عملنا إيه الرئيس #مرسي لغاية دلوقتي؟

[tareq23]

عملنا إيه الرئيس #مرسي لغاية دلوقتي؟




خد عندك ....

- أول مصنع لسامسونج في العالم العربي فى بنى سويف

- اول مصنع لتدوير القمامة في الدقهلية

- افتتاح المنطقة الصناعية التركية في 6 اكتوبر

- مشروع الدعم اللوجيستى لقناة السويس وتطويرها

- وزير البيئة يفتتح حديقة في حلوان تخدم نص مليون مواطن

- اللجنة التشريعيه في مجلس الشوري توافق علي قانون الحد الادنى والاقصى تطبيقه مع بداية السنة المالية الجديده في اول شهر 7

- معاش استثنائى لاسر شهداء ومصابى ثورة يناير وزيادة الضمان الاجتماعى

- تم توقيع عقد مشروع تنمية شمال غرب خليج السويس على مساحة 6 كيلومترات، والذي يوفر نحو 40 ألف فرصة عمل باستثمارات 1.5 مليار دولار ويعد من أكبر المشاريع في خطة الرئيس للنهضة

- تغليظ العقوبة على مهربي السلع التموينية والمواد البترولية

- أصدر مرسي قرارًا بسحب 26 مليون متر مربع من الأراضي شمال غرب خليج السويس من المستثمرين غير الجادين، منها 8.5 ملايين متر لهيئة المجتمعات العمرانية، و17.5 مليون متر مربع تابعة لشمال غرب خليج السويس، وإعادة طرحها بسعر السوق، إضافة إلى سحب ما يزيد عن 41 مليون متر مربع بشرق بورسعيد

- أعفى 44 ألف فلاح من ديون تقدر بمليار ونصف مليار جنيه

- ثبيت 17ألف عامل بالتأمين الصحى

- تم طرح 145 ألف فدان للاستثمار الزراعى الداجني في بنى سويف والمنيا والواحات البحرية

- صرف علاوة اجتماعية بنسبة 15% للموظفين وأصحاب المعاشات

- أصدر الرئيس مرسي توجيهًا بعدم تعليق صورته بالمؤسسات أو نشر أي تهانٍ له وذهاب تكلفتها للدولة؛ مما أدي لتوفير 500 مليون جنيه سنويًّا

- توقيع 8 اتفاقيات باستثمارات بلغت 5 مليارات جنيه مع الصين أثناء زيارة الرئيس

- تعيين ما يقرب من 11 ألف شاب وفتاة داخل مراكز الشباب ممن كانوا يعملون بنظام المكافأة الشاملة

- إعادة هيكلة أغلب الوزارات واستبعاد الكثير من الفاسدين وإيقاف عملية الإهدار المنظم لموارد الدولة


** على المستوى السياسي:

- إقالة طنطاوي وعنان وتحييد الجيش وإخراجه من اللعبة السياسية بعد 60 عام بدون قطرة دم واحدة

- تغيير النائب العام الذي عينه مبارك واستبداله بقاضي حر من تيار الاستقلال

- تحصين الجمعية التأسيسية المنتخبة وإقرار دستور جديد للبلاد لإخراجها من غموض المستقبل

- مواجهة المحكمة الدستورية العليا وإفساد محاولتها للالتفاف على إرادة الشعب وإهدار صوته الانتخابي

- الإفراج عن جميع من تم اعتقالهم من المواطنين في أحداث الثورة ومنهم ضباط الجيش

- إعادة المحاكمات ل***ة الثوار بأدلة جديدة لكشف الفاعل الحقيقي أمام الرأي العام


** على المستوى الدولي:

- عودة مصر لموقعها الدولي (عربي - إفريقي
- إسلامي) والمشاركة بقوة في المؤتمرات والقمم العربية

- إيقاف حرب شاملة ضد غزة وحماية العمق الاستراتيجي المصري وكان لذلك أثر كبير في نظرة الدول لقدرة النظام المصري الجديد على القيام بدور فاعل وشجاع في المنطقة

- ظهور مصر كطرف لا يمكن تجاهله في القضية السورية ودعمها لحق الشعوب في تقرير مصيرها

- استلام مصر لرئاسة الدورة الثانية عشرة للقمة الإسلامية وتحقيق تفاهم دبلوماسي بين دول منظمة التعاون الإسلامي


كل هذا في 6 أشهر فقط (بعد خصم أيام الحرائق والإضرابات والاعتصامات)

والله المستعان

[mfa1]

[almido2000]

