باى باى مصر

[عودة الخط]

مينا كانت مهمته بسيطة .. لأنه كان بيوحد أرض متقسمة بين شعب واحد ..
لكن مصر دلوقتي عقدها انفرط .. احنا صحيح لسه أرض واحدة .. بس بقينا مليون جماعة ومليون انتماء
مصر في اللحظة دي محتاجة زعيم يوحدها .. يوحد كل طوائفها وفصائلها وفئاتها ..
الوحيد اللي هيقدر يوحد الفلول والثوار والأغلبية الصامتة والإسلاميين والليبراليين والأزهريين والعسكريين والفلاحين والصعايدة والموظفين والشباب والمرأة، من غير اضطهاد أو تحقير من أياً منهم هو الوحيد اللي هيكون الزعيم ..
الوحيد اللي هيقدر يطهر مصر من العملاء والخونة بإيد قوية غير مرتعشة ،، هو الوحيد اللي هيكون الزعيم ..
بخلاف كده كله شوية أقزام و دمى سواء بتتحرك من المقطم أو بيحركها سوروس أو بتحركها إيران أو حتى بتحركها تل أبيب من خلف ستار أو أو.

المشكلة بقى إنه لو مش هيطلع زعيم في المستقبل القريب .. يا ترى مصر هتستحمل لحد امتى قبل تنهار وتقع وتتفتت مليون حتة وحتة ؟