اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الركن الإجتماعي > اجتماعيات طالب

اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة

إضافة رد
 
أدوات الموضوع انواع عرض الموضوع
  #1  
قديم 07-05-2013, 04:14 PM
الصورة الرمزية To Be Is To Do
To Be Is To Do To Be Is To Do غير متواجد حالياً
طالب بـ تانيه ميكانيكا هَندســــ الإسكندريه ـــــــه دُفعــــ 2017 ــــــة
 
تاريخ التسجيل: May 2011
المشاركات: 6,028
معدل تقييم المستوى: 20
To Be Is To Do is on a distinguished road
افتراضي ثانويه عامه و ( 8 / 6 ) واالحياه صعبه :( :(


السلام عليكم ورحمه الله وبركاته
مبدأياً أنا أخوكم خالد لسه مخلص ثانويه عامه السنه اللى فاتت وأنا حاليا أولى كليه

طبعا أنا حاسس بيكم جدا والله عشان انا من سنه بالظبط كنت فى نفس موقفكم كده الأعصاب متوتره .. الأيام بتعدى هوا .. أخبار بصعوبه الإمتحانات .. ال 15% بتوع الطالب المتميز إللى مش بييجوا خالص دول فى اى امتحان .. ماما وبابا عايزنى طب وهندسه وصيدله .. عندى مشاكل مش عارف ازاكر مش عارف أظبط مواعيد نومى .. المدرسين طالبيين مننا حاجات كتير .. حاجات كتير جدا جدا جدا واقفه قدامنا طيب وبعدين يعنى ؟ حنفضل كده تايهين متوترين قلقانين لا عارفين نزاكر ولا بنام والوقت بيروح والامتحان بيقرب إنه يقترب يقترب يقترب ....

طب والعمل يا عم الحاج خنقتنا انت داخل تطمنا ولا تقرفنا
طب اسمع بس حقولك ايه حقولك ايه حقولك ايه ..

الطلبه فى الوقت ده متقسمه ل 3 انواع
ــــــــــــــــــــــــــــــــــــــــــــــــــ ــــــــــــــــــــ

1ـ طالب كان بيزاكر طول السنه زى الفل ( كتاب المدرسه حاله وكذلك الدليل وكاتب الحاجات اللى وقفت معاه فى اسكتش وحاليا بيبدأ يبص عليها ويراجعها ... الطالب ده خلص مراجعه كل المواد وحاليا بيبص على فنيات أسأله وبيحل امتحانات وبيشوف أفكار جديده )
الطالب ده ربنا حيكرمه جامد جدا على فكره واستمر انك تركز على الفنيات والحاجات الصعبه ونقى أفكار مسائل وحلها وحتلاقى تعبك ده كله يوم النتيجه ان شاء الله بكليه قمه جميله كنت بتحلم بيها

2_ طالب وسط هاااا بيزاكر طول السنه بس لسه محلش الامتحانات ولا المدرسه ولا الدليل يعنى مزاكر اه بس محلش
انت ربنا حيكرمك برده متخافش والله بس الايام دى بقى تركز على الامتحانات تبدأ تحل كم كبير من امتحانات السنين اللى فاتت واللى يقف معاك ابدأ اكتبه فى اسكتش لوحده بحيث ليله الامتحان تبص عليه سريعا برده لو عندك مزكره او ورق حالل الدليل او المدرسه أبدأ حل فيهم اكيد حيقابلك مسائل كنت حالل زيهم قبل كده .. اكيد حيقابلك افكار مسائل واسئله جديده اعرقف اجابتهم احفظهم او افهمهم على حسب نوعيه الاسئله اكتبهم فى اسكتش برا ليله الامتحان بص عليهم يببقى انت كده جمعت بينن المزاكره طول السنه والحل والمراجعه تيجى ليله الامتحان تراجع وتبص على الاسئله دى وخلاص تدخل تقفل باذن الله باذن الله يعنى

