وزير التعليم: إلغاء الابتدائية يوفر ملايين الجنيهات ويحاصر الدروس الخصوصي

[عبدالسلام خلف محمدين]

قال الدكتور إبراهيم غنيم، وزير التربية والتعليم، إن تحويل الصف السادس إلى سنة نقل عادية يساهم في توفير ملايين الجنيهات للوزارة، كما يحاصر الدروس الخصوصية، ويؤدي إلى ترشيد إنفاق الأسرة المصرية.

وأضاف «غنيم» أن السبب في القرار هو العودة لصحيح قانون التعليم المصري 139 لسنة 1981، الذي ينص في المادة 18 منه على شهادة التعليم الأساسي، ولا يوجد فيه ما يسمى الشهادة الابتدائية.

وأكد «غنيم» أن التغيير المذكور يؤدي إلى محاصرة الدروس الخصوصية، التي تفشت في الصف السادس، ما يؤدي إلى ترشيد الإنفاق بالنسبة للأسرة المصرية.

اقرأ أيضًا
«التعليم» تدرس إلغاء الشهادة الابتدائية وتحويل الصف السادس لسنة نقل عادية
«التعليم»: إلغاء الشهادة الابتدائية.. وعودة أعمال السنة للصف الثالث الإعدادي
توقف تصحيح الشهادة الابتدائية في 50 مدرسة بالمرج بسبب اقتطاع الحوافز من الراتب
ولفت إلى أن هذا القرار يرشد الإنفاق للوزارة، حيث تتكلف إجراءات هذا الصف في «الكنترول» والتصحيح وبدل الانتقال ملايين الجنيهات، مؤكدا أنها ستوجه لموضع أهم وأولى.

وأضاف «غنيم» أن القرار يساهم في عودة الطالب إلى المدرسة، ومعالجة نسب الغياب المرتفعة، فضلاً عن كونه يؤدي إلى منع التسرب لأن البعض توهم أن الصف السادس شهادة منتهية، وبالتالي ترك التعليم، واتجه مبكراً لسوق العمل.

وأفاد وزير التعليم بأن القرار من جانب آخر يعالج مشكلات المسمى الوظيفي لمعلمي هذه المرحلة، حتى لا يستشعر الزملاء في التعليم الابتدائي، أنهم أقل من زملائهم في التعليم الإعدادي بمعنى أن المسمى الوظيفي يصبح معلم تعليم أساس

[عبير الرووووح]

والله الرجل ده ملخبط الدنيا
انا مش عارفه ازاى الدكتور محمد مرسى يسيبه كده !!!!!!!!!!!!!!!!!!!!!!!!!!!!!!!!!!!!!!!!!!!!!
اكبر غلط انه يسيبه يجرب لغايه دلوقتى
كفايه المشكلات ال حصلت من وقت ما مسك الوزاره
سواء للطلاب او المعلمين
التربيه والتعليم كلها خربت
حسبى الله ونعم الوكيل

[goldenmard]

الغاء الابتدائية ايه بس
وكمان بيلغي المهنية .. اللي المفروض يركز عليها ........ عدم استغلالها الاستغلال الامثل شيء والغائها شيء آخر
التعليم كده هيقع

[مدرس2000]

احسن وزير فى رأيى كان احمد زكى بدر
لما خلى طلبه الثانوية يحضروا لحد اخر اسبوعين
ولو الوزير عاوز يوفر يشوف الكتب المدرسية اللى بيندفع فيها وتوصل المدارس قبل نهايه الترم بشهر
وكمان نسخ قديمة يبقى فى الفصل الواحد نسخة 2012 ونسخة 2013

[عبير الرووووح]

والله مهما كانت سلبيات الوزراء السابقون
كل السلبيات ماتيجى حاجه ف المشاكل ال عاملها الوزير ده
معملش اى حاجه للمعلمين حتى تثبيت المعلمين ما عارف ياخد قرار فيه
كل يوم نشوف قرار لمعلمين ما قبل 31\3 كل يوووم من غير اى تنفيذ
مش عارفه كل ده ليه ده احنا ع كده هنقعد سنين عشان ييجى علينا الدور
وياريت مقررين انهم يشيلوه ف التعديلات الوزاريه المقترحه
ده شكله معمر فيها
ربنا يتغمتنا برحمته

