|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
29-11-2012, 10:28 PM
|
|||
|
|||
طز فى مصر
طز فى مصر
أوعى تتضايق او تزعل أو تسب أو تلعن او تتهمنى بأنى جاسوس أو عميل أو خاين وأنا أسف اذا كان العنوان مستفز ولكنى حاولت ان أهرب منه مرات ومرات وربما كنت اود انا اكتب هذا المقال فى عهد المخلوع ولكنى تأخرت كثيرا ليس خوفا من المخلوع ولا من غيره فقد كتبت كل ما اريد فى زمانه لانه كان يمثل بالنسبة لى افسد أهل الارض ولكن الفارس يكون فارس فى وقت الحرب وفى عز الظلم والطغيان ولكن عندما حدثت الثورة كان عندى امل فى بكرة ككل المصريين اما الان الاحباط سيد الموقف مع الاسف وأنا قبل الاعلان الدستورى الاخير للرئيس مرسى كنت ضده على طول الخط ولكن بعد الاعلان أنا معاه واشعر انه طوق النجاة بعون الله ويجب ان نكونوا على علم وثقة فى هذا الرجل لان هذا القضاة افسدوا كثيرا فى حق هذا الوطن ويكفى انهم كانوا من يباركوا التزوير فى كل الانتخابات فى عهد المخلوع واخيرا عليك ان تعلم أنى مصرى ابا عن جد مع خالص الحب والود والاعتذار على العنوان ولكن كل ما عليك ان تكمل قراءة المقال أما اذا كنت شتمتنى فالمسامح كريم وربك حليم ستار مش بس المرشد السابق للاخوان مهدى عاكف هو اللى قال طز فى مصر وانا كمان بقولك طز فى مصر الدولة التى لاتنتج ولا تصنع ولا تبنى يبقى طز فيها الدولة ولا تحسب فى قاموس الدول دو لة باى حال من الاحوال والدولة التى لا تحترم شعبها يبقى مفيش رجا منها طز فى مصر وفى الفساد اللى بيجرى فى دمها انا عن نفسى طهقت منها ملعون ابوها وأمها الدولة التى لا تحترم رئيسها المنتخب لاول مرة فى سالف عهدها يبقى طز فيها طز فى كل حاجة وحشة فيها طز فى الاهمال والفساد اللى بطول وعرض البلاد طز فى الكدب والنفاق اللى بقى مع الاسف من اهم خصائص شعبها وفاضل أية ؟؟؟؟ونحاربوا بعض كلها يوم ولا يومين وتبقى الحرب فى شورعها وارضها واحنا لسه مضحوك علينا بالاغانى وبلادى بلادى انا عايز اعرف مصر بلد مين بالظبط ؟؟ وعايز امارة وياترى مصر عملت اية للمصريين ؟؟؟؟ طبعا غير الفقر والقهر والغلب والظلم والجهل ومش عايز حد يقولى انت عملت اية للبلد وماتقولش اية اديتنا مصر قول هاتدى اية لمصر انا مش عارف لحد امتى هايفضلوا يضحكوا علينا بالاغانى للاسف كل من يتكلمون ويتغنون بحب الوطن على الفضائيات وفى وسائل الاعلام وفى صفحات الجرايد هم من اضاعوا هذا الوطن لان بالاساس لا يوجد هناك وطن الا عند الغلابة والفقراء اللى زى حالتنا اما عند الاغنياء المصلحة تغلب كل الاشياء والغريب فى وطننا الحزين دائما ان الاغنياء واصحاب المليارات هم اللذين يتكلمون ليلا نهارا عن الفقراء والمحتاجين حتى يكسبوا اصواتهم فى الانتخابات لا اكتر ولا اقل وانا لا اتخيل ولا اصدق لعبة الانتخابات حتى الان ومش قادرأصدق ان هناك من يصرف 2 مليون او اكتر أو اقل عشان يخدمنى أنا المواطن وهذة مهمة صعبة ولا يصدقها عقل هذا الوطن من يوم مولدى الى يوم وفاتى وهو فى عنق الزجاجة وحتى الان لا اعرف شكل الاوطان التى تعيش فى زجاجة ولا اعرف حتى الان نوعية تلك