افضل لمصر

والاختلاف فى الراى لا يفسد للود قضية


لكن هل رأيت شيخا يكفر من قال لأ؟؟؟ انا لم ار ذلك وان وجد فهو خطأ فردى لا يحاسب عليه المشايخ كلهم

والشيخ يعقوب (( أخطأ من شدة الفرح )) واعتذر بعد ذلك

أخى لا عليك ....... أبشر خيرا فى المستقبل ان شاء الله

[هانى الشرقاوى]

ههههههههههه
مش امن الدولة بس يا مان
امن الدولة وتنظيم القاعدة كمان
خاف على نفسك بقا ..
ربنا يسترها عليك وعلينا ... وميطلعشى واحد يتبرع بفتوى إهدار دمك
بدعوى الزندقة ... والكفر ... والمجون ... والفسوق

[مستر/ عصام الجاويش]

ليس هذا القسم مخصص للجدل حول موضوعات كهذه لذا سيتم غلق الموضوع