ممكن حد يعملى جدول مذاكرة؟

[smsm.com]

السلام عليكم ورحمة اللله


ارجو مساعدتى فى عمل جدول لللمذاكرة



والمواعيد





المدرسة من 7.5 الى 1.15

يوم السبت



وباقى الايام من7.5 الى 12.5




وكمان بروح معهد



ومواعيدة






السبت مفيش



الاحد انجليزى 7 الى 9

الاثنين عربى 7 الى 9

الثلاثاء فلسفة 7 الى 8.5

الاربعاء رياضة 6.5 الى 8.5

الخميس فرنساوى 6 الى 8

الجمعة فيزياء 1 الى 2.5

جغرافيا 2.5 4





ملحوظة



1_ اواظف على صلاة الفجر

2_ قراة القران جزء على الاقل مع الاذكار






3 نفسى اطلع الاولى على المحافظة




انا واثقة انكم هتسعدونى ان شاء الله

استنى ردودكم





السلام عليكم

[**(elktra)**]

شوفي يا جميل
مش في حد يقدر يضع ليكي جدول لمذاكرتك انتي
وتقريبا انتي بتعملي حاجات كويسة ربنا يبارك فيكي
كل اللي عليكي تعمليه انك تحاولي انتي بنفسك تعملي جدول ليكي * ده لو فعلا بتنتظمي مع الجدول *
ركزي انك تعملي حاجة صح * او بمعني اصح لا بد ان ارادتك كلها تكون في حاجات انتي عايزاها *
حاولي تركزي طاقتك كلها في المذاكرة وبس
يعني من الاخر انا شايفة مذاكرتك وطريقتها وطريقة وضع جدول لنفسك دي حاجة لابد انك انتي اللي تقومي بفعلها
مش نقدر اننا ندخل فيها
وربنا يوفقك

[OMAR 2010]

انا في ثانويه عامه ومش عارف اعمل جدول مذاكره ممكن حد يساعدني

[شعبان علي سليمان]

انا في ثانة ثانية نظام جديد مش عارف اذاكر وخايف من الاامتحان

[عمر الحنون]

انا في اولي ثانوي ومش عارفه انظم وقتي ارجوا الحل

[not masked]

كل ده مش عارف يذاكر؟!!! يا جدعان متخافوش من أي امتحان كل واحد هياخد نصيبه واللي ربنا كاتبهوله هياخده بس انتوا ذاكروا وتوكلوا علي ربنا وحاولوا تعملوا جدول تمشوا عليه وربنا يوفقكوا

[Dark Tulip]

المشاركة الأصلية كتبت بواسطة not masked

كل ده مش عارف يذاكر؟!!! يا جدعان متخافوش من أي امتحان كل واحد هياخد نصيبه واللي ربنا كاتبهوله هياخده بس انتوا ذاكروا وتوكلوا علي ربنا وحاولوا تعملوا جدول تمشوا عليه وربنا يوفقكوا

تمام فعلا .. عندك حق ^^
احب اضيف كمان ان جدول المذاكرة ده مش حاجة مقدسة يعنى هى الفكرة كلها اننا ننظم وقتنا صح ونستغله بأكبر قدر ممكن
انما فكرة التقييد بمواعيد محددة واشياء محددة دى فكرة تخنق اصلا
شخصياً اخدتها نصيحة من استاذ -ربنا يباركله- قاللى جدولك خليه عبارة عن اربع خانات
الاولى: مادة فهم
التانية: مادة حل
التالتة: مادة حفظ
الرابعة: مادة ضعف -ودى اختار مادة يكون مستوايا فيها ضعيف-
فيه مواد بيجتمع فيها اكتر من خانة طبعا بس الفكرة "حددى الأولوية"
الفهم: هيحتاج منك ذهن صافى وهدوء
خليه فى الوقت اللى من بعد الفجر لحد الساعة 9 كدا ودا وقت طبيعى بنكون كلنا فاضيين في معظمه حتى لو عندنا مدرسة
او من 5 المغرب لحد 9 او 10 باليل -دول احسن وقتين لتخزين المعلومات زي مانتو عارفين-
الحل و الحفظ
فى اي وقت ممكن تحلى وتحفظى لو وقت فاضى فى المدرسة او حتى لو قاعدة بتتفرجى ع التليفزيون او واقفة فى المطبخ .. دا هيوفرلك وقت
وخلى دايما الحاجات اللى بتحفظيها تكون من تلخيصك انتى فى وقت الفهم
اما مادة الضعف دى حطيها فى تصنيفها وحاولى تركزى عليها شوية لحد ماتلاقيها اتحسنت

اتمنى اكون قولت اي حاجة مفيدة واسفة طولت عليكو
وربنا يعينكم ويوفقكم ... وربنا يستر اصلا ويعديها على خير