اللى معاه دليل على المرشد أنه بيحكم مصر يقدمه

[حميد بدوى]

اللى معاه دليل ان المرشد هو اللى بيحكم مصر يقدمه وكمان اللى عنده دليل ان مرسى رئيس بس للاخوان يقدمه وبلاش كتر كلام انا مش معقولة عشان ضد التيار والاعلام اتشتم على الخاص والعام وياريت يكون فيه ادب واحترام واحساس الموضوع مش كلام وقلة ادب وكلام فاضى وخلاص وانا قلت الناس كلها هاتقول نعم قبل اجراء الاستفتاء محدش صدقنى وصدقوا الاعلام اللى ما يعرفش حاجة عن الناس والموضوع عنده مصالح رجال اعمال وكره للاخوان
وبعدين اللى عامل فالح وبيتكلم عن التزوير انا بقوله لو الناس حاسه ان فيه تزوير ماكنتش وقفت اربع او خمس ساعات فى طبور مالوش اول من اخر وبعدين اللى بيتكلموا ان الحضور كان ضعيف دا انا شايف ان دمه خفيف
بجد أنا عن نفسى لم ارى استفتاء في العالم بهذة القوة ومصر قالت نعم للدستور ليست لانها جاهلة أو غبية أو خدت زيت وسكر كما يدعون ولكن لانها تعلم جيدا اننا اذا لم ننتهى من هذا الدستور
لم ننتهى منه على مدى السنين والعصور لان الموضوع مش موضوع دستور مهما قالوا وعادوا فى الدستور لانى لا ارى فائدة من الدستور فى وطن ضميره فى القبور
ولو هذا الدستور لو كتب بيدى الملائكة لم يحدث توافق عليه ابدا
وكل ما حدث فى وسائل الاعلام افتراء وظلم ودا ان دل على شىء
يدل على ان الاعلام بعيد كل البعد عن الناس وعن الشعب وياريت ينكسف على دمه ويحس ويعتذروا لهذا الشعب الطيب
وللعلم هذا اول دستور يطرح على الشعب منذ زمن بعيد
وان شاء الله سينتهى زمن الاسياد والعبيد
ومرحبا بهذا الدستور الجديد
الشاعر
عبد الحميد بدوى

[معلم خبير 2012]

للأسف الشديد أن معظم المصريين لايفهمون طبيعة الأخوان
وماهم الأخوان ومن هو المرشد العام للأخوان
أمسك نفسك شويه واعرف
ان الأخوان فى حوالى 88 دوله فى العالم وكل دوله لها مراقب عام وكلهم يأتمرون بحكم المرشد العام ومكتب الأرشاد
هل تنتظرون ان يطمع المرشد فى حكم مصر ؟
فكروا قبل ان تنطقوا

[حميد بدوى]

اغرب شىء ان الناس لما بتتكلم عن الاخوان بتحسسك انها بتتكلم ان اشباح مع ان الاخوان حولينا فى كل حتة وجيران واهل ملعون ابو الاعلام اللى عمى الناس وعمى القلوب

[حنان قنديل]

الاخوان يعنى مسلمين واحنا كلنا مسلمين

صلوا على الحبيب المصطفى

الانتخابات حرة ونزيهة ولم تزور واتقوا الله يا اهل مصر

[حميد بدوى]

معاك حق الاعلاميين اللى بيقبضوا ملايين المفروض ما يتكلموش

[*تائبة فى رحاب الله*]

والله انا بردة نفسى حد يقول كدة يجيب دليل
بس هنعمل ايه ربنا يهديهم

[ayid]

خير الكلام ماقل ودل وشكرا اخى الفاذل

[فيض خاطري]

الكلام اللى الاعلام دوش دماغنا به كله كلام مستهلك لافائدة منه
بدليل الطوابير اللى كلنا شوفناها للتصويت
انا وقفت اكثر من ساعه ونصف وكنت سعيدة جدا وكان عندى استعداد أقف اليوم كله علشان أقول رأى
أليست هذه هى الديمقراطيه اللى كلنا نادينا بها
ولا عايزين ديمقراطية حسب الأهواء والمصالح الشخصية
حفظ الله مصر

[محمدالوزير2]

الاخوان هم من يعملون لصالح هذه البلد ولصالح المجتمع لان دينهم امرهم بذلك

[محمد محمود بدر]

جزاك الله خيرا

[أ/رضا عطيه]

