ضيعني في الانجليزي ..الله يخرب بيته..

[حسبي الله ونعم الوكيل]

سلام الله عيكم ورحمته وبركاته

انا عضوه قديمه معاكو بس عملت التسجيل ده عشان احكيلكو بيه على حاجه ومش هستخدمه تاني خلاص
لأني بصراحه مش عايزة حد يعرف الموضوع ده عشان بيكسفني جدااااااااااااا

ومش هاعرف اقول ايه غير حسبي الله ونعم الوكيل ... في اللي ضيعني في الانجليزي

وانا في امتحان الانجليزي كان واقف علينا اتنين مدرسين شباب

بصراحه انا كنت اتخنقت جدا من واحد فيهم ..لأنه سايب الفصل كله وجاي يقف جمبي طول الامتحان

الموضوع ده ربكني جدااااا .. بس مش دي المشكله


بصراحه هو في نص الوقت كده ولا حاجه جه وسألني ان كنت مخطوبه ولا لأ

طبعا ليكو تتخيلو حاجه زي كده هتأثر ازاي علي نفسيتي وانا في لجنه ثانويه عامه مرحله اولي يعني كويس اني ممتش في ساعتها اساسا

انا طبعا ضيعت في اسئله كتيير بسبب الارتباك وعدم التركيز وبقيت مش عارفه اعمل ايه


بجد والله حسبي الله ونعم الوكيل


ودي والله العظيم حقيقه مش كذب


((كنتم مع احد فضائح الثانويه العامه))