|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
13-06-2013, 05:33 AM
|
|||
|
|||
نصيحة للى رايح 3ثانوى
السلام عليكم
ازيكم ايه الاخبار؟  ان شاء الله بخيركل سنة وانتم طيبين اولا انا طالبة فى تانية ثانوى داخلة 3 علمى رياضة انا السنة دى زيي زى طلبة كتير بحب اذاكر بليل طبعا البيت هدوء والجو مهيأ وانا دماغ فى المذاكرة شوية اكتشفت ان فكرة السهر بليل مع المنبهات دى خطرجدا اولا لانها بتأثر على افراز هيرمونات كتير مهمة للجسم ثانيا لان المنبهات بتسبب زيادة التوتر والقلق بشكل عام اكتشفت المشكلة دى للاسف فى الكيمياء الترم الاول كانت اكتر مادة بذاكرها وكان نفسى اقفلها لكن للاسف دخلت الامتحان ولقيت المعادلات كلها فى دماغى دخلت على بعض بس الحمد لله جمعت والموضوع مشى على خير ونقصت نص درجة بس الحمد لله متعلمتش وعملت كارثة اكبر الترم التانى ، الميكانيكا كانت بالنسبالى احلى مادة فى السنة كلها وكانت اكتر حاجة بذاكرها ، عملت غلطة انى بقيت بروح الامتحان وارجع منه انام واصحى بليل اسهر وافضل اذاكر لحد تانى يوم الصبح وانا رايحة الامتحان ، دخلت امتحان الميكانيكا ومن قلة التركيز مسألة جاتلى بنفس الارقام وكنت لسة حلاها قبل ما اروح الامتحان شفتها تنحت معرفش ايه اللى حصلى ، وكالعادة خرجت من الامتحان منهارة لانى مقفلتهاش بسبب غلطة تافهة زى دى ، قلت يمكن كنت بذاكر غلط لحد ما من يومين بالظبط كنت بلعب لعبة التركيز اللى هى بتشوف انهى كارتين متطابقين وتحددهم مع بعض فى العادى بجيبها فى اقل من دقيقة المرة دى عملتها فى 3 دقايق ده بسبب انى طبعا كنت مطبقة فمكنتش مركزة فحابة اقولكم نصيحة ابعدو عن المنبهات وعن السهر بليل لانه بجد مؤذى ، حاول تداوم على الصلوات وتنظم جدول تمشى عليه لانى كمان فى الاسبوع اللى مكتش بعمل فيه جدول مكنتش بذاكر اصلا ، قراءة القرآن بتديك راحة نفسية كبيرة وبتحس ان جواك قوة رهيبة وان ربنا واقف جنبك فى كل حاجة وهيوفقك فحاول تقرا ولو 5 صفحات قبل المذاكرة ، وبلاش من كتر التوتر تسهر تذاكر ليلة الامتحان لانه بيخلى معدل تركيزك جوا الامتحان صفر ، نام كويس وكل كويس ويا ريت لو تمارس الرياضة لمدة نص ساعة كل يوم يكون افضل حبيت اديكم النصايح دى عشان السنة الجاية مش هتبقى متحملة ان حد يضيع حلمه ومستقبله بسبب اخطاء زى دى وربنا معانا كلنا ان شاء الله 
|
|
#2
13-06-2013, 07:16 AM
|
|||
|
|||
|
السلام عليكم ورحمه الله وبركاته
والله يا بنتي مش عارف اقولك أية - يا ريت الناس كلها زيك كده تحب الخير للناس زي ما بتحبها لنفسها أسلوب كلامك هو اللى جبرني أنى لازم أرد عليكي برسالة اشكرك فيها وأقلك ربنا يبارك ليكي يارب في حياتك ودنيتك وأخرتك - اللى زيك مع الأسف معدودين في العالم كله مش في مصر بس وصدقيني هاتلاقي الخير جايلك من أبواب كتير بسبب اللى عملتيه ده - ربنا يا بنتى يارب فيكي والشكر الأول والأخير طبعا لوالدك ووالدنك اللى علموا واحده زيك انها تكون بالاخلاق الحميدة دي - يا ريت تشكريهم هما كمان. أسامة حلمي
|
|
#3
13-06-2013, 07:34 AM
|
|||
|
|||
|
اقتباس:
انا معملتش حاجة ده واجبى كتير عليا ده والله ده بس من ذوق حضرتك ، يا رب يكرمهم ويرزقهم فى الدنيا وفى الاخرة ويفرحهم بيا بأذن الله شكرا جدا
|
|
#4
13-06-2013, 07:41 AM
|
|||
|
|||
|
ان شاء الله ربنا ها يحقق ليكي اللى بتتمنيه وأكتر كمان ويا رب تطلعي من أوائل الجمهورية، يا رب والله من قلبي بأقلها ليكي - أنا كمان عندي بنتين توأم السنة دي في الاعدادية واحده جابت 97.5% والثانية 95.3% ربنا يوفقهم هما كمان وباقى المسلمين جميعا يا رب.
