|
#1
16-11-2012, 11:57 PM
|
|||
|
|||
ما هي حقوق الطالب ؟
السلام عليكم و رحمة الله و بركاته
بنسمع كل يوم عن اصلاح التعليم و تطوير التعليم لكن اظن ان مفيش اي اصلاح ممكن يحقق ننتيجة اذا اغفلنا حقوق الطالب طبعا الطالب المسلم يكاد يكاد يكون معدوم الحقوق حتكلم عن الحق الاول للطالب اللي محروم منه و اكيد ده كلام غريب و ما تسمعش قبل كدة لكن دي الحقيقة اللي مش واخدين بالنا منها ، وده بالفعل هو الحل الوحيد للعنف في المدارس اول حق للطالب هو حقه في حضور المدرسة او عدم الحضور هي المدرسة ليه بتجبر الطالب علي الحضور هل هو انسان فاقد الاهليه و حتي لو كان فاقد اهليه او طفل يبقي ولايته تنتقل لوالده و ليس للمدرسة من لوائح المدرسة ان الطالب يتفصل اذا غاب تقريبا 28 يوم منفصلين او 14 يوم متصلين الا يصادم هذا القانون حقوق الانسان ، هل في قانون يجبر الانسان علي انه يتواجد في مكان معين و في زمان معين لمدة 12 سنة ، ماذا يختلف هذا القانون عن الحبس و السجن اذا والد الطالب شايف ان ممكن يجيب لأبنه مدرسي في البيت و حيشربوله المنهج بالمعلقة مش هو حر هي المدرسة ليها ايه غير امتحان بتقيم الطالب فيه ، و حتي برضو في المواد العملية ما ممكن الطالب يدرس عملي في اي مكان خاص اذا والد الطالب ليه صديق او قريب مدرس و شايف او الولد بيحب المدرس ده و بيسمع كلامه وده حيشجعه اكتر مش هو حر اذا طالب عايز يشتغل و يساعد ابوه بدل ما يبقي قاعد عالة عليه و حيذاكر في اي وقت فاضي مش هو حر هو ايه سبب العنف في المدارس و خناقات المدرسين و الطلاب للأسف يعني ان الطالب قاعد غصب عنه لو زي الجامعة كدة الطالب اللي عايز يحضر يحضر و اللي ميحضرش ميحضرش خلاص عمر ما حتبقي فيه مشاكل ده عن الحق الاول يتبع فيما بعد عشان اكمل الحق التاني 
|
|
#2
17-11-2012, 12:15 AM
|
|||
|
|||
|
في امريكا قانون بيسمح بحرية التعليم المنزلي . امتي حيكون عندنا القانون ده
اقتباس:
|
|
#3
17-11-2012, 07:11 AM
|
|||
|
|||
|
في مسودة الدستور ان التعليم الزامي في التعليم الاساسي و محاولة مد الالزام ده الي مراحل اخري
في اي دين الكلام ده ، هاتولي دين بيجبر الاب علي انه يصرف علي ابنه في المدرسة ، الاب مكلف ينفق علي ابنه طعام و شراب و كساء و علاج طول ما هو طفل فقط ، ده كمان المصيبة ان عايزين يمدوا الالزام لثانوي يعني الواحد يبقي مكلف و فرض عليه انه يصرف علي راجل ، في اي شرع الكلام ده و ماذا لو الاب متوفي ، طبعا الام تخرج و تشتغل و مكلفة تصرف علي رجالة قاعدين علي التخت و هي تطلع تشتغل و فرض عليها الكلام ده ، في اي شرع الكلام ده ، الطفل من سن 10 سنوات قادر علي انه يعمل و يكسب بنص قدرة الرجل الشئ المهم ان نسبة البطالة بين الاميين صفر في المية و نسبة البطالة بين المتعلمين يمكن توصل ل 50 % ، يعني يتصرف عليهم الملايين و المليارات و في الاخر يبقي اللي اتعلم في مدرسة الحياة و خد خبرة عملية احسن منهم شئ محزن
|
|
#4
18-11-2012, 01:50 AM
|
|||
|
|||
|
للأسف مفيش حد من المدرسي رد ،ر غم ان حق الطالب ده هو الطريق الوحيد عشان المدرس ياخد حقه
الحل الوحيد عشان مووضع اهانة المدرس ، عشان المدرس مش شغلته سجان يحبس الطالب غصب عنه ، لو الطالب قاعد في الحصة بمزاجه عمره ما يبقي فيه مشكلة بينه و بين المدرس الحل الوحيد في مووضع الكادر و الحكومة معندهش فلوس تصرف علي المدرسين ، لما الدولة تشجع التعليم المنزلي ، اكتر من نص الطلبة مش حيروحوا المدرس و مش حتعيين الدولة مدرسين ، و تشيل ايدها من مووضع التعليم شوية ، و يبقي في فائض في الايرادات تقدر تدفع مرتبات عدد قليل من المدرسين
|
|
#5
18-11-2012, 02:29 AM
|
|||
|
|||
|
دي من علامات القيامة شيوع الظلم ، اللي مظلوم مش افراد ولا جامعات ، ده اللي مظلوم 20 مليون طالب مصري
ده غير جميع الدول الاسلامية برضو التعليم عندهم ظالم زي عندنا ، ده غير الاجيال اللي فاتت برضو اللي اطبق عليها التعليم اللي بعد ثورة 52 كل دول مظلومين اي قانون هذا و نزل في اي كتاب سماوي الذي يجبر الطالب علي الذهاب الي المدرسة ، حى اذا كانت المدرسة جنة فهو ليس مجبر علي الحضور ، فما بالنا و المدارس كما نري الدولة عاجزة عن دفع رواتب عادلة للمدرسين فمابالنا بالطالب اللي هو طفل و مفروض يبقي عنده وسائل ترفيه في المدارس
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:40 AM.
