مع او ضد غلق المحلات الساعة العاشرة مساءا !!

[عاشق البلانكو الابيض]

السلام عليكم
يا رب الجميع يكون بخير
عاوز اسمع رايكم فى موضوع هام جدا
تقريبا كل الناس بتفكر فيه
وفى المؤيد والمعارض
وكل واحد ليه اسبابه المختلفة
وهو غلق المحلات الساعة العاشرة مساءا
مستنى اسمع رايكم
مع او ضد
وايه اسبابك !!!!

[Ayman M.Ebrahim]

ضد بالتاكيد
لان المحلات باب رزق و خير لاصحابها
و ايه علاقة التوفير بالمحلات التجارية اللى الناس بتعيش منها
و ليه مش هيكبق الكلام ده على cafe shops - و الكباريهات
انا معترض تماما

[محمد محمود بدر]

انا معترض تماما

وانا كمان معترض تماما

[~ Smile 4 Life ~]

أنا معترضة لإن أصلا الساعة عشرة
ده بيبقي الوقت المناسب عشان الواحد ينزل ويشتري
وثانيا ده بيبقي محل عيش اصحاب المحلات اول عن آخر
واذا عاوز فعلا يطبق القرار عشان توفير الكهربا
المفروض يوفرلهم هم كمان حياة كريمة بصرف مرتبات ليهم
واذا مكنش كده خلاص يصرف نظر عن غلق المحلات في الوقت ده
وأكيد في كذا حل غير كده لتوفير وترشيد الكهرباء

[a7med bondok]

عادي اي حد عايز ميقفلش المحل يكتب عليه كباريه

[Mrs Sama Ahmed]

لا طبعا انا ضد غلق المحلات الساعة العاشرة لانها باب للرزق وليه مش هيغلقوا الكبريهات يعنى والنوادى والكافيهات السياحية

[نحلة المنتدى]

ضد لان المحلات باب رزق وممكن الناس تحتاج حاجات بعد الساعه 10 شكرا ع الموضوع

[مريم السباعى.]

ضد ضد ضد
بيعملو تقليدا لدول الاوربية لما نبقى قدهم نبقى نعمل زيهم
مينفعش نطبق النظام على بلد بلا نظام
و نسيب القضايا الاساسية ونمسك فى فروع هايفا مش بيتبصلها غير من زاوية وحدة
فى ناس كتير بتشتغل وردية تانية
اذن انت حتخفض الكهرباء وتزود البطالة
ثانيا ان اغلب استهلاك الكهرباء فى المية 45 منه فى البيوت وليس المحلات فلما الناس دى حتعقد فى البيت يبقى حتستغل كهرباء اكتتر من الى كانت حتسهلكها فى المحلات
يعنى من الاخر
كلااااااااام فااااااااااااااااااااااااااااااااااااااااضى

[modym2020]

بالتأكيد ضد هذا القرار الغير مدروس

السؤال : ما هى مبرراته ؟

- عدم سهر الموظفين

يجب العمل أولا على تحقيق العدالة الاجتماعية ومرتبات مجزية وقتها يكون هناك عقاب رادع لكل من يقصر فى عمله

و يقرر عدم عمل أى موظف فى عمل آخر

ويقتصر عمل المحلات على من ليس لهم فرص عمل .

توفير الكهرباء والمياه

مصر دولة تصدر الكهرباء والحل يجب أن يكون فى توفير الكهرباء للمصريين أولا

والمياه استخدامها فى المحلات نادرا

أخيرا

هؤلاء التجار دفعوا آلاف الجنيهات من أجل الاستفادة من هذه المحلات

فعند إغلاقها من أين لهم بتعويض عن تلك المبالغ من ايجار وعمالة وضرائب وبضاعة تم استيرادها وغير ذلك ...

شكرا على الموضوع

[غازي محمد]

ضد القرار

طبعا هناك مستلزمات ضرورية تلبي حاجات ورغبات الزبائن لا يمكن الاستغناع عنها
الا ان هناك تباين في احوال واوضاع المستهلكين خصوصا في الاوقات
فالبعض احيانا لا يسعهم الوقت للشراء الا في وقت متأخر من الليل

اما فيما يتعلق بالكهرباء
اعتقد المصانع هي التي تستهلك كميات كبيرة من الطاقة



شكرا جزيلا

[*تائبة فى رحاب الله*]

مع القرار
لكن يمكن 10 تكون 12
الشرطة قالت انها كفيلة تمنع السرقات
بالتالى نشاط الافراد هيزيد بدل ميكسلوا ويرموا الموضوع فى اخر اليوم ينزلوا يشتروا...!
المحلات فى كل البلاد بتقفل 9 او 6 كمان
ولمبررات تانية ..اعتقد ان القرار كويس
بس مش ينفع نحكم عليه يطبق اولا ثم ننظر اذا كان مفيد ونافع للدولة
يعنى يطبق اولا بعد الدراسات اللى اجرت عليه انه يقدم نفعولا لأ لان اعلى درجات الجهل في هذه الحياة...أن ترفض شيئاً لا تعرفه..وأعلى درجات التسرّع هو قبول الشيء دون دراسة. وهذا هو الفرق بين التمهل والتباطؤ!


وربنا يقدم اللى فيه الخير
جزاكم الله خيرا

[السياسى القديم]

ضد قرار متخلف غير مدروس له اغراض اخرى غير موضوع الكهرباء

[love ur life]

أهو قرار والسلام !

[نجوى إبراهيم]

ضد هذا القرار الغير مدروس
طيب ما يدوروا على المصانع اللى شغاله 24 ساعة متواصلة هى دى مش بتسحب كهرباء ولا شغالة بالطواحين ولا هما بيدورا على أكل الغلابة وبس
ده المصنع الواحد أكيد بيجر كهربا زى 500 محل يبقى بقى نخلى فيه عدالة وكل المصانع تقفل الساعة عشرة
والعيادات إن شاء الله اللى ممكن تكون بتقفل 10000 جنيه فى الليلة دى بقى مش بتسحب كهربا واللا ايه. يعنى صاحب محل غلبان شغال فى النهار موظف ولا على تاكسى وبيفتح بالليل ساعتين علشان يأكل عياله نظلمه كده والله حرام
خلاص لو القرار ده هيطبق يبقى كل البلد تقفل الساعة عشرة

[سوزاكو]

انا ضد القرار طبعا ازاى دى الناس بتكون فى الشارع فى الوقت هذا التحديد