انا الحاكم ومش ماشي

[seif yasser]

أنا الحاكم ومش ماشي
ولو قلتم كرهتوني
انا الحاكم
ولو بعتم وبعتوني
انا االحاكم
انا اللي جاي بالصندوق
وجاي معايا شرعية
ومكرونة وشعرية
ورز وزيت وحرية
انا الحاكم ومش ماشي
تقولوا تقيل تقولوا خفيف
تقولوا غتيت تقولو ظريف
انا الحاكم ومش ماشي
انا اللي بشوف
وكل الشعب مش شايف
ولو متم علي بابي
مانيش خايف
انا ماضي
وانا حاضر ومستقبل
ولو كل الشعوب رافضة
ده انا اللي جاي بالنهضة
وواقف لسة قدامها بقالي كتير
وهية باركة مش ناهضة
انا الحاكم ومش ماشي
ياسر نصار

[مريم السباعى.]

رائعة جداااااااااااااااا
ربنا يوفقك باذن الله كلمات جميلة ولكن يارت لو تكبر الخط حيكون احسن
دام ابداعك

[مـــــلك]

بجد فظيعه جداً
اجمل حاجه انك بتتناول الاوضاع باسلوب خفيف
انا الصراحه كنت بضحك ومتغاظه فنفس الوقت
جمييييييييييييله
استمر
في انتظار جديدك

[الربيع المصري]

الله ينور عليك يا طيب

[سيلفانو]

وجاي معايا شرعية
ومكرونة وشعرية
ورز وزيت وحرية

هههههههههههههههههههههههههههههههه
لا فعلا وصف رائع
ايه الجمال ده ههههههههههههه

بجد بجد اسلوبك رائع وشكلك محترف للشعر العامى الغنائى

دمت بكل الخير

[seif yasser]

اشكرك جزيل الشكر

[seif yasser]

ربنا يبارك فيكي ما هو ده الهم اللي يضحك

[ضياء الدين سعيد]

أنا الحاكم ومش ماشي
ومن غير ظلم راح أحكم
لإن بلادي تاج راسي

أكيد الغل قاتل ناس
وناس عايشه كدا وخلاص
وناس تعمل جباه تعبانه ..
تكتب علمها برصاص


أنا الشرعية دي نفسي
واخدها وفوقها أه كرسي
ومش شعرية حمضانه .. !!
وجبهة ناسها خربانه
تلف تلف وتدور ..
منين تبدأ تفرقنا

أنا مرسي ومش موسى ولا حمدين
أنا مرسي ومش مرسى هو الخاينين
أنا مرسي ومش هسمع نباح ألفين
بتقول كام .. نباح ملايين

أنا اللي إدوني عربية وخربانه
ماتور تعبان ومش بيدور
ومن برا ياناس تفرح ..
ولما أركبها .. وأدورها
دي مبتمشيش ..

قالولي لأ دي شغاله
وشوف قبلك ركبها كتير
قلت أشوفها من بره
وأتاري شكلها يفرح
دا من بره ..
ومن جوا كلاب صعرانه تنهشها

أنا النهضة إللى جوايا تجيب ملايين
أنا الفكر إللي يوصلي يعيش لسنين
أه والله يعيش لسنين

سيبوني أصلح العربية وأركبها
وأمشي برجلي في ترابها
أعمرها وأصلحها
وأحاكم حد خربها

سيبوني وبعدها نحكم
ما هي مش تكيتنا
ولا هي يا ناس بيتنا
دا هي مسكن الملايين

بعين العقل نتجمع ولا نخونش
ونجعل في الجبال وديان منعطش
نعمر أرضنا وتنجب وليه بنقول ميحصلش
انا قاعد ومش هيمع كلام غربان متفهمش

أنا كتبت شوية قول مش بلساني ..
دا بلسان الرئيس مرسي
أنا مسلم ومش إخوان ومبخفش
بحب الحق لو هسكن جبال القهر مبخفش

ولكن قبل ما أسيبك يا ريسنا ويا مرسي
سيبك أنت من الألقاب مبتدمش
هما كلمتين واقفين يا تتكلم يا إما يا عمنا تمشي
متتفرجش على الشبيحة ت***نا ..
متتفرجش على الحرامية تسرقنا ..
متتفرجش عاللي خان ولا حكمشي ..
يا تنطق زي ما عهدناك يا إماً تسينا وتمشي
أنا تعبت من الفرجة على التلفاز ..
دا متدبح ودا بينزف وقاضي يقول م***ش
يا ريسنا بقولك إسمع الأحلام من اللي سابها مرجعشي
ومش هرجع طول ما الفقر بيظلل على الشجرة وضوء الشمس يتسرب ميوصلش
بقالي عقود قاعد في البرد نفسي أتدفى مبردش
يا تتكلم بقى وترتاح .. وترسم مجد للي بدمه رسم المجد وممتش
يا ترحل زي ما قبل حكمله يومين ومعرفش

["" شيماء بكر""]

الله الله الله ...جميلة جدا

مع انى اختلف تماما مع الفكرة ...
فالرئيس منتخب و لن نحكم عليه بعد ستة اشهر فقط
خاصة والكثير يعلم ان هناك
جبهات فساد كثيرة تحارب الدولة

تحياتى لقلمك الراقى

[seif yasser]

اخي العزيز ضياء لكل منا زاويته الخاصة جدا التي يطل منها علي الحياة فيري الاشياء نفسها بشكل مختلف عمن يجلس علي مقربة منه اعجبتني معارضتك لشعري ولكني لا انتمي لاي وجهة نظر سياسية ولا انا حتي موجود داخل مصر ولكني اري الاشياء كما صورتها ربما نختلف ولكني اسجل اعجابي بقلمك
ياسر نصار