[هانى بهجت اسماعيل]

بصراحة يا جماعة علل و أسباب إلغاء الشهادة الابتدائية لا بأس بها
وكلام منطقي جدا
ليه نحكم و نهاجم و بعدين نفكر ................ المفروض العكس ............ نفكر و بعدين نحكم
وكل الذين يرفضون لم يذكروا الحجج الباطلة أو أدلتهم علي صحة اعتراضهم ( الرفض من أجل الرفض )
مصلحة للمعلمين لأن الموجهين بيطلع لهم كتير جدا من هذه الشهادة و المعلم بيراقب في أماكن بعيدة مقابل حفنة جنيهات و بيصحح بالثلاثة أيام مقابل حفنة أخري من الجنيهات و كأنه نملة يلتقط بعض المواد الغذائية التي لا ينظر إليها أحد من أجل موسم البيات الشتوي بينما الموجهون يخرجون من الامتحانات بما لا يستحقون ( المساواة في الظلم عدل )
المفروض اللي يزعل من القرار ده الموجهين و موظفوا الكنترول مش المعلمين
المفروض أن أولياء الأمور يتنفسون الصعداء لأنهم كانوا يحسبون الحساب لشهادة 6 ابتدائي و دروس من الأجازة و مصاريف ( تخيل لو ولي أمر هنده ولدين واحد في 6 ابتدائي و الثاني في 3 إعدادي ) كده أرحم طبعا
في النهاية أرجو من إخواني و إخوتي الذين يرفضون إلغاء الشهادة الابتدائية أن يعللوا رفضهم لهذا القرار بإعطاء الحجج المقنعة و يوضحوا لنا العلة التربوية الدالة علي رفضهم فقد تكون وجهة نظري خاطئة و الله أعلم

[هانى بهجت اسماعيل]

الراجل يجي يصلح حاجة تقوموا تقولوا شوف التانية اللي بايظة الأول و لو مسك في التانية تقولوا انت غريب شوف التالتة اللي أبوظ منها و لو جه يصلح الرابعة علشان عرف طريق تفكيركم تقولوا ساب الأولي و التانية و الثالثة و مسك الرابعة بتفكروني بقصة جحا و ابنه و الحمار و كلام الناس

[math_0100]

المشاركة الأصلية كتبت بواسطة مدرس2000

احسن وزير فى رأيى كان احمد زكى بدر
لما خلى طلبه الثانوية يحضروا لحد اخر اسبوعين
ولو الوزير عاوز يوفر يشوف الكتب المدرسية اللى بيندفع فيها وتوصل المدارس قبل نهايه الترم بشهر
وكمان نسخ قديمة يبقى فى الفصل الواحد نسخة 2012 ونسخة 2013

بدر كان بيفهم دى طبيعة عمله
انما اللى جاى من دبلوم صنايع منتظرين منه ايه غير فشل بعده فشل
وبكل اسف الحرفان اللى كانو بيعتصمو وبيهاجمو الشرفاء اختفو دلوقتى لما ركب الوزارة خروف
انتهت الرياضيات بعد قرارات الفاشل وزبانيته
في دولة بتتقدم بدون رياضيات ؟
د اللى بيدخلو تربية تعليم اساى ادبى بيدرسو رياضيات هيفهموها ازاى وهما ما شافوهاش في ثانوى الا مرور الكرام ؟
حد يفهم الأغبياء ان رياضة 2 اللى هى استاتيكا وديناميكا وجبر وفراغية وتفاضل وتكامل درجاتها ما تبقاش زى درجات فرنساوى ولا حتى احياء مدتهم 3 ساعات فقط
اللى فهمو ماتو خلاصصصصصصصصصصصصصصصصصصصصصصصصصصصصصصصصص
مبقاش غير دبلوم الصنايع اللى هيسوق التربيةوالتعليم

