نقيب المعلمين: "المالية" وافقت على تطبيق الكادر على مرحلتين

[itian_forever]

قال الدكتور أحمد الحلوانى نقيب المعلمين، إن الاجتماع الذى جمعه بوزير المالية ممتاز السعيد ووزير التربية التعليم الدكتور إبراهيم غنيم، والذى انتهى منذ قليل، جاء بهدف مناقشة تطبيق قانون كادر المعلمين.

وأوضح النقيب لـ"اليوم السابع"، أن وزير المالية ومساعديه وافقوا على تطبيق جدول الأجور المقترحة من نقابة المعلمين، وتعديلات قانون الكادر على مرحلتين، على أن يعرض الأمر على مجلس الوزراء فى اجتماعه الأسبوع المقبل.

كان الدكتور أحمد الحلوانى نقيب المعلمين، قد التقى اليوم، الدكتور ممتاز السعيد، وزير المالية، والدكتور إبراهيم غنيم، وزير التربية والتعليم، لبحث سبل تطبيق كادر المعلمين، وهو اللقاء الذى تم تأجيله الأسبوع الماضى، لانشغال السعيد بلقاء مسئولى صندوق النقد الدولى.

[العقل المدبر]

و مين بقي قال للحلواني باشا إن المعلمين راضيين أصلا عن الكادر الكارتوني الاجوف اللي سيادته اقترحه !!!!!!!!!!!!!!!

مفيش فايدة

موعدنا ان شاء الله يوم 10 - 9

[كيرو2011]

هذا الحلواني مش فاهم منه اي حاجة بما ان هو حلواني فكلامه كله مشبك

[عصام الفنان]

الحلوانى ده ( مسخها ) خالص ... و خلاها ( طرشى )

[عصام الفنان]

و على رأى الاغنية اللى بتقول ( اللى خرب بيوت المعلمين و خلاهم يشحتوا قدام الجوامع و يمدوا ايديهم للى يسوى واللى مايسواش .. كان فى الأصل حلوانى ) و عجبى .

[ضياء الخطيب 2010]

يعني ايه بقي علي مرحلتين يعني يطبقوا علي مجموعة والمجموعة الثانية علي ما تفرج والله لو وزارة تانية لتنفذ القانون في ايام

[احمد الكنج 11]

إزاى و وزير التربية و التعليم قال بعد الاجتماع انه لم يتم اتخاذ قرار

[عصام الفنان]

المشاركة الأصلية كتبت بواسطة احمد الكنج 11

إزاى و وزير التربية و التعليم قال بعد الاجتماع انه لم يتم اتخاذ قرار

قولولى بقى اصدق مين بالظبط ؟؟؟؟؟؟؟؟؟؟؟؟؟

[محمد ناصر2011]

موعدنا ان شاء الله يوم 10 - 9

[عوض محمد حسن]

من الواضح ان وزارة التربية والتعليم لا يمسكها إلا مراوغ أو كذاب ويكون كثير الكلام ومفيش فعل . لا يصلح في هذا البلد إلا الاضراب ثم الاضراب ثم الاضراب ثم الاضراب المفتوح حتى تتحقق المطالب . دول ولاد ستيييييين ................ فوقوا ايها المعلمين لاسترداد كرامتكم

[عصام الفنان]

الناس كتيرة ليه ..... هوه النهاردة ايه .... ؟؟؟؟؟؟؟؟؟؟؟
يوم الخميس كان بكرة كان بكرة .. يوم التلات كان ايه ؟؟؟؟؟؟؟؟
حد فاهم حاجة ؟؟؟؟؟؟؟؟
طب اللى فاهم يفهمنى

[هانى بهجت اسماعيل]

الحلواني خلاها مهلبية

[عصام الفنان]

المشاركة الأصلية كتبت بواسطة هانى بهجت اسماعيل

الحلواني خلاها مهلبية

ماهو حلوانى بقى

[طارق عبد الحفيظ]

كل ده كلام فاضى لازم الاعتصام ولا بديل عنه كل دي مماطله الهدف منها اسقاط الاعتصام 10/9 وهذا إن دل يدل على ان الاعتصام سينجح بإذن الله لذلك ارجو من الساده المدرسين الافاضل التمسك فى حقهم بالاعتصام لحين دخول هذه القرات حيذ التفيذ

[itian_forever]

لو عاوزين حقوقنا يبقى اعتصام