// رفقاً بقلبي ياحبيبي //

[مـــــلك]

متغير حاله
مش عارفه انا ماله
احواله غريبه
تعبتني معاه وليلاتي ابات وانا حاضنه الآه
ده هو حياتي واكتر منها
ونفسه ده عشقي وبيه انا أعيش
من فتره كبيره وانا حاسه عذابه
وفي قربه انا حاسه غيابه
انا حاسه بروحه بعيده
بيكون بين ايدي ودموعي على خدي
مبكنش سعيده
عشان بلاقيه شارد بخياله
وسيبني لوحدي اسرح بخيالي
واسأل انا ماله
مالقيش ليا جواب يرضيني
واقول زعلته او حتى دايقته
وبخاف أنا أسال
أنا أصلي وعدته
اني في حبه راضيه عذابه
ومن غير شكوي هاعيش وانا راضيه
لكن بضعف وأرجع اسأل
بسال وأنا خايفه
ملاقيش رد
علشان ساكت
دايماً ساكت
يخنقني سكوته مانا نفسي أرتاح
ده وحشني كلامه وصوته
وقلبه وعشقه
وخوفه عليا
واحشني غرامه
وحبه وأهتمامه بيا
بس انا هافضل راضيه
مهو قالي برغم القسوه
انا قلبي حنين
وفي عز غضبي هاتسمعي مني كلامي بيجرح
بس انا مش بأقصد انا بس بدايقك
عشان مخنوق
وفي اخر مره كان جرحي كبير
أصل الوقت اللي جرح فيه
كان نفس الوقت اللي اتمنيت جمبي الاقيه
بس ياقلبي انا بردو بحبك
وانا هاستحمل منك ياما وياما
علشان نفسي يكونلي مكان في حياتك يوم
يومها ياعمري مش هانحس بأي هموم
انا بتمنى اليوم ده كتير
أصلي تعبت من التفكير
نفسي انا بس أعرف ماله
ايه بس مغير أحواله
شغلني قلبي عليه كتير
سألني ياما وتعبت انا من التفكير
ليلاتي قلبي يقول واحشني
ليلاتي قلبي يقول حبيبي
ليلاتي قلبي ينطق بأسمه
ونفسي يوم بجد يسمع
أنا نفسي نرجع نضحكـ كتير
ضحكتنا غابت بقالنا فتره
وغابت معاها حاجات كتير
:::::::::::::::::::::::::::::::::::::::::
إليكـ يامالكـ روحي
رفقاً بقلبي
كنــــــــــــــــــــــــــــــــــــــــــــــــ ارة