فقدت انتمائى

[smsmzeros]

انا اول مره اشارك فالقسم دا
بس عشان الموضوع دا بقى مدايقنى جداً
وكل يوم بيزيد عندى كل ما اقعد قدام التلفزيون او النت او اشوف الاخبار
( فقد الانتماء ) بقى عندى لدرجة انى كرهت مصر كلها وبتمنى انها تولع عشان الكل ينبسط
انا شاب مصرى الحمد لله كنت فيوم ثائر وفيوم اخر فلول وفتانى سلفى واخر اخوانى
وحالياً ماشى على كل الالوان لن محدش بيعجبو العجب (مره كده و مره كده )
بس الشئ المتأكد منو انى مصرى وزعلان على حال البلد وعلى الدرجه اللى المصرى وصل لها
والله الواحد بيتحسر لما يشوف المصريين بي***و فبعض وتانين بيتاجرو بالدين (مش كلهم ) وناس تانيه راكبه الموجه
وناس عليهم عليهم معاهم معاهم والاعلاام شغال كل حزب عاملو قناه وفرحان بيها
دول خير اجناد الارض دول اللى فرباط الى يوم القيامه ( احنا فعلاً الكلااام دا بس مش باين علينا للاسف المر بتاعنا مغطى علينا ومغمى عنينا )
وبيتحسر اكتر لم نوصل لدرجة اللا مباله الفائقه وفقد الانتماء
لحد امتى هنفضل كده وامتى هنتغير مش عارف الشئ المتاكد منو ان التتغيير لازم يبداء مننا
وعن اقتناع مش عن اتباع اعمى

( وانا عن نفسى دلوقتى لا بقيت طايق لا اخوان ولا ثوار وبكره سم الفلول )

انا عملت الموضوع دا كفضفضه لانى مخنوق بجد وعارف ان ناس كتيره حاسه بنفس شعورى دا
وآسف لو علطت او كتبت شئ خارج

حد عندو حل لمشكلتى