ايهما افضل كلينيكال عين شمس ولا القاهرة ؟

[دكتورة منة]

لوسمحتوا يادكاترة انا سمعت ان احسن نظام كلينيكال فى مصر فى القاهرة او عين شمس

ممكن لو حد يعرف انهى جامعة احسن بجد من حيث نظام التعليم

وجزاكم الله خيرا

[هاوى إبداع]

حضرتك ممكن تدخل الموضوع دا احتمال كبير يفيدك

http://www.thanwya.com/vb/showthread.php?t=231416

في رعاية الله

[g_boy19942000]

عين شمس >>>>>>>>> اكلينيكل مجانى مع مواد الدراسة العادية بس مش عارف بيتكتبلوا فى الشهادة اكلينيكل ولا لا و مش بينزل تدريب عملى فى مستشفيات و دة الاهم العملىزى سنة الامتياز فى طب كدة مهمة جدااااااا

قاهرة>>>>>>>>>>>>> الاكلينيكل بفلوس ب 13 الف فى السنة و بينزلو تدريب عملى فى المستشفيات و بيتكتبلو خريج اكلينيكل و بياخدو كل حاجة عن الاكلينيكل بالتفصيل عن عين شمس طبعا و هو احسن نظام اكلينيكل على ما اعتقد بس بمانى

لو انتى لسة هتخشى السنة الجاية

جامعة حلون اعلنت على موقعها انها هتطبق من السنة الجاية الفارما دى نظام الدراسة 6 سنوات و ممكن تبقى تسألى عنه بردك لان معلوماتى من موقعهم و و ناس تانية قالولى بردك و دة احسن نظام بيتهيألى و بيبقى اجبارى فية تدريب عملى فى المستشفيات و بتخرجى معاكى ماجستير فى الصيدلة الاكلينيكة و دة بيبقى فى النظام العادى مش زى القاهرة بفلوس

بس مش فاهم ازاى جامعة واحدة هطبقوا و الباقى لا فممكن ابقى استفسر اكتر و اقلك و ناس بتقلى انه هيبقى قرار الزامى على كل الكليات بتاعت الصيدلة و هتبقى 6 سنين دراسة و عملى و كدة الدنيا بردوا مش واضحة الصراحة

دة اللى عندى و اعرفه و قررى انتى بقى و اى اخبار جديدة ممكن ابقى ابلغك بيها

[دكتورة منة]

ميرسى جدا بس انا فعلا فى كلينيكال بس بفكر فى التحويل للقاهرة

طب معلش سؤال تانى هو انا عايزة اعرف الدكاترة هناك كويسين يعنى شرحهم حلو ؟
ونظام التعليم هناك والسكاشن كويسة ولا لا؟
يعنى احس انى يتعلم فعلا ؟

وجزاكم الله خيرا