أكبر دليل هو أنك جئتنا بهذا الموضوع فى هذا الوقت بالذات

أصبحت أستشعر المصائب القادمة من موضوعاتكم المركزة فى كل موقع


والله زمان ياحميد

(مبارك ومن حوله فسده ويستأثرون بالحكم ويقصون كل من حولهم ويهملون مطالب الشعب ونحلم بالتغيير )

أليس هذا كلامك ؟؟

فأين نحن الأن وأين التغيير ؟؟؟؟

أليس غريب أن نمتدح نفس المنهج والذى يزداد طغيانا بفاشيته -

أم هى مصالح ويجعله عامر

شكرا جزيلا وكل تغيير وانت طيب

[*تائبة فى رحاب الله*]

أكبر دليل هو أنك جئتنا بهذا الموضوع فى هذا الوقت بالذات

أصبحت أستشعر المصائب القادمة من موضوعاتكم المركزة فى كل موقع


والله زمان ياحميد

(مبارك ومن حوله فسده ويستأثرون بالحكم ويقصون كل من حولهم ويهملون مطالب الشعب ونحلم بالتغيير )

أليس هذا كلامك ؟؟

فأين نحن الأن وأين التغيير ؟؟؟؟

أليس غريب أن نمتدح نفس المنهج والذى يزداد طغيانا بفاشيته -

أم هى مصالح ويجعله عامر

شكرا جزيلا وكل تغيير وانت طيب

الموضوع جاء بسبب اللى بنسمعه المرشد بيحكم ..!!
وحضرتك لم تأىتى بدليل؟؟!!!

[alien2]

عايز من حضرتك دليل واحد ان مرسى بيحكم مصر

[أ/رضا عطيه]

المشاركة الأصلية كتبت بواسطة *تائبة فى رحاب الله*

الموضوع جاء بسبب اللى بنسمعه المرشد بيحكم ..!!
وحضرتك لم تأىتى بدليل؟؟!!!

وجهت كلامى لصاحب الموضوع

فقمت أنت بالرد --

ع العموم نقول يمكن نلاقى حد يفهم كلامنا

لما كل مستشارى الرئيس ونائبه ووزير عدله وقضاته الموالين لقصر الرئاسة ومكتب الإرشاد يخرجوا ويتبرأوا من الإعلان الدستورى والذى شق البلد لنصفين

يبقى الإعلان الدستورى ده إنطبخ فين ؟؟؟

نفسى نبطل شوية لحد مالبلد تشد حيلها وتنهض وبعدين نعاود التسالى بالكلام

لو غلبان زاد غلبه أكتر من كدا

هيفش غله فى المداحين أولا ثم يفكر بعدين فى حكامه

هدوء ياسادة

وبلاش نزيد الإنقسام أكثر وأكثر بدفاعنا المستميت عمال على بطال بلامبرر

ولا نكن من أتباع وكيل الحصار ومندوب الفتن فى مصر

هم فقط من يريدونها نارا لاتنطفىء انتقاما لحرمانهم من الرئاسة

وحتى حزب النور لم يسلم من سمومهم وشقوا صفهم

حسبنا الله ونعم الوكيل

شكرا جزيلا

صبحى صالح: قد نجري تعديلات على الحكومة في الفترة المقبلة
كتب : فاطمة النشابي
الأربعاء 26-12-2012 17:22


صبحي صالح عضو الجميعة التأسيسية لوضع الدستور
قال صبحي صالح، عضو الجميعة التأسيسية لوضع الدستور وعضو مجلس الشورى المعيَّن، خلال مداخلة هاتفية مع قناة الجزيرة مباشر مصر، إنه من الممكن أن تُجرى تعديلات خلال الفترة القادمة على الحكومة الحالية، لكن لن يتم تغييرها بالكامل.
http://www.elwatannews.com/news/details/103714

[eltayb877]

لا ادري ما السر في الدفع باسم مبارك ومقارنته مع الرئيس مرسي
هل يختلف احد علي فساده و فساد من حوله؟

اما المرشد

فنحن مسلمين و ليس عندنا تقديس لاشخاص مهما كانوا
فالكل يؤخذ منه ويرد عليه

كما المرشد مصري و من حقه ان يشارك في حكم مصر بحكم الموقع الذي وصل اليه
و بحكم الشعب الذي اعطي لحزبه و لابنه الاغلبية

فهل يحكم اوباما لوحده امريكا اما معه مستشاريين؟