بلا عنوان

[vampire1188]

ازيكم يا جماعة

انا حبيت اعمل موضوع كدا .. عشان انا وانا قاعد على الشات النهارده واما خرجت قبل كدا بقيت اسمع الفاظ غريبة موضوعا وشكلا .. يمكن مش اول مرة اسمعها بس بجد الفاظ غريبة جدااااااااااا

واللي شدني بعض الالفاظ .. هاسردها واحده واحده :

1- مهيس :

يعني ايه مهيس ؟ .. هل دي ليها مصدر في اللغة العربية ؟ولا يكونش ليها مصدر في لغة اجنبية احنا مانعرفهاش

ولو ليها مصدر في اللغة العربي .. هايبقي مصدرها .. من الفعل هيس ؟!

ولا من اسم الفعل تهييس .. بمعني اتجنن ؟!!

2- نفض :

نفض دي بقي انا نفسي بقولها .. الابهات والامهات نفسهم بقم يقولوها لولادهم وفي معاملاتهم اليومية !!

بس برده مصدرها ايه نفض دي ؟!! .. تقريبا والله اعلم اللي اخترعها كان بينفض سجادة ساعة ماقالها !!

3- سلاموز :

كلمة غريبة جداااااااا .. هوا سلام ربنا بقي سلاموز؟!!

ولا يكونش كلمة موز دي suffix بتتحط في اخر كلمة سلام لإفادة معنى السلام الحار الجامد !!

بايات :

انا اول مرة اشوف كلمة باي بتتجمع .. ايش حال انها في الانجليش نفسه مالهاش جمع .. يبقي احنا نجمعها في العربي؟!! .. يا سبحان الله ..

هوا اكيد عشان هيا كلمة معربة فا متاح ليها انها تتقسم زي ماحنا عايزين !!

وفيه بقي جملة سمعتها في فيلم من الافلام .. بيقول فيها .. (شنكلوني في الشناكل والكتاوت عندي بايظة)

بالله عليكوا اللي يعرف معني الجملة دي كاملة او المقصد منها ايه ... يبقي يقولي !!

انا عارف ان الموضوع مش قد كدا .. بس اعتبروها فضفضة كلام من زميل ليكوا !!

[Dream girl]

وفى حاجات تانية كتير غير كده متاخدش فى بالك هو بقى فيها حاجة اسمها لغة عربية اصلا خلاص ادفنت والعزا كان فى عمر مكرم...........ههههههههههه
لا بجد فعلا لغتنا انحدرت اوى اوى واستجدت الفاظ غريبة وعلى فكره كلنا بقينا نقولها خلاص بقى تعود
مرسيه على الموضوع

[ابوالنور]

سلام عليكم و رحمة الله و بركاته
طبعا كلام حضرتك كلام مضبوط بس انت تغلى بالك ان مش مفروض اننا نفكر فى كل كلام الى بنسمعه لا نفكر فى الى يفيد و نسيب الكلام الى ملوش معنى زى كلام

1- مهيس :
2- نفض : 3- سلاموز :

زى ما قولتلك مش كل كلام نفكر فيه نفكر فى مفيد فقط
و شكرا على موضوع