عملت تظلم حصلت على نصف درجة مع انى والله استحق درجتين

[تمساح]

انا حاصلة على مجموع 401 كان نفسى ادخل صيدله لكن على درجة مدخلتش "قدر الله وما شاء فعل " جاتلى كلية طب بيطرى قدمت تظلم ف مادة الفيزياء انى استحق درجتين ورجعت الورقة وكتبت تقريرى المهم انهاردة اتصلو بيا بيقولولى ان حصلت على نصف درجة مع انى والله استحق درجتين بقول الحمدلله المهم كده مجموعى 401.5 يجيب علاج طبيعى القاهرة انا محتارة اوى ايهما افضل انى استمر فى كلية الطب البيطرى ولا احول علاج طبيعى ياريت تفيدونى

[احمد دعله]

لا علاج طبيعي افضل

[prince of scientists]

اولا مبروك على النص درجة هيه بجد غالية اووى لانها هتدخلك كلية كويسة جدا واحسن كتيير من بيطري دلوقتى الكل بيشكر فى علاج طبيعي يعنى هتبقي دكتورة انشاء الله وهيبقالك دخل مادى كويس جدا فربنا يوفقك وبالنسبة للصيدلة فاحمدى ربنا اكيد ربنا هيوفقك فى المكان ده وافتكرى
" وعسي ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون "

[MARRON-5]

انا برده عملت تظلم يعنى المفروض كان يطلع لى 1.5 درجة وما اخدتهاش وبرده كنت ح اروح صيدلة
بس سواء الدرجات كانت جاتلى او لا انا خلاص استقريت ع بيطرى وعملت التظلم بس عشان اثبت ان ليا حق
خليك ف بيطرى احسن والله دى كلية جميلة وسمعت انه اللى بيتخرجو منها بيشتغلو على طول

[esraaegypt]

الف الف مبروك على النص درجة واعرفى ان حالتك نادرة احنا كلنا محدش فينا اخد حاجة .. الحمد لله
علاج طبيعى أفضل ، وده مش معناه ان بيطرى سيئ

[تمساح]

شكرا ربنا يخليكم بس انا محتارة اووووى انا عايزة علاج طبيعى لأنها افضل من البيطرى ولأنى بنت كمان بس العلاج طبيعى فى القاهرة وانا من الأقصر لكن الطب البيطرى قريب منى مش عارفه اعمل ايه[

[آية ممدوح]

علاج طبيعى بالنسبة للبنت مستقبلها أفضل توكلى على الله

[واحده من الناس]

توكلى على الله وحولى علاج طبيبعى
هى غربه بس ان شاء الله كله هيهون
وهتلاقى الاموةر بسيطه جدا متخفيش م الغربه
جامعه القاهره اى حد ليه الشرف انه يكون فيها
بالتوفيق ..,

[logey]

انا عملت تظلم لانى حصلت على صفر من 8 فى التعبير مادة الالمانى فى ظلم اكتر من كده يعنى المصحح اللى تتقطع ايده اللى بيضيع على طالب 4فى المائه من مستقبله نقول عليه ايه وموضوع ليس فيه اى خطأ ونتيجة التظلم حصلت على خمس درجات مع ان من حقى 8 درجات يعنى فى النهايه خسرت برضه 3 درجات حسبى الله ونعم الوكيل

[محمود البهلول]

حولى علاج طبيعى مستقبله احسن مليون مرة وهتبقى دكتورة ناجحة ان شاء الله

[..: Pink rose :..]

حولي علاج طبيعي
و طب بيطري حلو برضوا
انت استخيري ربنا و شوفي مياله لايه اكتر
و قوليلنا رسيتي على ايه

[عمرو و خلاص]

انا عملت تظلم في ال4 مواد و مخدتش حاجة فمبروك عليك ال نص درجة و اساسا انا لو كنت حتي زدت 5 درجات في التظلم كنت برده هبقي في حاسبات و معلومات

[تمساح]

بســـــــــم الله الحي القيوم الذي يقول كن فيكون الحمد لله انا مجموعى 401 نصف درجة تدخلنى علاج طبيعى درجة واحدة كانت هتدخلى صيدله الحمد لله الخيره فيما اختاره الله

[eman only]

بوصى هو طبعا علاج طبيعى احلى

وبيطرى حلو برضو وف كلا الحالتين دكتورة

بس عشان انتى بنت فالاقصر بعيده عن القاهرة وكدا

ولو حبا علاج طبيعى عادى كدا ف مدينه جامعيه يعنى لكل حاجه حل

بس الراى يرجعلك

[Dr..Soha]

استخيرى ربنا لانى سمعت ان العلاج الطبيعى بيبقوا اخصائيين مش دكاترة وبيتكتبلهم كدة فى شهادة التخرج انا مكنتش كاتبة علاج طبيعى وجالى بيطرى الحمد لله على كل حال وعالعموم سواء علاج طبيعى او طب بيطرى فاانا اكتشفت انهم افضل من صيدلة وربنا يوفقك يارب