^_^ قلوب الناس وألوانهــــــــــــــــا ^_^

[مـــــلك]

قلوب الناس وألوانـــهــــــــــا

بأقول الوش ميبينش أيه جوه
ده الوش ياما غش كتير
ومن جوه حاجات تانيه
بترعب فينا مطمنش

لقيت نفسي بأقول ليا

العبره مش شكل وملامح
العبره قلب جوه ساكن
مستخبي من جوه
وكل قلب وليه لونـه
اللي بيحكي ايه جوه
وقولت عشان اشوف الناس
لازم أعرف ايه جوه
وأنا ماشيه قابلت كتير كتير من الناس
وشوفت كتير أنا جوه

قلوب الناس وألونـهــــا

قلوب بيضه وزي الفل
قلوب صافيه من جوه
قلوب طاهره ونقيه
قلوب بالطيبه مليانه
تشوفها تقول ملايكه بجد عايشين هنا عالارض
قلوب ماده إيدها بالخير لناس غيرها

ضحكت وقولت دي حاجه جميله أوي جوه

وفجأه لقيت قلوب سوده وذي الزفت
مليانه بالغل وحقد
وفالاذي مش عايزه تتوصى
قلوب تنبض ليلاتي بالشر
ومتنمشي والا ترتاح
غير على كسره قلب وآه لناس غيرها

مشيت تاني
لقيت جمبي قلوب لونها كده رمادي

وحيرتها ده شيئ عادي
قلوب مش عارفه طريقها منين
وعلطول خايفه من بكره ومش عارفه وخدها لفين

ولسه معاكم راح اكمل قلوب الناس وألوانهم

قلوب صفره

وفي الغيره أخده شهاده من بره
تبص تلاقي الشخص من دول والا حاجه
ومش عارف يكون حاجه
عشان عايش طول الوقت
عنيه باصه على غيره
يغير منه ومش عارف يكون حاجه
قلوب دايبه وهلكانه
قلوب مريضه وتعبانه
بتفضل صاحيه طول اليوم
تفكر فاللي في إيد غيرها

قلوب زرقاء

قلوب هاديه بشكل كبير
ولما تزيد بدقاتها تلاقي اعاصير
قلوب تلاقيها زي البحر
مافيه الخير وفيه الشر
هيه كمان زيه تمام
فيها خير وفيها شر

وهيه ديه قلوب الناس من جوه
وعمر فيوم ما كان هيبان
عالوش ايه جوه
ده ياما الوش غش كتير

تحياتي

كنـــــــــــــــــــــــــــــارة