تباين الآراء بشأن تعيينات المحافظين الجدد عبر "فيس بوك" و"تويتر"

[abomokhtar]

تباينت ردود الأفعال بخصوص قرار الرئيس "مرسي" بتعين عشرة محافظين جدد، حيث رأى البعض أن قرار الرئيس يعد خطوة جيدة للأمام، أما البعض الآخر فقد رأى أن قرار التعين يعد خطوة على طريق أخونة الدولة، وهناك أيضاً الكثير ممن أستهجن تعين بعض اللواءات كمحافظين للمحافظات الحدودية، والبعض الآخر رحب بذلك.

وفيما يلي بعض التعليقات الواردة من مواقع التواصل الإجتماعي المختلفة نصاً:-


rafik_wahby
سعد الحسينى ويحيى كشك أعضاء مكتب الارشاد تم اختيارهم محافظين لمحافظات كفر الشيخ واسيوط على الترتيب

MonaElashry
هو ليه اللواء سيد عبد الفتاح و اللواء محمد كامل يتعيينوا محافظين؟ خلاص مفيش ولا مدني ينفع يبقي محافظ البحر الأحمر و شمال سيناء؟

sallizone
كنت سمعت كده إن مرسي أنهى الحكم العسكري، امال اﻷربع محافظين من الجيش دول إيه؟

abdmeguidkassem
وكأنى أرى الحزب الوطنى يختار المحافظين وفعلا هو حب وطنى لكن بلحية حسبى_الله_ونعم_الوكيل

MHassan_
الفريق حسني مبارك يبقي كل محافظين مصر لواءات...ا.د محمد مرسي يبقي كل محافظين مصر اساتذة جامعة...يخربيت الضحك..:-):-)

DrAhEdris
ورينى بحركات محافظين زى دى الدولة هتبقى عاملة ازاى بعد 8 سنين . دولة فاشية مأدلجة و ما عندكش قدرة تواجهها

waleedtagui
4 محافظين من قيادات الاخوان في المنيا وأسيوط وكفر الشيخ والمنوفيه، هل ده طبيعي؟ حد يفكرني كده بالمحافظات اللي خسر فيها مرسي الانتخابات؟

EhabEltorky
المحافظات الحدودية استراتيجية ولازم يكون لها محافظين عسكريين.. وحياة مذبحة رفح !!

memam8
تعيين اللواءات محافظين لمحافظات الحدود قاعدة يراد وضعها في الدستور

Abanob_Magdy
يعني ايه المحافظات الحدودية لازم يكون لها محافظين عسكريين .. هو بسلامته هايبقي قائد حربي يعني لو حاجة حصلت !!

AHMADitis
وهل حقيقة انه تم اختيار محافظين اخوان للمحافظات التي جاء منها اقل تصويت لمرسي في الانتخابات؟ وهل يعقل انها صدفة ان كان صحيحا؟

uu_erol
تاخد بالك من هيضيع البلد,حركة محافظين خرة,صفوت حجازي في القومي لحقوق الانسان, نادر بكار في الاعلي للصحافة... الخ

2adora007
لووجه محافظين من كوكب زحل هيطلع ناس تاخون بعضهم وتفلفل بعضهم وتعسكر بعضهم وتكفر بعضهم

crazyydentist
محافظين المحافظات الحدودية هيكونوا لوائات جيش على طول ودا عشان سهولة التنسيق بينهم وبين القوات المسلحة وحرس الحدود فى الاماكن دى

Anas_91
كنت اتمنى حركة محافظين مفهاش لواءات

nurhosting
ايه رأيكم في اللواءات اللي اتعينوا محافظين وفي مناصب حكومية؟ عسكر يحكم مدني ليه ؟؟

fawzyfathy
كلمة واحد قالهالي قبل كدة .. لو الصهاينة نفسهم وصلو حكم مصر هيفضل محافظين سنياء ومدن القناة برده من العسكر

mowakeel
يعنى لو كان البرادعى رئيس كان لازم حيجيب محافظين اخوان علشان يشاركوا فى الحياه الإداريه يا تري كانوا حيعترضوا علي قراره!!؟

M_Aswan
قرار تعين المحافظين قرار صائب....ومش كل ما يطلع قرار تعارضوه من غير سبب مقنع.....كفاية ظلم للإخوان بقه....ربنا يخليلنا الرئيس

Monmon
اتقوا الله بقه شوية يعني أربع محافظين إخوان من كل محافظين مصر بقت أخونة للدولة

http://www.moheet.com/2012/09/04/%D8%AA%D8%A8%D8%A7%D9%8A%D9%86-%D8%A7%D9%84%D8%A2%D8%B1%D8%A7%D8%A1-%D8%A8%D8%B4%D8%A3%D9%86-%D8%AA%D8%B9%D9%8A%D9%8A%D9%86%D8%A7%D8%AA-%D8%A7%D9%84%D9%85%D8%AD%D8%A7%D9%81%D8%B8%D9%8A%D 9%86-%D8%A7/

[علوة حامد]

علوة حامد:

اللهم أخون محافظة سوهاج حتى تنضف من الفساد !!