البلد بتشيط والريس "بيتويت"

[Tornadoo1970]

الشباب: على الفيس و تويتر

البلد بتشيط والريس "بيتويت"

كتبت : رشا فتحي منذ 3 ساعة 47 دقيقة

برغم حالة الحزن المسيطرة على الأجواء نتيجة الأحداث الدامية التي تمر بها البلاد في الذكرى الثانية للثورة، وارتفاع عدد ال***ى والمصابين في العديد من المحافظات نتيجة الأشتباكات الدائرة بين المتظاهرين والأمن.

انطلقت التعليقات الغاضبة والساخرة على مواقع التواصل الاجتماعي "فيس بوك" و"تويتر" كرد فعل على الخبر العاجل بـأن الرئيس محمد مرسي سيلقي كلمة للشعب المصري بعد قليل، ليتوقع البعض إنها ستكون كلمات تهدئة أو محاولة لإيجاد حل لهذة الأزمة.

لتكون المفاجأة برد فعل منه لا يتناسب مع الحدث وبه الكثير من عدم المسؤولية واللامبالاة، ولتكن هذة الكلمة مجرد كلمات تعزية للشعب عبر حسابه على تويتر!

وكانت من أبرز هذة التعليقات ..

ـ يعزي اهالي الشهداء على تويتر على اساس أنهم ماشين في جنازة ولادهم باي باد.

ـ مرسي طلع مش بتاع قرارات مرسي طلع بتاع تويتات.

ـ طبعا المفروض دلوقتي مرسي يغير صورة البروفايل بتاعه لحداد و يعمل بلوك للبرادعي.

ـ عمرك شوفت رئيس دولة بيخاطب شعبه فى عز الأزمة على تويتر؟!!!.

ـ الرئيس اللي يعزي شعبه على تويتر، لازم يتعمله بلوك.

ـ تويته الرئيس بوظت الثورة من كتر الضحك.

مش الريس بيتويت للشعب ؟!! أهو الشعب كله عمله بلوك. ـ

ـ من الصدر المفتوح في الميدان للكتابة على تويتر في الامان.

ـ مرسي رئيسنا بيعزينا على تويتر .. اكيد في التويته الجاية هيقولنا هيقطع النت امتى !.

ـ هوأنا انتخبت مرسي عشان لما اعارضه يغردلى؟!.

ـ الرئيس يتويت والبلد بتولع والناس بتموت ده خلاصه اليوم النهارده.

ـ تويت لشعبك الساعة 2 الصبح .. لو ده جنان.

ـ ماعندكش تويتر ، تبقي مش من مستوايا.

ـ بيقولك مغردتش ، يبقي حد انتحل تغريدته.

ـ الشعب يقول للرئيس.. شكر الله تغريدكم.

ـ مرسي والبرادعي بيلعبوا على تويتر مع بعض ..هي دي أخرة المزرعة السعيدة.

ـ انا عملت بلوك لمرسي وسبام على تويتر.

ـ بلد تويتات صحيح.

ـ خلصنا من الحكومه الالكترونيه في عصر المخلوع ، دخلنا عصر الرئيس الالكتروني ، احمدك يارب.

ـ يانهار اسود .. ولما الناس تسألنى الريس بتاعكو عمل ايه لما ناس ماتت في المظاهرات اقولهم كتب تويتات ؟!.

ـ أحنا لما نعترض نعمل بلوك ، هو ده اللي بقي بينا.

ـ هوّا مرسى اتعدى من البرادعى ولا اية ؟ تويت اية يا ريس ؟!.

ـ يعني أنزل أقول لعم عبدربه البواب إيه ؟ .. أقوله الرئيس بيتويت ؟ .. إفرض افتكرها حاجة أبيحة ؟ .. أصلح صورة الرئاسة في ذهنه إزاي بعد كده ؟ .. يا فضيحتك يا مصر!.

ـ الريّس بيتوّتلنا على تويتر يا سعات البيه وإحنا شعب غلبان منعرفش حاجة ..مدرسة المشاغبين ستايل.

ـ يعنى يا مرسى كنت بتقابل البرادعى علشان يعلمك ازاى تكتب على تويتر.

ـ يا سبحان الله يا اخي.النهاردة يوم من عجايب الزمن البرادعي اللي الاخوانجية بيقولوا عليه منفصل عن الشعب و علي طول علي تويتر النهاردة كان في قلب التحرير وسط الشعب و الشعب ملتف عليه ، قوم بقي تلاقي يا سبحان الله مرسي هو اللي علي تويتر.

ـ البلد بتشيط والريس بيتويت.

ـ من انجازات الثورة ان البرادعي في الشارع ومرسي على تويتر.

ـ مرسي = فريسكا .. إندهش.

ـ مرسي مش رئيس كل الشعب المصري.. بل هو رئيس من هم لديهم حساب على الفيسبوك وتويتر فقط.

ـ مش قالك نهضة .. نهضة دى و لا مش نهضة متعلمين يا بتوع المدارس؟!.

ـ الرسائل القصيرة دي هتبقي في صورة تغريدات علي تويتر..طيب المواطن كده محتاج 3 ارغفة و 5 لتر بنزين و اكاونت علي تويتر.

اقرأ المقال الأصلي علي بوابة الوفد الاليكترونية الوفد - البلد بتشيط والريس "بيتويت"

[a7med bondok]

للاسف كان مفروض يطلع بخطاب على الاقل لتهدئة الاوضاع وبدون فتح القميص

[mr/Guirguis George]

إرفض ياشعب المرَض ثور وإعصَى وإتمَرَّد
جت الذئاب تنهَشَك للموت بتتعَرَّض
وكل حد إعتَرض من الحياة إنطرد
وده على تويتر فايق وبيغَرَّد

رمزى بشاره

[ابونرمين]

لكل من يدلى بكلام دون وعى
ولا خير فى حُسن الجسومِ ونْبلها*إذا لم تزن حُسن الجسوم عقولَ

[icdl_man]

[icdl_man]