[مدرس2000]

خريجى التربية الاساسى الادبى ما بياخدوش رياضة خالص فى الكليه لكن قسم العلوم وقسم الرياضيات بيدرسوا رياضة
قسم العلوم بيدرس فى اول سنتين جبر وهندسة وتفاضل وتكامل وديناميكا واستاتيكا علشان اثباتات القوانين فى الفيزياء والكلام دا بيحصل مع اول دفعة تخصص من سنة اولى اللى هم دلوقتى خريجى تربية اساسى دفعة 2002

[مدرس2000]

المستفيد من امتحانات الصف السادس الجميع صحيح ان المدرسين قد يكونوا اقل المستفيدين والناس الكبيرة هى اكثر المستفيدين فدا وضع غلط فالمفروض يكون فيه شويه عدل بمعنى وقف النهب والسرقة والحوافز اللى بتتاخد فى الكنترولات لحساب الناس الكبيرة

[مدرس2000]

الفروض الوزير يصلح ويمنع الفساد فى جميع الاتجاهات قدر المستطاع وفيه حاجة الوزير المفروض ياخد باله منها كمبيوتر المدارس بيتورد للمدارس بمبلغ لا يقل عن 6000جنية وطبعا دا كمبيوتر صينى تجميع بمعنى اصح لو انت جمعت الجهاز بنفسك مش هيجيب 1200جنية

[مدرس2000]

بصراحة اى حد يقول الدروس الخصوصية هتنتهى او حتى هتقل يبقى غبى غبى غبى غبى
والمسئول اللى يقول كدا غبى
دا المدرس بيبدأ الدروس فى شهر 8 ولو بدأ متأخر يوم اولياء الامور بيبقوا هيتجننوا علشان يدى ولادهم دروس

[مدرس2000]

جميع المدارس يوجد بها غش وطبعا علشان احنا مدرسين عارفين ايه اللى بيحصل مع سنة اولى وتانية وثالثة ورابعة وخامسة لكن فى الصف السادس الغش اقل بكتير
والتصحيح مافيهوش مجاملات
وطبعا كلنا عارفين لو فيه مدرس له ابن لازم يطلع الاول سواء بالغش فى اللجنة او التصحيح او الكنترول وطبعا التلاميذ اللى ما بتعرفش تكتب اسمها هتنجح من اول امتحان علشان نستريح من قرفهم
بمعنى اصح الصف السادس عامل زى وقفة بتبين المستوى شبة الحقيقى للتلاميذ وفرصة للطالب الشاطر انه يثبت نفسه شوية لو مفيش غش

[مدرس2000]

الغاء شهادة الصف السادس مالوش اى دعوة بالتطوير لا من بعيد ولا من قريب
فيه مصيبة موجودة لحد دلوقتى فى المدارس ودى بتنيل التعليم
انا مدرس علوم وبدرس علوم لكن معظم اللى بيدرس العلوم فى الابتدائى ليسوا متخصصين وبيدرسوا العلوم بالدراع لأنهم اقدم والعلوم مادة سهلة وهما لازم يدسوا العلوم علشان يستريحوا بعد المشوار الطويل فى التدريس
وفى نفس الوقت مدرسى العلوم بالذات المدرسات بيدرسوا للصف الاول والثانى والثالث كمدرس فصل

[مدرس2000]

الكتاب المدرسى خاصة كتاب العلوم فيه غلطات كتير وبتوضح ان الناس اللى بتحط المناهج شغالين نقاشين وخلاص وفيه غلطات غبية جدا لدرجة انك لازم تقرف من اللى كتب المنهج
والمصيبة ان مفيش حد عاوز يصلح الغلطات دى رغم انه فى التدريب عن بعد كل لما نوضح النقط اللى فيها غلط يقولوا هندرس الغلطات دى ونصلحها ولكن مفيش اى حاجة بتتصلح