فيديو. سيدة لصباحي: إحنا زهقنا منكم وبندفع تمن سعيكم للكرسي

[seryo]

http://almesryoon.com/permalink/90213.html

شنت سيدة مصرية هجومًا شرسا علي حمدين صباحي المرشح الرئاسى السابق، واصفة إياه بأنه لا يفعل أي شئ سوي عقد المؤتمرات والسعي للكرسي، على حد وصفها .
وقالت السيدة لصباحي الذي وقف أمامها صامتا: "قولوا لينا الحقيقة إحنا مش عارفين نصدق مين فيكم ؟ مين صح ومين غلط ؟ .. انا اللي اعرفه دلوقت ان لو ابني نزل الشارع ممكن يعتقلوه ووقتها مش هعرف اكلم مين؟" .
وتابعت :"قولوا لينا الحقيقة .. احنا زهقنا من الكلام .. زهقنا من كلامكم .. وزهقنا من تصريحاتكم .. لو انت بتحب مصر تخدم مصر دي .. متجريش ورا انك تبقي رئيس جمهورية وتعمل في الشباب دة كله كدة".
وأضافت في غضب: "احنا مش قولنا ليكم
قبل كدة قبل ما تحصل الكارثة اتحدوا ؟ مرضتوش .. وكل واحد فيكم اتصرف علي ان هو اللي عايز ياخد الكرسي لنفسه .. ولما وقعت الكارثة .. ولادنا هما اللي بيدفعوا تمنها .. وانتوا مبتدفعوش تمنها".

[tareq23]

أقول لها

قد أسمعت لو ناديت حيا

ولكن لا حياة لمن تنادي

[صوت العقل]

ما شاء الله عليها ..
على الاقل واجهت وقالت كلمة حق وصدق ..
لخصت الواقع بسهولة .. جزاكم االله خيرا ..

[فاى 11]

صدقت
قد أسمعت لو ناديت حيا

ولكن لا حياة لمن تنادي

[جودة التعليم]

الست دي اجدع من 100 راجل