الزجاجة التى تسكن فيها الاوطان اجيال واجيال وقد اكتشفت مؤخرا ان مصر تحتاج الى وطن جديد يكون لكل المصريين على السواء الاوطان تبنى بيدى الشعوب وعلينا ان نبنى وطننا من جديد فلا تحزنوا ولا تغضبوا منى ولا اريد من احد ان يشتمنى دفاعا عن الوطن وحب الوطن فالوطن فى وجهة نظرى هو المواطن لا اكتر ولا اقل هل سألت نفسك لماذا يحلم كل شباب مصر بالهرب او بالسفر من الوطن المزعوم والمهموم والمديون من يوم مولدنا الى اليوم المعلوم أنا عن نفسى مش عايز وطن يقتلنى أنا عايز وطن يحيينى مش عايز وطن يكسرنى أنا عايز وطن يقوينى مش عايز وطن يفقرنى انا عايز وطن عن الاوطان يغنينى مش عايز وطن يطلع عين اللى جابوا عينى اذا قلت طز فى مصر فهذا من شدة حبى لها لانى دائما كنت ارسم لنفسى وطن اجمل من كل الاوطان واحلى من كل الاوطان اما على هذا الوضع اطلب من الجميع ان يقول طز فى مصر طز فى مصر القديمة العقيمة التى لا تنجب الا الشر والفساد والعار والظلم علينا ان نبنى وطننا جديدا يليق بنا ونتفاخر به امام العالم لا ان نمد يدينا للعالم للنتسول المعونات والقروض وبداخلى اسئلة لا اجابة لها مثلا لماذا الرشوة فى بلادنا زى سلاموا عليكم ولماذا الواسطة أهم من أهم قانون وحتى الغش عندنا يقولك عشان راحة الزبون وكله بيدفع المعلوم وليه الضمير فى خبر كان من زمان وليه البلد اتقسمت فريقين وياترى مصر رايحة على فين ؟؟؟؟؟ الشاعر عبد الحميد بدوى 
|
|
#2
29-11-2012, 10:44 PM
|
||||
|
||||
حقيقى كلام جميييييييييييييييييييييل جدا تسلم ايدك وننتظر المزيد
__________________
|
|
#4
29-11-2012, 11:58 PM
|
||||
|
||||
عندما نقول طز في مصر يجب ان نعرف على من نوجه الكلام
على الأرض أرض مصر ولا على البشر ناس مصر لو على الأرض أرض مصر فهي أرض لم تسوي أي سوء غير انها تحملت ما لا يطاق من الأثقال التي تعيش عليها و تحملت فسادهم و رزالتهم و قلة أدبهم و أخلاقهم و تحملت الكثير و الكثير و عندما نوجه كلامنا على البشر في مصر فهم نحن كلنا فرداً فردا و كل نسيج تحتويه مصر فأعترف أنه لا دين ولا أخلاق ولا عادات ولا تقاليد ولا اسلام ولا مسيحية ولا يهودية بقيت تمنع البشر من السوء و الفساد و الكل يعمل تحت مظلة المصلحة الشخصية و انا و الطوفان من بعدي و هو اللي بيحصل حالياً و تاهت مصالح الوطن و تاه كل نبيل و أصيل و خلق و ذاب في بوتقة البغي و البغاء و المصلحة الدنيئة للفرد الدنيء للغاية الدنيئة و للهدف الدنيء فلك الله يا مصر و تقطعت أوصالك و تعرى ثوبك بفضل اولادك الدنيئين واحد تلو الأخر بقي أن نعرف أن كلمة طز يعني ملح و قصة التسمية جاءت من ايام وجود الأتراك و المماليك بمصر و كانت المقاومة تهرب السلاح في اكياس الملح و أجولته و عند المرور على العسس فيسأله عن محتوى الجوال فيقول له طز يعني ملح فيسمح له بالمرور و كان الملح في ذلك الوقت قيمة كبيرة و تجارته شائعة و مربحة شكرا على الموضوع
__________________
|
|
#6
20-12-2012, 12:35 AM
|
||||
|
||||
|
جزاك الله خيراً 
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:41 AM.