مع كامل إحترامي لحضرتك أنت مصدق نفسك
يعني ببساطة مصنع سامسونج يتحسبله إزاي وهو متاخد القرار بتاعه قبل مرسي مايهرب من السجن (قضية تجسس)
مشروع قناة السويس مش هايحصل ومش هنبيع ارضنا للصهاينة عن طريق قطر
عنان وطنطاوي ماهو إلا خروج آمن
القمة العربية والاسلامية والقمم دي بنتفرج عليها بالظبط زي ما بنتفرج علي نايل كوميدي
اما ظهور مصر كطرف في القضية السورية ماهو واضح ال*** لسه شغال والدم مازال يسال ونستقبل احمدي نجاد
اما الحرب علي غزة والحفاظ علي العمق الاستراتيجي فهو واضح جدا بكل بساطة من إعدام الإرهابيين اللي ***وا اخواتنا وهم صايمين علي الحدود يااااااااااااه شوفت نسيتني وقلت انهم خدوا إعدام مع ان مرسي أصلا نسيهم ومارحش حتي صلي عليهم
اما بالنسبة للمؤتمرات والمشاركات فما هي إلا استجمام علي حساب الشعوب
أما عن إعادة المحاكمات فحدث ولا حرج مهرجان البراءة للجميع
اما مواجهة المحكمة الدستورية طب هو مين اللي معين رئيس المحمة الدستورية مش مرسي هو مين اللي اشرف علي انتخابات الرئاسة مش فاروق سلطان رئيس المحكمة الدستورية السابق

بجد انا بزعل وبتحسر علي الناس المتعلمة اللي مش عايزه تشغل مخها
ربنا يصلح حالنا وحالك

[كامل على]

الاخ
almido2000
لو الرئيس معملش كدة كنت هتقول عملنا اية
اطرح انت اللى كان يجب عملة وازى فى ظل الظروف اللى انت شايفها حولية
هو الرئيس قال النهضة ارادة شعب اى الشعب اللى يبنى النهضة بمساعدة الحكومة وطيب اية رايك اذا كان الشعب بيرمى مولوتوف ونار ويخرب ويدمر(بعض الشعب مش كلة) انت ترمنى بالنار وعاوزينى اعملك نهضة ازى ومن اين؟

[almido2000]

المشاركة الأصلية كتبت بواسطة كامل على

الاخ
almido2000
لو الرئيس معملش كدة كنت هتقول عملنا اية
اطرح انت اللى كان يجب عملة وازى فى ظل الظروف اللى انت شايفها حولية
هو الرئيس قال النهضة ارادة شعب اى الشعب اللى يبنى النهضة بمساعدة الحكومة وطيب اية رايك اذا كان الشعب بيرمى مولوتوف ونار ويخرب ويدمر(بعض الشعب مش كلة) انت ترمنى بالنار وعاوزينى اعملك نهضة ازى ومن اين؟

اولا هو ماعملش غير كل سؤ
ثانيا لو خدت بالك من الكلام اللي انت كتبه هاتلاقي نفسك كاتب عبارة ( بعض الشعب مش كله ) فين الدول اللي مافيهاش كده
ثالثا النهضة اللي بتقول عليها خيرت شاطر بك قال ده مشروع فكري وعايز شعب مثقف باعتبار اننا جهلة يعني بلاش تضحك علي نفسك
رابعا الأخوان 5 مليون وجبهة المعارضة (موسي + حمدين + برادعي+ شفيق ) تقريبا 7.5 مليون صوت انتخابي يبقي حوالي 30 مليون صوت انتخابي تقدر تقولي مرسي عملهم ايه مش قادر يكسبهم ازاي
خامسا انت زعلان اني بقول ان مرسي ما اجبش حق اخواتنا اللي ات***م علي الحدود من 7 شهور
زعلان ان اللي ***م المتظاهرين بيحتفلوا بمهرجان البراءة للجميع
زعلان ان قضايا كتييييييييييييير زي (قضية تسويد البطاقات بالمطابع الأميرية + قضية حارس خيرت الشاطر + قضية التمويل الأجنبي + قضية مستندات مزورة لحازم ابو أسماعيل وكل فضائحه ومخالفاته ) أختفت
زعلان ان الأخوان بشهادة عاصم بكري انفقوا 600 مليون جنيه في الانتخابات
زعلان اننا رافضين عميل الصهاينة أمير قطر
زعلان اننا عايزين نعيش في دولة بجد

اكيد تبقي فرحان ان ابن مكي وزير العدل راح إعارة ب 50 ألف دولار شهريا
اكيد تبقي فرحان بفاتورة الفندق بتاع طابا اللي احنا دفعناها من جيوبنا والناس مش لاقيه تاكل
اكيد تبقي فرحان ان الدستور طاحتوي علي مادة العزل اللي طبقها مرسي وعين اعضاء الحزب الوطني في مجلس الشوري

[la salos]

اللهم زده توفيقاً ..
إنجازات رغم كل المحاولات المستميتة للتعطيل
رغم محاولات عرقلته وتكبيل يديه
جزى الله الرئيس عنا كل الخير
شكراً على المتابعة الرائعة

[almido2000]

المشاركة الأصلية كتبت بواسطة la salos

اللهم زده توفيقاً ..
إنجازات رغم كل المحاولات المستميتة للتعطيل
رغم محاولات عرقلته وتكبيل يديه
جزى الله الرئيس عنا كل الخير
شكراً على المتابعة الرائعة