|
|
#5
13-06-2013, 07:46 AM
|
|||
|
|||
|
اقتباس:
ادعيلى ادخل هندسة دى اكتر حاجة بتمناها من ربنا ومحتاجة دعواتكم جدا ، ربنا معاهم ويدخلو اللى بيحلمو بيه
|
|
#6
13-06-2013, 07:54 AM
|
|||
|
|||
|
ربنا يا رب يحقق ليكي امنيتك وتدخلى هندسة ويا رب كمان تقدرى تدخلى ارقى وأحسن قسم فيها أو نقول التخصص اللى انتى بتحبيه فيها يا رب آمين
|
|
#7
13-06-2013, 09:36 AM
|
||||
|
||||
|
كلام جميل جدا
وممكن طبعا عشان انتى علمى رياضه محتاجه تركز جامد وفهم تمام ولازم تاخدى راحه كافيه بالنوم لكن انا بالنسبه ليه فى سنه تانيه ده السنه الى فاتت كنت بقعد العب طول النهار وانام باليل واصحى الساعه 3 الفجر بقوم اصلى ركعتين وبفضل قاعد لغايه 7 بخلص فيه المنهج كله حفظ وكتابه كمان والحمد لله مش نقصت كتير فى تانيه وخصوصا فى المواد المنتهيه زى التاريخ و علم النفس .....  لكن طبعا النظام ده مش ينفع فى ثانويه عامه لازم صح ناخد قسط كاف من النوم ونذاكر الصبح وكمان مذاكره الصبح ده بتكون لسه صاحى من النوم فايق بقى  انمى باليل بتبقى راجع من دروس مهدود وعايز تنام بأى طريقه فعشان كده متنفعش المذاكره ده  لكن عموما الف شكر ع النصيحه الكبيره ده
|
|
#9
13-06-2013, 10:26 AM
|
||||
|
||||
|
مشكورة يا بسنت ونعم الاخت والدال علي الخير كفاعله الله يوفقك يا بنتي ويعطيكي ما تتمني وتشنهي اللهم امين
__________________
كل عام وانتم الي الله اقرب
|
|
#10
13-06-2013, 12:48 PM
|
|||
|
|||
|
بجد مش عارف ارد ازاى على الموضوع الروعة ده
ربنا يعوضك كل خير
|
|
#11
13-06-2013, 02:09 PM
|
||||
|
||||
|
نصيحه للي رايح 3 ثانوي اخلع علي صنايع والحق نفسك
|
|
#12
13-06-2013, 06:50 PM
|
|||
|
|||
|
شكرا بجد على الموضوع و كلامك صح 100% و انا موضوع الميكانيكا ده كمان حصل معايا بالظبط كان اخر امتحان و من كتر التعب نمت طول اليوم و صحيت باليل و طبقت للامتحان و غلطت فى مسئلة كنت لسة مذكراها بس الحمد لله ان ده حصل معانا فى تانية على شان نتعلم للسنة المهمة
__________________
 
|
|
#13
14-06-2013, 03:40 AM
|
|||
|
|||
|
ببأذن الله يا استاذ اسامة شكرا جدا
Sniper .. ده ممكن عشان انت ادبى فكدة كدة بتبقى حافظ الاسئلة اللى بتتكرر وحالل عليها كتير انا كنت بعمل كدة فى اولى ، بس اوعى تعمل كدة فى تالتة امين يا مستر حاتم ابانوب شكرا جدا ربنا يكرمك نينا انتى رياضة بردو؟ كارثة الموضوع ده والله ربنا يسهل بقى احمد ،، انا بقول كدة بردو :D
|
|
#15
15-06-2013, 06:08 AM
|
|||
|
|||
|
يا رب
طب تعالى نعمل جروب علمى رياضة احنا كمان هم عملو لادبى وعلمى علوم فاضل احنا القلة المندسة
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:51 AM.
