إمتحان الإنتقام ... المحلة الكبرى (مدرسة الشهيد عبد المنعم رياض)

[Hisham_physics]

إمتحان طوييييييل و غير مراعي لوقت الإمتحان و مليان بالأسئلة الغير مباشرة
و كأن واضع الإمتحان بينتقم من الطلبة ........ في ظل هذه الظروف الراهنة

[أ/محمود برهـــــــــــــام]

شكرا جزيلا لك وبارك الله فيك

[أ/ احمد عبد الوارث]

جزاك الله خيرا استاذ هشام على هذا العمل ولكن معروف ان امتحانات النقل تكون مليئة بالاسئلة وليس امتحان انتقام ولا حاجة امتحان طويل معك ولكن الاسئلة كلها مباشرة

[احمدالمعداوي]

شكرا جزيلا استاذ : هشام

[Hisham_physics]

المشاركة الأصلية كتبت بواسطة أ/ احمد عبد الوارث

جزاك الله خيرا استاذ هشام على هذا العمل ولكن معروف ان امتحانات النقل تكون مليئة بالاسئلة وليس امتحان انتقام ولا حاجة امتحان طويل معك ولكن الاسئلة كلها مباشرة

لو تآخد بالك حضرتك في أسئلة غير مباشرة ( بالنسبة لعقلية الطالب ) زي :

2- النسبة بين تردد موجتين صوتيتين طوليهما الموجي الأولى 1.5 م و الثانية 3 م هي .........( 3/1 – 2/1 – 1/2 )

4- الفرق بين حاصل التردد × الزمن الدوري و الواحد الصحيح يساوي ........... ( صفر – الواحد الصحيح – مقداراً سالباً )
صحح بشرط عدم تغيير ما تحتة خط و يجب رقم غلس في حسابة زي المسألة دي
- إذا كانت المسافة التي تقطعها موجة في الماء خلال دقيقة واحدة تساوي 9 × 410 م فإن سرعة الموجة تساوي
1200 م/ث

و أسئلة رخامة زي :
(جـ) : وتر مهتز يستغرق 0.005 ثانية أثناء مروره من نقطة السكون و حتى أقصى إزاحة له . فما مقدار تردد هذا الوتر بالميجا هيرتز

دي كانت ممكن تبقى أسئلة حلوة يفكر فيها الطالب ف حالة ( قلة الأسئلة ) لكن مع الكم الهائل من الأسئلة الموضوعة طبعاً مينفعش
و ده ترتب عليه خروج معظم الطلبة من الإمتحان وشهم أحمر و في حالة بكاء
إحنا بكده بنكرة الطلبة في التعليم و خصوصاً في المواد العلمية بسبب فذلكت بعض المدرسين عليهم
و ده حضرتك باين أوي في مدارس الثانوي اللي الطلبة فيه كرهوا العلمي و اندفعوا إلى فصول الأدبي
ممكن تقولولي كم فصل علمي في كل مدرسة ثانوي بالنسبة لفصول الأدبي ؟؟؟؟؟؟؟؟؟؟؟

[mr.adel gad]

شكرا جزيلا لك وبارك الله فيك

[أ/ احمد عبد الوارث]

ااسف استاذ هشام ان خرجت منى كلمة ضايقتك فهى والله عن غير قصد ولكن كلامى على حجة انا لا ادرس فى قريتى ولكن مدرسة الفصل بارك الله فيها لم تترك اى فكرة فى الشرح او المراجعات مع الطلبة ولذلك قلت بان الامتحان طويل وليس انتقاما وانا اهم شي اسعى الية ان يحب الطالب المادة العلمية قبل منهجة الذي يدرسة ولقد طبقت تلك النظرية وبالفعل وجدت اقبالا عليها من معظم الطلبة مما يجعلهم متشوقون فى الدراسة فى الثانوي (( وأأسف للمرة الثانية ))

[Hisham_physics]

لا داعي للأسف يا أ / أحمد عبد الوارث
حضرتك مغلطش فيا في حاجة
كل واحد فينا بيقول رأيه من وجهة نظرة
و ده حق الجميع من غير حد ميزعل من حد

[صفاء عزمى]

امتحان غير منطقي
في اسئلة جميلة وفيها فكر
وبس كم اسئلة تفكير اكثر من اللازم ولا توجد اسئلة للطلبة الضعيفة

[أ/ احمد عبد الوارث]

اكيد طبعا استاذ هشام وبارك الله فيك مرة ثانية على هذا العمل الذي سعيت من اجله لخدمة طلابنا على هذا المنتدى المتميز

[أ/ أحمد أبو الهيثم]

يا جماعة الامتحان دا صعب بالنسبة لمستوى معظم التلاميذ انا مع راى استاذ هشام
والدليل على كده ان اكتر من 50 بنت لم ينجحوا فى هذا الامتحان

[Hisham_physics]

المشاركة الأصلية كتبت بواسطة أ/ أحمد أبو الهيثم

يا جماعة الامتحان دا صعب بالنسبة لمستوى معظم التلاميذ انا مع راى استاذ هشام
والدليل على كده ان اكتر من 50 بنت لم ينجحوا فى هذا الامتحان

و الله يا أستاذ أحمد عايز أعملك لايك (Like) زي الفيس بوك بس مش عارف

[أ/ أحمد أبو الهيثم]

اعتبر نفسك عملت لا يك يا استاذ هشام
اصل انا عندى كام بنت من اللى امتحنوا الامتحان ده
وقولتلهم ورونى الامتحان علشان اثبتلهم انه سهل
اول ما شوفتوا حطيتوا فى جيبى وماقلتش حاجة

[أبو دياب حمودة]

الإمتحان فعلا شديد لأن مفيش فيه أسئلة للطالب الضعيف أو المتوسط ونرجو الرحمة بأبنائنا يا أستاذ هشام لأن ليس كل الطلاب في مستوي ممتاز وأرجو ألا يفهم من كلامي التساهل في وضع الإمتحانات ولكن يراعي التدرج في الأسئلة من حيث درجة الصعوبة

[x_moor]

مشكووووووووور جدا