ايها المعلمون أنتم شوية طماعين تصدقوا بالله المعلمين دول شوية طمعين احمدوا ربكم ده أن

[khaled1968]

مش عارف الحجر حينطق متى
تصدقوا بالله المعلمين دول شوية طمعين احمدوا ربكم ده أنتم مرتباتكم خيالية بتبداء من 102 جنية للمعلم المتعاقد الي 700جنية للمعلم بعد 8 سنوات عمل .... يا شوية ظلمة ينفع كدة تظلموا بابا الوزير وعمو النقيب الناس هيقطعوا نفسهم يعني بيقولولكم مفيش فلوس والميزانية لا تسمح باقرار الكادر وكفاية عليكم 50% يعني 100جنية حرام عليكم لازم المعلم يراعي ظروف البلد دة يا بشر الوزير بيراهن عليكم وبيقولكم انا واثق في وطنية المعلمين ولا تنظروا ولا تجعلوا كل همكم المطالب المالية علشان كدة يا شباب لازم نسمع الكلام ولو اي عيل من عيالك طلب حاجة اضربة بالقلم وقولة ظروفي لا تسمح لان ظروف البلد لا تسمح .. لو مراتك طلبت مصاريف البيت علي طول طلقها وقولها هضحي بيكي علشان ظروف البلد ... لو أبنك تعب بلاش توديه لدكتور كفاية يشوفوا حلاق الصحة!!! علشان ظروف البلد ... وشباب المعلمين اللي عايزين يتجوزوا لازم يصموا ويبمسكوا نفسهم لان ظروف البلد لا تسمح ان يتم رفع رواتبهم ....... يا معلمين البلد بتنهار ومفيش فلوس واحنا لازم نقف جنبها يا خلق مفيش فلوس لمطالب المعلمين والدليل انهم اعتمدوا زيادات كاااااااااااااااادر اساتذة الجامعات البهوات لان المعلم ممكن يغور في داهية او ينضحك علية بـ 50% او بـ 100جنية لان ملهوش وزن او كلمة في البلد وملهوش قيمة لكن استاذ الجامعة مينفعش نقلل من برستيجة يا عالم مفيش فلوس في البلد وهذا هو الدليل علي الرابط ......!!
http://www.dar.akhbarelyom.org.eg/issuse/detailze.asp?mag&said&field=news&id=82547See Translation






Like ·

[محمد السيد مرسى عجمى]

والله كلامك اصاب الهدف تخل حضرتك ان الباقي من مرتبي انا - المعلم - 300 جنيه بعد دفع ايحار الشقة وفاتورة الكهربا مطلوب ان اجيب لبس المدارس لعدد 2 وادفعلهم مصاريف المدرسة واكل واشرب انا والاسرة وامشي حالي طول الشهر........ولكن بعد كل هذا احمد ربي واشكره لانه هو الذي يسير كل هذا.مطلوب تحسين احوالنا نحن المعلمين لاننا من اقل فئات المجتمع

[ابو لولى]

ثورة المعلمين لازم تنجح لانها لوفشلت انتهت كرامة المعلم فى بلد لا تحترم العلم وتقدرة

[said amer]

ههههههههههههههه

تصدق بالله انا كانت اعصابي لسه هتفلت مني لما قرأت العنوان
بصراحة كنت ناوي انهال عليك من منقوع الشتائم
لكن لقيت دمك زي العسل والله
لنا الله يا اخي علي ما نحن فيه
ولكن الحق علينا احنا احنا اللي مفرطين في حقوقنا
يا اخي دا امين الشرطة ابو دبلوم احسن مننا ميت الف مرة - ليه علشان طلعو رجالة وو قفو واقفة راجل واحد - علي الفور استجابت الدولة لجميع مطالبهم
انما احنا لسه بدري قوي علينا لما نعمل زيهم

[ميدو200]

لا يوجد بين المعلمين إلا القليل من الرجال ولذلك تطاول علينا الصغار
" ولكنكم كغثاء السيل "

[محجدى]

مرسى مش رئيس لكل المصرين لانه من غير ميبقى فى ايدة التشريع ادى اساتذة الجامعة دلوقتى فى ايده التشريع بس راح يجيب قلم من الصين