3_ طالب مفتحتش اى حاجه لغايه دلوقتى ( من اول شهر 8 يقول يااااااااااااه ده لسه بدرى ييجى شهر 12 يااااااااااااه ده لسه نص السنه ييجى شهر 2 لا بقى انا من اول 4 حبدا ادح اوباااااااااااااا شهر5 جه لا وايه عدى منه اسبوع كمان .. والحل بقى ... انا كده ضعت ولا ايه ؟ )
لا طبعا ضعت ايه انت فاضلك لسه وقت كويس تلحق تزاكر فيه اللى عليك مهو اكيد انت مش طول السنه متعرفش حاجه اكيد المستر كان بيعمل امتحانات كنت بتزاكر اكيد كان فيه واجبات كنت بتحلها اكيد اكيد اكيد بس انت ناقصك شويه دروس فى كل ماده طيب وحعمل ايه ؟ ...خلاص الوقت اللى فاضل ده انت تبدأ تزاكر الحاجات اللى لسه مفتحتهاش ... ورقه حلوه كده وتشوف موادك واكتب ماده كذا ناقصنى كذا وكذا وكذا وهكذا لل 5 مواد طيب والقديم اللى زاكرته اسيبه ؟ ... تسيب مين يا عم الحاج لا طبعا انت حتزاكر الجديد مع مراجعه القديم وحل امتحاانات . ؟ نعم يا خويا !! يعنى احل امتحانات وانا لسه مخلصتش المنهج ؟ .. اه طبعا الامتحانات حتخليك تراجع اللى زاكرته قبل كده طب والجديد اللى لسه بزاكره ؟ .. خلاص انت بتزاكر جديد وتدخل على الامتحانات تحل عليه علطول يعنى زاكرت وطبقت بالحل ..محتاج حاجه تانيه ؟؟؟؟

ميزه حل الامتحانات :
ـــــــــــــــــــ

اولا : بتعرفك الامتحان شكله ازاى بييجى ازاى حجمه ازاى وهكذا ؟
ثانيا بتطبق على اللى زاكرته طول السنه او اللى لسه زاكرته الايام دى
ثالثا : معرفه نقاط ضعفك فين اكيد لما تحل الامتحانات كلها انت كده راجعت المنهج ك حل فقط اكيد مش حتعرف حاجات خلاص ارجعلها وازاكرها تانى وبكده خلاص انا لميت المنهج كله
رابعا وده الاهم : الامتحانات بتكسبك ثقه فى نفسك كبيره جدا ... انا زاكرت وجيت احل امتحانات ولقيت نفسى بحل الحمد لله امتحان كامل لوحدى حتاخد ثقه جامده وحتشيل حته الخوف بنسبه كبيره
خامسا : الامتحانات بتتكرر بشكل مستمر تلاقى السؤال بييجى سنه وسنه يعنى لو حليت الامتحانات دى حتلاقى امتحانك كوبى منهم بكم كبير جدا ان شاء الله

الحاجات اللى اركز عليها :
ــــــــــــــــــــــــــ

متركزش على اى حاجه وتسيب التانيه .. بس انت لما تحل امتحانات حتلاقى مثلا فيه السؤال ده بييجى كتير جدا .. والمساله دى اتكررت اكتر من مره ... التعريف ده الاستنتاج ده بييجوا كتير خلاص وانا براجع حبدأ أتك على الحاجات دى جامد بس مش ازاكر دول واسيب الباقى اكيد لا انا بزاكر كله كويس جدا ومستعد لاى حاجه بس فيه حاجات بتبقى من الحاجات الشهيره فى الامتحانات دى اراجعها كويس جدا

مراجعات المدرسين :
ــــــــــــــــــــــــ

رأئي الشخصى روحها .. طب ليه ؟ .. المدرسين بيبقوا سايبين ساعات حاجات او افكار مهمه يقولوها فى المراجعه والحاجات دى بتبقى مهمه جدا .. المدرسين بيجبروك انك تزاكر حاجات عشان تمتحن عليها الحصه اللى بعدها يعنى انت مجبر تزاكر عشان الامتحان .. المدرسين ساعات فى الحصه بيقولوا فنيات اسأله الحاجات دى مبتتحفظش لا بتتفهم عايزه واحد مركز يفهمها عشان ميتلغبطش

انما لو انت طالب مجتهد وحتقعد فى البيت تزاكر فعلا كما لو كنت مع المدرس خلاااص تمام بس على الاقل صور الورق اللى المدرسين بيدوه للطلبه وحله وحتبقى مخسرتش حاجه

