خصم 100 نتيجة الترقية من معلم الى معلم اول أ

[شوقي ابراهيم]

انا فى المرحلة الثانية للكادر وحصلت على الدرجة الاولى واصبحت معلم اول أ وعند قبض المرتب والحوافز كانت نتيجة الترقية خصم 100 جنية من المرتب وبسؤال الموظف المختص قال لى اننى بعد الترقية اصبحت خاضع للضرائب فهل هناك تفسير حتى يستريح عقلى

[سهور57]

المشاركة الأصلية كتبت بواسطة شوقي ابراهيم

انا فى المرحلة الثانية للكادر وحصلت على الدرجة الاولى واصبحت معلم اول أ وعند قبض المرتب والحوافز كانت نتيجة الترقية خصم 100 جنية من المرتب وبسؤال الموظف المختص قال لى اننى بعد الترقية اصبحت خاضع للضرائب فهل هناك تفسير حتى يستريح عقلى

نفس المشكله حصلت معى والسكرتير قال اندى ضريبة كسب
وانها ستخصم مره واحده
لو فى حد يعرف اكتر عن الموضوع ياريت يفيدنا

[محجدى]

اعتقد ان ده المتغير

[محجدى]

يتم خصم 10% من راتبك من بداية شهر يناير حتى يوليو للمعاش ويسمى بالمتغير وكل ما مرتبك يزيد ال 10% تزيد

[ابو أ يمان]

انت معلم اول حافز الاداء بتاعك 50% اما عندما اصبحت معلم اول ا اصبح حافز الاداء 25%
وارجوا ان اعرف محافظتك لان هناك تفسير اخر

[M..osama]

أضف الى حكاية الضرائب
يوجد تبديل فى الـ 25% تخصم من الحوافز وتضاف الى الكادر
عندما كانت فى خانه الحوافز تحسب على الاساسى لهذا العام
أما عندما اضيفت الى خانه الكادر فهى تحسب على اساسى العام السابق






.

[امير226]

ألف مبروك على الترقية ( زغروتة ) أنا الحمد لله مقدم على الترقية خبير والادارة عندنا في أبو كبير شمت ان انا قدمت بالرغم ان اسمي مجاش لسه في الكشوف بس برضة افترضت اني ترقيت شوف الحلاوة وطبعا طبقت الخصم على مرتبي حوالي 200 جنية ( مش عايزين قر مش خبير ) والمصيبة في نفس الادارة الخصم لم يطبق على بعض الزملاء اللي خدوا خبير بالفعل يمكن الخبير تفرق من واحد للتاني الخبير بتاعتي جامدة شوية وسرها باتع ده من قبل ما تيجي عملت كده امال لما توصل بالسلامة هتعمل ايه مبروك علينا الترقية يارجالة.

[حمادة1981]

السبب ان الكادر يحسب علي اساسي ٣٠/٦ وانتي كنت بتأخذ بدل اداء 50% علي اساسي 1/7 ولم اترقيت شالو25% من بدل الأداء وعطوك 25% كادر علي العلم أن كل موظفي الدوله بيأخذو كل حاجه علي اساسي 1/7 الا المعلم المظلوم

[algazzr]

كلما زاد المرتب
زاد الخصم بسبب الضرائب
الدوله تعطينا مرتب
وتأخذه ضرائب بالشمال
والله المستعان

[الاستاذ اشرف شهاب]

شىء طبيعى جدا

[محمد محمود بدر]

ولسه ياما هانشوفوا

[حمادة المصرى2]

لاحول ولا قوة الا بالله

[seeen]

لو صح هذا الكلام فهو فى محافظات دون أخرى فما أعلمه يقينا أن هناك بالفعل نقص فى المرتب لكن لا يتجاوز 20 جنيها وذلك لفارق احتساب الكادر عن الحافز كما ذكر بعض الاعضاء ...طبعا لا اشكك فى كلام صاحب المشاركة أ/ شوقى لكنى اردها الى اما اختلاف المحافظة او اختلاف احتساب نسبة الحافز والكادر من عام مضى او عام حالى

لكن الانصاف يقتضى القول انه ووفقا للقواعد ينبغى خفض 25% من كل من ترقى من معلم أول إلى معلم أول أ وقد سبق شرح تفاصيل ذلك فلا داعى للتكرار

[seeen]

استدراك : اقصد بينبغى وفقا للقواعد وليس ما اتمناه او ارضى به فهذا ظلم لا شك

[محمدعبدالرحمن محمد]

انت بكده تكون فى مصر تترقى والمرتب ينقص هى من عجائب القوانين فى مصر