|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
16-11-2012, 01:50 PM
|
|||
|
|||
رسالة من الشاعر عبد الحميد بدوى الى مرسى
رسالة الى مرسى
مكملتش خمس شهور وبينيت بينك وبين الشعب الف حيطة سد الشعب فى أنتظار الثورة اللى بجد فين كلامك فين وعودك يا صاحب الوعد وللتذكرة اللى يشيل مبارك يشيل أى حد وأوعى تستبعد أى ثورة تانية أنا بكلمك بجد الناس دابت فى الفقر والقهر أنت بنفسك قلت بدل المرة الف الرئيس أجير عند الشعب طيب السؤال أنت فين من الشعب الناس كلها بتخبط فى بعض الكل عايش فى غلب وأنت مش هنا سيبك من خطب الجمعة اللى لا فيها أكل ولا شرب الناس عايزه حلول ع الارض أنا مش عايز الاسلام يبقى ذنب فكرتنى بمبارك لما كان قرفان من الشعب ومقضى حياته لعب فى لعب ومتهنى فى شرم ومحروق أبو الشعب أهم حاجة عند سيادتك دلوقتى هو القرض ملعون أبو القرض وملعون صندوق النقد الموضوع مش ناقص عند تمانين سنة وأنتم بتقولوا الاسلام هو الحل ولما وصلتوا للحكم بقى القرض هو الحل غلبت أقولكم الكنز الحقيقى هو الشعب وبلاش وجع قلب تعبنا من الغلب عايزين نحسوا أن فيه عدل ممكن ولا صعب أمتى البلد هاتبقى بلدنا ولا مكتوب علينا نعيشوا فيها غرب مش عايز حد يقولى الراجل لسه ماسك كل اللى علينا شوية صبر أحنا صبرنا تلاتين سنة مش معقولة الحال يتصلح فى كام شهر انا يا سيدى طماع وعندى طموح ونفسى احس بالفرق بين اللى قامت عليه الثورة وبين الرئيس مرسى رئيس الثورة ممكن ولا صعب كفاية كفاية ظلم أنا مش عايز حد يزعل منى أنا ما بكتبش شعر ومش مهم عندى الوزن ولا الفعل المهم عندى هو الشعب وكل اللى عليا ان اقول كلمة حق أنا عايز أعرف أزاى نصدروا كهربة وأحنا محتاجين أزاى ننوروا حولينا وأحنا مضلمين أزاى تبقى الرشوة شغالة والواسطة شغالة وأحنا عاطلين لحد أمتى هانفضلوا شاربين المر وشايلين الطين بقالنا سبعين الف سنة ومش عارفين نقولوا للعالم دلوقتى احنا مين احنا اللى بنستوردا لقمتنا وهدمتنا وسلاحنا احنا اللى تايهين ومش عارفين الشمال من اليمين واللى عايز يهد الهرم وابو الهول وانا عايز أقول فين الاسلام يا مسلمين كنا زمان بنقولوا محدش بينام من غير عشا أنا بقالكم نصوا البلد بينموا جعانين أنا عايز اقول اننا معندناش دم ولا أخلاق ولا ضمير ولو مش مصدقنى زور اى مستشفى وشوف الناس التعبانين لف فى الشوارع وشوف الغلابة والمحتاجين وبالاسم بس اننا مسلمين اللهم أغفر وأرحم فأنت خير الراحمين الشاعر عبد الحميد بدوى 
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:43 AM.
