عكاشة: وزير الإعلام مديون لي بـ300 جنيه

[أ/رضا عطيه]

قال للعريان: اتغطى قبل ما تنتقد"

عكاشة: وزير الإعلام مديون لي بـ300 جنيه



كتب-جهاد الأنصاري: الأحد , 23 ديسمبر 2012 23:22
قال الإعلامي توفيق عكاشة إن وزير الاعلام الحالي صلاح عبد المقصود مديون له بـ 300 جنيه من سنة 96 وهناك شهود على هذا الأمر وأنه أغلق القناة ظلما وعدوانا رغم أنه لم يهاجمه نهائيا في القناة ولم يهاجم أحد من السلطة وأنما هاجم السياسات الخاطئة.

وأضاف عكاشة أن المتسبب في سقوط مصر هو الشعب وطالب الشعب بدفع مديونية قناة الفراعين المقدرة بـ 2 مليون جنيه .
وقال عكاشة لعصام العريان: "اتغطى قبل ما تنتقد وأنا رجعت لشاشة التليفزيون بقوة".
وشكر عكاشة هيلاري كلينتون وزيرة الخارجية الأمريكية السابقة لأنها سألت عليه بعد أن أغلقت قناة الفراعين وتمنى لو أنه غير ممنوع من السفر ليزورها في أمريكا.
شاهد فيديو:



http://www.alwafd.org/%D9%85%D9%8A%D...86%D9%8A%D9%87

اقرأ المقال الأصلي علي بوابة الوفد الاليكترونية الوفد - عكاشة: وزير الإعلام مديون لي بـ300 جنيه

[2( ESRAA )]

أنا لسة سمعاه فعلا ع القناة وهو بيقول كده
ويا سلام علي روح المحبة اللي بقيت بينه وبين حمدين صباحي
قال لسة عارف بس دلوقتي ان حرم حمدين صحبة حرمه
لا والله تصدق اتفاجئنا بالخبر ده

وقال عمرو موسي سيقف امامه التاريخ
بس نسي يقول هيقعد تاني امته؟؟

[أ/رضا عطيه]

فاصل من الكوميديا السوداء


شكرا لمروركم ومشاركتكم

[المصري أشرف]

عاد ... لينتقم ؟؟؟؟؟؟
ياريت وزير الإعلام ... يدفع إللي عليه ... عشان المكوجي حاجز عكاشة عنده .. لحد مايدفع إيجار البدلة ههههه

[أ/رضا عطيه]

ناس كتير بتصدقه

وهذا فى نظر ناس تانيه أن هذا جهل وحرام

فالناس الأولانية ماخفوش وبحثوا عنه لحد ماعثروا عليه فى قناة غريبة كدا

فقام الناس التانيين قعدوا يدعوا عليه بعد صلاة العشاء وعلى كل من يستمع له

أنا خايف يكون كل هذا من أجل

أن يأكلوا ال300جنيه على الراجل

صدقنى ياصديقى

زمان قالوا (خذوا الحكمة من أفواه المجانين )

وقد صدقوا

فعلا معظم ماذكره هذا الإعلامى من قبل نغوص فى مستنقعه الأن

لكن نحن مثل الغرقى

كلما غرقنا أكثر فننشغل بما أمامنا من هم وغم وكوارث ونغفل بقصد أو غير قصد عما كنا فيه فى الثانية الماضية

كله بيتبع سياسة (اللى يحب النبى يزء ) أملا فى أن يسير التكتك

وناسيين إن ممكن يكون السبب فى السائق نفسه أو حتى فى الموتور (البرنامج )

ربنا يتولانا برحمته

شكرا لمروركم الكريم

[*تائبة فى رحاب الله*]

على فكرة ياجماعة هو باين عنده عقدة من رقم 300 جنيه
اصل المرتين اللى سمعته فيهم مقاطع كدة
كان بيقول تروح اكشف عند الدكتور مرسى كشفه ب 300 جنيه (على اساس انه دكتور طبيب ) وعجبى
ولوقتى الدكتور صلاح عبد المقصود عليه له 300 جنيه هههه
والله شخصية تركيبة عريبة