"بوابة الأهرام" تنشر خطة "التعليم" لإعادة توزيع المعلمين على المدارس بالمدن والقرى

[abomokhtar]

التقى الدكتور إبراهيم غنيم، وزير التربية والتعليم بمديرى الإدارات العامة للتخطيط والتنسيق بجميع المديريات التعليمية على مستوى جميع المحافظات عبر الفيديو كونفرانس، لمناقشة وضع ضوابط وآليات نقل وندب المعلمين تمهيداً لوضع قرار وزارى منظم لهذا الشأن.

أشار الوزير إلى أن المرحلة التى نمر بها الآن يجب ألا تسمح بوجود عجز في المعلمين فى أماكن وزيادة فى أماكن أخرى، كما يجب تحريك المعلمين لصالح العملية التعليمية دون ظلم لأحد.

ووجه غنيم المسئولين عن التنسيق بالمديريات خلال هذا اللقاء إلى عدة أمور تتمثل في إعداد قائمة بها أعداد المدرسين وأسمائهم وتخصصاتهم ونصابهم فى الحصص فى كل مدرسة، كما طالبهم بسرعة سد العجز عن طريق تكليف المعلمين بالندب أو الندب الجزئى للمناطق الريفية أو المناطق النائية لخدمة العملية التعليمية، وتخفيف العبء عن المعلم الذى يريد النقل من محافظة إلى أخرى.

وطالب الوزير مديري الإدارات التعليمية بوضع توصيف وظيفى لكل العاملين، وأمهل المسئولين عن التنسيق أسبوعاً للانتهاء من هذه التوجيهات لوضع الضوابط والإجراءات لعمل القرار الوزارى المنظم لذلك، مضيفا أن الوزارة بصدد جعل الإدارات فى إطار يخدم المواطنين بشكل محترم وجيد، كما شدد على أنه سوف تتم المساءلة لمن يقصر فى هذا العمل.

دار الاجتماع حول وضع تصور لهذه الضوابط والآليات عن طريق تشكيل ثلاث لجان: الأولى على مستوى الإدارة التعليمية وتقوم بإعادة توزيع المعلمين توزيعاً عادلاً داخل المدارس دون تفرقة بين المدن والقرى، وتشكل اللجنة من مدير عام الإدارة ومديرى التنسيق وموجهى المواد وشئون العاملين والشئون القانونية والتوجيه المالى والإدارى.

وتشكل اللجنة الثانية على مستوى المديرية وتقوم بإعادة التوزيع فى النقل الداخلى بين الإدارات والموافقة على النقل الخارجى. وتقوم اللجنتان برفع الأعداد الزائدة إلى المديرية لإعادة توزيعها لسد العجز بالمحافظات الأخرى.

واللجنة الثالثة تشكل على مستوى الوزارة لمتابعة أعمال لجان المديريات لضوابط النقل. كما تم مناقشة عدة اقتراحات وكان من أهمها وضع حوافز مضاعفة للمعلم الذى يتم نقله أو ندبه، وتحديد وقت للنقل أو الندب، ومنحه الأولوية فى المشاركة فى أعمال الكنترولات والامتحانات.

[محجدى]

يا سلالالالالالالالالالالالالالالالالالالام والسكن والمواصلات

[ashraf_mhh]

الوزير ده والله مش فاهم هو اساسا بيعمل ايه اهو يلا نعمل يخن عجب (( احلام الفتى الطائر )) وعلى راى الزميل طيب والمواصلات والسكن والحالة النفسية للمعلم يا وزير يا محترم ازاى تخلى المدرس ينتقل من مكان لمكان اخر بعيد عن سكنه ويركب مواصلات وازاى عايزه يبدع فى عمله لاخراج جيل متميز قولى بقى يا وزير التعليم (( اولوا يا يتوع المدراس يا متعلمين )) ازاى ازاى ولا انت جاى تعذب المعلمين يا ناصح يا ابن الناصح الخطة مكشوفة وما زال مسلسل اتعبهم علشان ميفكروش يطالبوا بحقوقهم ولا حد فيهم هما وولادهم يفكروا فى اليساسة (( نفس نظام مبارك )) مفيش حاجة جديدة وعلى الرئيس مرسى والسيد رئيس مجلس الوزاراء اقالة هذا الوزير فورا لانه لا يفقه فى العملية التعليمية اى شىء الا اذا انتم لكم رأى اخر ومخطط اخر فى العملية التعليمية ومنظومتها .......

