الزيادة 113 للمعلم هو ده الكادر

[احمد الكنج 11]

المعلم حديث التعين الاساسى بتاعة 226 يعنى 50% تساوى 113 جنيه
ماكنش فيه داعى للتعب يا مرسى انت وقنديل . اللى يسمع عن طول المشاورات و الاجتماعات يعتقد ان الكادر راح يطلع بزيادة 2000جنيه او 3000 جنيه. 113 يا فرحتى

[استاذ احمد ابو الوفا]

113 قبل الخصومات يعني ممكن ترسى كمان على 97 جنيه كل الحكاية

[Fathi Mahmoud]

لازم نوزع حاجة ساقعة بالمناسبة دي
مرحبا بالدروس الخصوصية
العيل اللي مش هياخد درس هينضرب هو وأهله
علشان ننجح مشروع النهضة بتاع سيادة الرئيس

[احمد طلعت انجليزى]

صدقونى لازم مافيش دراسة السنادى هو داه الحل الوحيد

[احمد الكنج 11]

نشرت عدة مواقع الجول المقترح لاجور المعلمين بزيادة 1000 للمعلم المساعد و 1200 للمعلم و 1500 للمعلم الاول الخ الخ الخ حتى الوصول الى 3000 جنيه
فى النهاية نجد زيادة المعلم و المعلم المساعدة حوالى 100
هذا يعنى ان المعلم لا يساوى واحد على عشرة من المعيد بالجامعة الذى حصل على بدل جامعة 1000 جنيه

[ayah25]

والله حرام عليهم ال113 يعملوا ايه
لازم الاضراب حتى ناخذ حقوقنا

[abdo281]

كتبت:أميرة فكرى
وافق الدكتور محمد مرسي رئيس الجمهورية على صرف بدل الاعتماد الكادر بنسبة 100% من أساسي راتب المعلم في أول يناير 1/1/2013، وتنفذ بنسبة 50% من أول أكتوبر القادم 1/10/2012, على أن تقوم وزارة التربية والتعليم بتوفير كافة الموارد المالية من ميزانيتها الخاصة دون ان تحمل ميزانية الدولة أى أعباء إضافية. تأتي هذه الموافقة تنفيذًا لتعليمات السيد رئيس الجمهورية في النهوض بالتعليم بداية بإصلاح الوضع المادي والاجتماعي والادبي للمعلم المصري.
جاء ذلك بناءً على مطالب الدكتور إبراهيم غنيم وزير التربيــــــــــة والتعليم في الاجتماع المنعقد بقصر الرئاسة أمس بين الدكتور مرسي رئيس الجمهورية ووزيرى التعليم والمالية ونقيب المعلمين.

[الاستاذ صلاح1]

انا محبط محبط محبط جدا وعايز اسيب البلد دى واروح اشتغل فى الى مصيبة برة

[bob1111]

فين حنفي والجماعة اللي بالي بالكم كانوا قارفينا امبارح وبيردو بتعصب من غير ميفهمو وقالوا ايمن البيلي اساء الادب للرئيس ما حدث اليوم ان الرئيس اهان مليون و200ألف معلم بأسرهم واقر زيادة 50%وكأننا مأجورين نتعامل باليومية لم يخطئ السيد ايمن البيلي امس والمسلسل الهابط اللي كانوا عاملينه النقيب يقول تصريحات الوزير يكدبها مساعد الوزير يقول تصريحات الوزير يكدبه والجدل اللي تم وترقب المعلمين وانتظروا أخبارة سارة قريبا كل الصداع ده عشان 50% زيادة بس لما الواحد يرجع بالزمن لما كان مجلس الشعب حيقر مشروع الكادر كانت بردو الزيادة 50% من الواضح ان الجماعة بتطبق سياستها للتعليم اللي هي رسماها ومش من اهتمامتها التعليم اصلا وبعدين احنا لما قولنا تعديل الكادر كنا نقصد تعديل القانون من مكافأة امتحانات ونظام عمل ووضع ضوابط كنا نقصد كادر حقيقي يضمن حقوقنا وفي النهاية وبعد تدخل سيادة الرئيس حصلنا علي زيادة 113 جنيه (كيلو لحمة+ كيلو طماطم ) وكأننا نتسول حسبي الله ونعم الوكيل

[صفاء عزمى]

المشاركة الأصلية كتبت بواسطة احمد الكنج 11

المعلم حديث التعين الاساسى بتاعة 226 يعنى 50% تساوى 113 جنيه
ماكنش فيه داعى للتعب يا مرسى انت وقنديل . اللى يسمع عن طول المشاورات و الاجتماعات يعتقد ان الكادر راح يطلع بزيادة 2000جنيه او 3000 جنيه. 113 يا فرحتى

انت عايز تاخد يعني ملايين انت كويس يا اخ
انا متعين لي 18 عام ممكن اكون مدرس عليك مرتبي 1290 الزيادة 1500 اول يناير 1700
مايو 1900 يولية2100

[مستر محمد خليفة]

كل الصداع ده عشان 50% زيادة!!!!

[احمد الكنج 11]

مش فاهم الارقام اللى كتبتها يا استاذ عزمى
انا اشرف ان اكون تلميذك

[Ayman M.Ebrahim]

الله المستعان
و هكذا دائما المعلم لابد ان يكون فى آآآآآآآآآآخر الصف

[مستر محمد خليفة]

المشاركة الأصلية كتبت بواسطة احمد الكنج 11

المعلم حديث التعين الاساسى بتاعة 226 يعنى 50% تساوى 113 جنيه
ماكنش فيه داعى للتعب يا مرسى انت وقنديل . اللى يسمع عن طول المشاورات و الاجتماعات يعتقد ان الكادر راح يطلع بزيادة 2000جنيه او 3000 جنيه. 113 يا فرحتى

يا جماعة الرقم 113 مش بيفكركم بحاجة؟؟؟؟؟؟؟؟؟

[أ/رضا عطيه]

المشاركة الأصلية كتبت بواسطة صفاء عزمى

انت عايز تاخد يعني ملايين انت كويس يا اخ
انا متعين لي 18 عام ممكن اكون مدرس عليك مرتبي 1290 الزيادة 1500 اول يناير 1700
مايو 1900 يولية2100

نفسى أفهم منك مشاركة واحدة ياأستاذصفاء

ممكن ترجمة إضافية

لأن أرقامك عالية عالية عالية

فأنا 28عام خدمة ولم أصل لأاى رقم من هذه الأرقام التى ذكرتها الأن

ولذلك تجدنى انبهرت بها

وعلى فكرة لست مدرس مجال والذين تكرههم كالعادة

شكرا