استفسار ثالثة ثانوى

[ahmed.yahia]

انا فى تانية نقصت فى كل المواد 6 درجات ونقصت فى الانجليزى لواحده 6 درجات ياعنى نقصت فى الانجليزى قد كل المواد ومجموعى اصبح 94.1 لانى بجد استهترت فى تانية وداخل ثالثة قلقان وخايف لان انا عاوز ادخل هندسة وخايف تضيع منى فا انا بطلب منكم تنصحونى اعمل اية فى ثالثة علشان مجموعى يزيد ياعنى ازاكر المواد ازاى وازاكر من كتاب اية فى كل مادة وعدد ساعات المزاكرة لكل مادة علشان ادخل الامتحانات مطمن
المواد
عربى
رياضة 2
انجليزى
فيزياء
فلسفة

[~ Smile 4 Life ~]

بالنسبة انك تذاكر ازاي فأنا بصراحة مش هقدر أفيدك لان كل انسان بتبقي ليه طريقة مذاكرة معينة ...وأنا كمان مكنتش بذاكر كويس يعني السنة اللي فاتت فمش هقدر أفيدك ..لكن حاول تشوف ايه كانت أخطاءك السنة اللي فاتت ومتكررهاش يعني من حيث طريقة مذاكرة الدرس ومراجعته وحل الاسئلة عليه......الي أخره
أما بالنسبة انك تذاكر من ايه فشوف مذكرات الاساتذة اللي انت بتاخد عندهم درس وذاكر منها لاني أنا أعرف ناس بتشتت من المذاكرة من كذا مصدر...لكن لو علي الملخصات فالملخصات دي أنا بشتغل منها وكويسة خالص...
العربي/الاضواء
انجليزي/the best اوsurprise
الفيزياء/المثالي والامتحان أسئلة
رياضة 2/صراحة معرفش لاني مش واخداها بس اسمع عن لأمي انه كويس
فلسفة/.....
وبالنسبة لعدد ساعات المذاكرة فأنا مش باخد بعدد الساعات أهم شئ انك تفهم اللي بتذاكره كويس بغض النظر انت ذاكرته في اد ايه
بالتوفيق........

[prof/sand]

الاعتراف بالخطا اول سبل النجاح
وانت قلت انك استهرت فى 2


كويس يبقى تتخلص من الاستهتار تماما

واستهتارك جاب 94

اومال بقى لو اهتميت شوية

تجيب ال100 بقى(ان شاء الله)

يعنى ممكن تكون بعد الدرس بتسرح مع اصحابك شوية

لا تخليك كده شاطر ومن الدرس للبيت

ممكن يكون مش بتذاكر حاجات فى المنهج على اساس انها مش هتيجى

معلش اعصر على نفسك لمونة واقراها حتى

ممكن يكون النوم معاك سلطاااان جامد

اغصب على نفسك شوية وكوبيتن قهوة وخلص حاجتك كلها ونام براحتك

وبالنسبة للانجليزى

افضل حاجة له الحل الكتير وبعدين ده انجليزى يعنى تحله فى اى وضع

وانت كده بتتفرج على التلفزيون حل شوية
اهم حاجة تتدخل الامتحان وانت مخلص كتب حل

والتوفيق من عند ربنا