[هيثم عبدالله]

حسبي الله ونعم الوكيل ..................... وزير بطيخ مش فاهم اي حاجة............... ثورة للاقالة من لا يعلم ابعاد وعواقب كل قرار

[vandeta]

وزير بعيد كل البعد عن المعلم ومشاكلة اولا فعلا بيتم احتساب الزيادات كل سنة واة لو مدير مدرسة عرف ان فية واحد زيادة عندة بيقعد يقرفة ويطلع عينة وبردة في الاخر بيمشي

المدارس يا سيادة الوزير يالي جاي من جامعة اسيوط بالصعيد معظمها مفيش فيها زيادة فيها ان ناس كثيرة طلعت علي المعاش وناس قليلة جدا اتعينت وتم تثبيتها والدولة لا نفتح فرص عمل جديدة للشباب العاطل

المشكلة ان حضرتة مش عايز يكلف الحكومة اعباء جديدة وتعينات جديدة فبيحمل علي المدرس الغلبان التعبان القرفان من مستوي راتبة الهزيل

[حمادة صابر]

الوزير مفيش حاجة بيقولها الا كل شوية الواجبات الواجبات وبعد كدة الحقوق هو سيادته ما يعرفش ان الحقوق اولا وبعد كدة الواجب تقريبا انه لم يدرس لان المدرس بيشرح الاول للولد وده حقه وبعد كدة يعطيه الواجب مش كدة ولا أيه !!!!!!!!!!!

[Amr 82]

كل ما نجيب سيرة 50% يطلعولنا بحاجة لما نخد 100% اذا اخذنها هيعملوا فينا ايه

[ashraf_mhh]

ليه وهو لو تعبنا احنا هنسكت الزمن اتغير الاول كانوا بيهددونا بامن الدولة وانا شخصيا مررت بتجربة فى 2008 وكان بسبب نقل وذهبت لامن الدولة بسبب رفض النقل .....
على المعلمين الوقوف وقفة رجل واحد وقفة للكرامة ضد كل واحد هييجى على معلم
وكمان عندى فكرة جميلة :
ليه منعملش حزب خاص بالمعلمين يدافع عن المعلمين والحزب ده يكون على مستوى الجمهورية ويكون من الحزب ده مرشحين فى البرلمان القادم على الاقل نلاقى حد عنده انتماء للمعلمين يدافع عنهم ويطالب بحقوقهم

[الرديسى]

الزملاء الأعزاء
من غير المعقول أن يكون فى مدرسة بالمدينة يشتغل المدرس 8 أو 10 حصص وزميله فى الأرياف يشتغل 20 أو 24 حصة ونرفض التنسيق لأن معنى ذلك أننا نرفض العدالة

[احمد 112233]

المشكلة دى تتحل لو فعلا بعد مدرستى عن محل سكنى كبير لكن باخد مرتب محترم او حاجة تانى
عاملنى زى موظف شركة بترول بيعمل فى الصحراء من حيث المرتب وودينى فى اى مكان فى مصر مستعدين يا رجالةةةةةةةةةةةةةةةة

[mostafa2030]

يا جماعة يا ريت الكلام دة يدخل حيز التنفيذ ... انا عندي في المدرسة 10 مدرسين زيادة 5 انجليزي
و 5 دراسات كلهم زيادة من الجماعة بتوع التنظيم والادارة الجداد
وانا نصابي الان 9 حصص بس العاب و فنية مع اني مدرس انجليزي

[kimo88872]

وزير اقل ما يقال عنه انه جاهل جهل الجاهلية و ده طبعا لعددة اسباب
1 - ده طبعا عشان يزلنا بالككادر المزعزم ان وجد من الاصل
2- الزيادات دى مش و ليد اللحظة لان معظم الناس دول جايين من الارياف اصلا و خدموا كتيييييييييييييير هناك
3 بيعطى فرصة لعمل و خلق مشكلات بين المعلمين و ده طبعا ليبعد هن المطالبة بحقنا فى الكادر
4 و ده النه و دانه كبير و مش بيفهم من الاساس هو فين و لكنها مشورة من الجهلة المعروفين باسم المستشارين

[محمودسليمان]

والله كلام عمره ما هيطبق

[ابونرمين]

طيب لو تقرر حافز 50% شهريا لمن يعمل فى مدارس الأرياف والصعيد،،هيكون برضه ردنا(أشمعنى الأرياف والصعيد)خلاص خليك جنب سكنك وما تتكلمشى عن الحوافز،،،دا هو القادم؟؟؟؟

[ahmed73h]

المشاركة الأصلية كتبت بواسطة mostafa2030

يا جماعة يا ريت الكلام دة يدخل حيز التنفيذ ... انا عندي في المدرسة 10 مدرسين زيادة 5 انجليزي
و 5 دراسات كلهم زيادة من الجماعة بتوع التنظيم والادارة الجداد
وانا نصابي الان 9 حصص بس العاب و فنية مع اني مدرس انجليزي

ممكن تقول لنا انت في ادارة اية ومدرستك اعدادي ولا ثانوي وعدد الحصص دة كل مدرس لة نصاب طبقا للكادر
احنا عندنا في الادارة عجز حوالي 100 مدرس في مادة واحدة من العام الماضي ولم يتم التعاقد مع مدرس واحد