عندك حق ياسيدي الفاضل فإنجازاته تتكلم عن فسها
في عهده رئيس وزراء يسألوه عان الأزمة الأقتصادية فيرد قائلا الأمهات لا تتهتم بنظلفتها الشخصية
في عهده اتفق مع الصاينة علي ان يضعوا مجسات للتصنت علي مصر علي الحدود
في عهده يتغول الصهاينة والأمريكان في بلادنا عن طريق عميلهم أمير قطر

ياريت حضرتك تقرأ كتاب أسمه ( الشعراوي الذي لا نعرفه ) هذا الكتاب صدر في عام 1992 وانت تعرف حقيقة الأخوان

[youssef darwish]

هو مش عندكم الدراينك بيروح السجن اذا كان درايفينج

[محمد محمود بدر]

في عهده اتفق مع الصاينة علي ان يضعوا مجسات للتصنت علي مصر علي الحدود

هل هذا الخبر صحيح

[tareq23]

من نذر نفسه لخدمة دينه فسيعيش متعباً

ولكن سيحيى كبيراً ويموت كبيراً ويبعث كبيراً ،

والحياة في سبيل الله أصعب من الموت في سبيل الله

حفظ الله مصر

وحفظ شعبها

وحفظ رئيسها المحترم د محمد مرسي ووفقه لكل خير

[la salos]

المشاركة الأصلية كتبت بواسطة almido2000

ياريت حضرتك تقرأ كتاب أسمه ( الشعراوي الذي لا نعرفه ) هذا الكتاب صدر في عام 1992 وانت تعرف حقيقة الأخوان

نعرفهم من أعمالهم وليس من مجرد مطالعة ما كتب عنهم , فقط علينا أن نمهلهم قليلاً لنحسن التقييم وأحسب أن الأمر لن يكلفنا أكثر مما كلفتنا حالة الفوضى والتناحر , مع الحرص على مراقبتهم وتدوين الإنجاز والفشل , وأعدك بقراءة الكتاب فى حال وجدته .
اقتبست فقط هذا الجزء من مداخلة حضرتك حتى لا أكرر ما سبق لى ذكره بشأن ما تركت من مداخلتك
وللأمانة أنا أحد الراغبين فى تغيير قنديل وتعديل حكومته بـ " حكومة ثانية " , ولكن أين الحكمة فى أن يتم ذلك الآن , ثم نسعى إلى استبدال هذه الحكومة الجديدة بأخرى " حكومة ثالثة " جديدة بعد انتخابات مجلس النواب
وأظن ذلك يسهم فى التعطيل ، فإستمرار حكومة قنديل فى العمل لفترة وجيزةٍ وبطاقةٍ أقل مما نرجوه أفضل من استبدالها بحكومةٍ انتقاليةٍ صوريةٍ لاتمارس إلا استلام وتسليم مقاعدها
تقبل وجهة نظرى المتواضعة .. شكراً لحضرتك

[mr/Guirguis George]

كلام مكرر
بعناوين متغيره
نفس الموضوع
كرر اكثر من مره
لكنه
كلام
لا نأخذ سوى الكلام
لا انجازات
بمناسبة الانجازات
النور مبيتقطعش عندكم
ولا عندكم مبرر
قصدى مولد

[mr/Guirguis George]

المشاركة الأصلية كتبت بواسطة youssef darwish

هو مش عندكم الدراينك بيروح السجن اذا كان درايفينج

اخى الفاضل
لقد كتبت مقالتك
المثيره للجدل
سيذكر التاريخ ان مرسى سقط
وهو فعلا سقط
ليس من كرسيه
لكن من قلوب معظم الناس
الغلابه
وما فى ايديهم شئ
سوى الصبر
ومازلنا نحتاج الكثير من الليمون

[tareq23]

الرئيس مرسي يحاول اليوم بكل قوة أن ينتقل بمصر من الفترة الانتقالية إلى مرحلة الاستقرار والثبات في مؤسسات الدولة،

لتدور عجلة الإنتاج وتنتهي الاضطرابات وتستعيد البلاد عافيتها،

في حين أن الفاشلين والفلول يحاولون بكل قوة إطالة أمد الفترة الانتقالية وتدمير مؤسسات الحكم ومنع كتابة الدستور،

وتسييل البلاد لأقصى صورة من أجل عودة حكم العسكر مرة أخرى وإفشال المشروع الإسلامي برمته،

فهل ينجح تحالف الفاشلين في إحراق مصر وتدمير مؤسساتها؟

أغلب الظن أنهم سيفشلون لأن كلمة الله الماضية أنه سبحانه وتعالى لا يصلح عمل المفسدين،

فالفشل سيكون حليفهم بمشيئة الله،

[mr/Guirguis George]

فلول
عسكر
العجله تدور
كلام قديم
مبقناش ناكل منه