التوتر والقلق والخوف والرعب والحاجات دى كلها اللى انت ونتى حاسين بيهم دلوقتى ... ده امر طبيعى متفكرش انت بس اللى خايف لا ده زيك الافات طلبه خايفين من الامتحانات
بس صدقونى الامتحانات بتيجى للطالب اللى مزاكر ممكن ساعات بييجى نقطه او 2 فى الامتحان صعبين او عايزين تركيز او او او بتبقى رفايع فى الورقه مش كل الورقه متخفش انت مزاكر متخفش انت مراجع متخفش انت حالل امتحانات كتير متخفش انت مجمع افكار كتير وترّكات كتير ..... متخفش حتدخل الامتحان حتحل كويس جدا لانك اصلا مزاكر وحالل ومراجع

الفتره دى عايزه واحد بارد فى مشاعره ... طيب مش حتلاقى حد بارد الفتره دى الكل قلقان ... عارف والله بس ليه القلق مش انت حليت الامتحاانات وعرفت المستوى الل بييجى بيه الامتحان خلاص يا عم امتحانك شبه الامتحانات دى بالظبط مش بيبتكروا يعنى ان شاء الله

وأخيرا : إفتكر دايما وانت بتزاكر إنك دايما تعمل إللى عليك وإفتكر ان ربنا مش حيضيع لا تعبك ولا تعب والديك على الفاضى وإفتكر دايما الكليه وحلمك اللى نفسك تحققه وأفتكر يوم النتيجه وانت ان شاء الله جايب اعلى من لمجموع اللى كنت بتفكر فيه وشكلك الجميل قدام بابا وماما والعيله الناس كلها وانت فخور بنفسك انا جبت كذا % وحدخل كليه كذا ان شاء الله

وآســــــــــــــــــــــــــف إنى طولت عليكم ... ربنا يوفقكم إن شاء الله


[/color]
__________________
<( If You Can Dream It ,, You Can Do It )>

آخر تعديل بواسطة To Be Is To Do ، 07-05-2013 الساعة 04:27 PM
رد مع اقتباس
  #2  
قديم 07-05-2013, 04:40 PM
الصورة الرمزية ~ Smile 4 Life ~
~ Smile 4 Life ~ ~ Smile 4 Life ~ غير متواجد حالياً
طالبة بالصف الثالث الثانوي علمي علوم
 
تاريخ التسجيل: Aug 2012
العمر: 29
المشاركات: 1,655
معدل تقييم المستوى: 14
~ Smile 4 Life ~ is on a distinguished road
افتراضي

المشكلة ان الفترة دي بالزاد أصعب الفترات سواء للي كان بيذاكر أو لا
والواحد محتاج يحط أعصابه في تلاااااااجة
ربـــــــنا يــــــستر وتعدي السنة دي علـــي خـــير
جــــزيتم خــــــيررررا
__________________
رد مع اقتباس
  #3  
قديم 07-05-2013, 07:02 PM
الصورة الرمزية Alyaa Dfnany
Alyaa Dfnany Alyaa Dfnany غير متواجد حالياً
طالبة جامعية
 
تاريخ التسجيل: Dec 2011
العمر: 30
المشاركات: 910
معدل تقييم المستوى: 14
Alyaa Dfnany is on a distinguished road
افتراضي

المشكلة دى .. بتقابل اغلبية الطلبة .

خاصة فى الفترة دى .. وربنا يستر ان شاء الله .

شكرا جزيلا .. استفدت كتير من حضرتك و "كطالب ثانوى سابق ^ ^ " ..

__________________

Good FRIENDS are hard to find

harder to leave

! and impossible to forget
رد مع اقتباس
  #4  
قديم 07-05-2013, 07:52 PM
الصورة الرمزية yolanda
yolanda yolanda غير متواجد حالياً
عضو نشيط
 
تاريخ التسجيل: Dec 2011
العمر: 30
المشاركات: 183
معدل تقييم المستوى: 14
yolanda is on a distinguished road
افتراضي

موضوع جميل بيدعو للتفائل أتمني انه فعلا الوقت يكفي ...

علي فكرة أنا كنت بذاكر طول السنة من غير مراجعة و نسيت كل حاجة زي ما كون مفتحتش كتاب و موقفي دلوقتي منتهي القلق و الخوف و الندم علي عدم المراجعة...