[جورج م]

ثورة المعلمين لازم تنجح لانها لوفشلت انتهت كرامة المعلم فى بلد لا تحترم العلم وتقدرة

[maromoon2]

لازم ثورة المعلم تنجح علشان لا قدر الله لو فشلت مش هنقدر نشم اى حاجة والكرامة هتبقى فى الارض و احتمال اسيب التعليم لانى قرفت منه
ضيعت سنين من عمرى فى الارض
مستمررررررررررررررررررررررررررة

[كمال محمود محمد]

فعلا البلد يظهر عليها الفقر لما المعلم يطالب بحقه ويقولك هنجيب منين الفلوس خلصت على الشرطة واساتذة الجامعات وكل الى طالب بحقة انتم كنتم فين ومن انتم من انتم انتم من مصر اللى الاسعار ارتفعت لما المرتبات للموظفين ارتفعت عدا مرتبات المعلمين يعنى ميته وخراب ديار واشرف المر يامعلم وكل فى نفسك انت واولادك

[e_thestar]

اقسم بالله العظيم اننى دخلت على هذا الموضوع وانا فى اشد الغيظ من هذا العنوان المستفذ لان كلمة طماعين دى تدل على ان المعلم يتقاضى اجرا محترما يستطيع ان يعيش فى امان

[هويدااحمد76]

المشاركة الأصلية كتبت بواسطة e_thestar

اقسم بالله العظيم اننى دخلت على هذا الموضوع وانا فى اشد الغيظ من هذا العنوان المستفذ لان كلمة طماعين دى تدل على ان المعلم يتقاضى اجرا محترما يستطيع ان يعيش فى امان

هههههه انا كمان استفزنى العنوان
لكن ده حال المعلم امبارح شوفت النقيب الحلوانى فى قناة 25
لم ولن يفعل شيء من اجل المعلم هو متحدث بإسم الحكومة وصاحب منصب لن يضحى بمنصبه الذى فرضه علينا ولم نختاره نقيب لنا سمعت مداخلة من الشجاع ايمن البيلي رجل محترم ليته كان نقيب المعلمين

[أبو إسراء A]

البدون المعلمون !
ذكرتنى المعالمة المهينة للمعلمين من قبل كل الحكومات بالبدون و هم فى الحقيقة إسم يطلق على من ليس لديه ***ية ، و تستطيع أن تسمع هذه الكلمة مرارا و تكرارا فى الكويت أو عبر وسائل إعلامهم ، و البدون ليس لهم حقوق كأصحاب ال***ية الكويتيين أو ربما ليس لهم حقوق
إلا ما يحفظ الحياة ، و هذا ما ينطبق على المعلمين البدون ، فكل أصحاب المهن الأخري يطالبون بحقوقهم و يأخذوها إلا البدون المصريون! و النتيجة الإنهيار الذى نراه فى العملية التعليمية كلها ، فكيف يعطى من حرم هو و أولاده أبسط مقومات الحياة ، و من يعامل معاملة البدون ؟

[ppoot]

الأخ : الفاضل الذي يهين المعلم ويصفه بالطمع .... أقول له أنت لا تعمل أي شيء في المدرسة ماعليك إلا شرب الشاي و مغادرة المدرسة بعد ساعتين ولا تشارك بأي عمل تطوعي في المدرسة .... ما عليك إلا الحقد .......

[محمد مدحت حسنين]

مشكووووووووووووووووووووووووووووووووووووور

[mohamedaz424]

المشاركة الأصلية كتبت بواسطة ppoot

الأخ : الفاضل الذي يهين المعلم ويصفه بالطمع .... أقول له أنت لا تعمل أي شيء في المدرسة ماعليك إلا شرب الشاي و مغادرة المدرسة بعد ساعتين ولا تشارك بأي عمل تطوعي في المدرسة .... ما عليك إلا الحقد .......

يا اخى اقرا الموضوع الاول وبعدين رد
انت شكلك رديت من غير ما تقرا كلمة
ههههههههههههههههههههههههه