براءة اختراع للوزارة وعلينا التنفيذ

[كمال محمود محمد]

يطلبون من المعلمون الهدوء حتى تستقر البلد دى نبرة للاسف غير عادلة ودة اخترااااااع نسمعه حينما يفكر المعلم التعبير عن الظلم المحبط التى اصيب به من اختراعات الوزارة مثل :
1- تم رفع مرتبات كل موظفى الدولة المصريين اللى احنا منهم فارتفعت اسعار السلع اللى مطلوب احنا نشتريها لنعيش بس ياخسارة مرتبنا هو هو يبقى ده عدل ويطهر وزيرنا الهمام باختراع ان المعلم بياخذ 300 % ولما بحثنا مين هو ده اتضح انه على درجة مدير عام ومرتبه لايتعدى 2000 جنية فى حين ان العامل فى مصالح اخرى مرتبه صعف المدير بتاعنا فما بالك بباقى المعلمين العاديين
2- كثير من الفئات التى زيدت مرتباتها فى الاصل كانت عاليه ورغم ذلك تم زيادتها لانهم موظفين مصريين اما احنا المعلمون باين من بلد تانية او خسارة فينا الزيادة مثل الباقيين وقالوا اننا لنا كادر الندامة وده اختراااع ضحكت علينا بيه الوزارة بعد مهانة الامتحانات زى الطلبة ونجاح ورسوب وبهدلة يبقى اختراع ولا لأ
3- من قوانين كادر الندامة اللى يترقى ينقص مرتبه واظن ان الحكاية دى مش ممكن تكون فى مكان تانى لانه اخترااااااااااااااااااااااع مصرى وده فى ترقية المعلم والمعلم اول
4- حافز الاثابة المقرر تقل نسبته كلما كان المعلم على درجة اعلى ده اخترااااااااع كمان وله شروط وطبقت باثر رجعى رغم ان كل موظفى الدوله زادو 200% بلا شروط ومنهم ادارى المدرسة الا المعلم
5- كادر الندامه بيصرف على اساسى العام السابق وده برضوا اخترااااااااع مصرى
كفايه اختراعات نعطى فرصة للوزارة والنقابه يخترعوا اشياء اخرى واحنا علينا ننفذ الاختراع ويجعلوا عامر

[أ / محمود هيكل]

لا بديل إلا الإضرااااااااااااااااااااااااااااب
ولا نامت أعين الجبناااااااااااااااااااااااء

[السيدالقناياتي]

لازم اضراب مش اعتصام وبعدين سيبكو من الحلواني بيقول جدول زمني لزيادة المرتبات بقالنا سنين بنقول جدول زمني لما نسينا الجدول اصلا

[عوضكو]

الاضراب هو الحل

[مصطفى جابر راشد]

الهدوووووووووووووووووووووء والتصرف بعقلانية إخوانى الزملاء

[seryo]

لابد من موقف لتحقيق العداله الاجتماعيه

[مصرى الى الابد]

الفلوس تيجى لحد المعلمين و خلاص خلصت

البلد كلها زادت و تيجى لحد المعلمين لازم يراعوا ظروف البلد

[الرعب3250]

مفيش صبر السعودية وقطر والبنك الدولي عطوا فلوس هتروح فين للشرطة والصحة والجيش كالعادة

[هاملت1]

9/10 موعدنا بمشيئة الله