Thank you
__________________
رد مع اقتباس
  #5  
قديم 08-05-2013, 12:42 AM
Po0dlexStar Po0dlexStar غير متواجد حالياً
عضو جديد
 
تاريخ التسجيل: Mar 2013
العمر: 29
المشاركات: 3
معدل تقييم المستوى: 0
Po0dlexStar is on a distinguished road
افتراضي

طب واللى من أول السنه مفتحش كتااااااب بقا .... بس بركز فى الحصص .... زى السنه اللى فاتت كده داخل كل ماده ب 10 % منها .... بس السنه اللى فاتت كانت اسهل .... هعمل ايه السنه دى وانا شكلى هشييييل فيزيا ورياضه وعربى وعلم نفس وانجليزى .... والله ما فتحت اى حاجة وخاااايف اووى ... ومش عارف اسيب ام الفيس بوك ده ... وبابا وماما ... اتخنقوا منى .... قولى انت ادرى ... مع انى مبطلعش من البيت قاعد 24 ساعه على اللاب واقوم من علييه افتح الموبايل ... ومخدتش درس علم نفس كمان
رد مع اقتباس
  #6  
قديم 08-05-2013, 01:27 AM
EyadError EyadError غير متواجد حالياً
عضو ممتاز
 
تاريخ التسجيل: Feb 2013
المشاركات: 310
معدل تقييم المستوى: 13
EyadError is on a distinguished road
افتراضي

اقتباس:
المشاركة الأصلية كتبت بواسطة po0dlexstar مشاهدة المشاركة
طب واللى من أول السنه مفتحش كتااااااب بقا .... بس بركز فى الحصص .... زى السنه اللى فاتت كده داخل كل ماده ب 10 % منها .... بس السنه اللى فاتت كانت اسهل .... هعمل ايه السنه دى وانا شكلى هشييييل فيزيا ورياضه وعربى وعلم نفس وانجليزى .... والله ما فتحت اى حاجة وخاااايف اووى ... ومش عارف اسيب ام الفيس بوك ده ... وبابا وماما ... اتخنقوا منى .... قولى انت ادرى ... مع انى مبطلعش من البيت قاعد 24 ساعه على اللاب واقوم من علييه افتح الموبايل ... ومخدتش درس علم نفس كمان
والله العظيم كأنك ببتكلم عليه ....
بالظبت ده حالى ... بس انا ماكنتش قاعد عالفيس ,كنت عاللاب برده بس بعمل حاجه تانيه
رد مع اقتباس
  #7  
قديم 08-05-2013, 07:17 AM
Lyonenyo Lyonenyo غير متواجد حالياً
عضو خبير
 
تاريخ التسجيل: May 2012
المشاركات: 596
معدل تقييم المستوى: 13
Lyonenyo is on a distinguished road
افتراضي

يا جدعان كل واحد يقول خططته كدا
انا عن نفسي عامل 10 ايام هراجع فيهم كل الفيزيا والاحياء وعلم النفس
ومعاهم النحو والتعبير والنصوص والادب والتجربة الشعرية
وهيتبقى 15 يوم في الشهر 5 هراجع فهم القراءة والقصة والمستوى دروس القراءة وهحل امتحانين في كل مادة من مواد الخمسينة والإنجليزي كله وانا كويس فيه فا مش هياخد وقت طويل يعني ان شاء الله
ايه رايكم ؟
رد مع اقتباس
  #8  
قديم 08-05-2013, 11:58 AM
yaso ali yaso ali غير متواجد حالياً
عضو نشيط
 
تاريخ التسجيل: Dec 2012
العمر: 31
المشاركات: 159
معدل تقييم المستوى: 13
yaso ali is on a distinguished road
افتراضي

طيب ايه النظام اللي امشي عليه طيب
يعني اذاكر كل المواد في يوم ولا اقسم المواد ازاي واعمل ايه؟؟؟؟؟؟؟؟؟؟
عاوزه جدول امشي عليه لاني مش عارفه انظم وقتي ازاي واذاكر ايه وكده؟
رد مع اقتباس
إضافة رد

العلامات المرجعية


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 01:06 AM.