/////// غرورها ////////

[مـــــلك]

بعد أما فات العمر كله .. قابلتها !!

وقابلت نفس غرورها زى ما سبتها

وبكل قسوة قالتلى ..

إيه بعديها صابنى فى دُنيتى

رديت عليها بكلمة قاسية .. جرحتها ..

قولتلها كُتر البعد زوّد قسوتى والهجر زاد ..

والجرح موِّت رِقتى ..

مبقتش عايز أشوف عنيكِ ...فى نظرتى ..

كان نفسى أقول إن اللُقى حرَّك مشاعرى وفرحتى ..

وإن البعاد مقدرش يقتل...

رِقتى ..

وإنى بصراحة كان فى نفسى أضمها ..

بس الغرور جواها زاد عن عطفها !!!!

قبل أما تطلب منى أنهى كلامى ..

كنت طلبتها ....

قبل أما تمشى كنت ماشى بخطوتين ..

وسبقتها .....

بصيت ورايا وكُل أملى أشوفها تانى وأحسها ..

ولقِتها واقفة بكل كِبْر بتبتسم ...

قال يعنى نفسى أرجعلها أنا فى الحقيقة كان بودِّى أرجعلها ..


بس الغرور جواها موِّت قلبها !!!!

ولقتنى بأمشى وجوه قلبى شىء بيقتل حبها !!!!!..