محتاج لتقوية ..قبل السنة الجاية

[ابانوب ايليا]

اهلا بكم اخوتى الاعضاء .

طبعا انا رايح السنة الجاية 3 ثانوى وعلشان اضمن التفوق لازم اقضى على نقاط الضعف الموجودة عندى فهل اقدر اقضى عليها خلال الاجازة؟ وحعرض نقاط ضعفى فى كل مادة

فى العربى : نقطة ضعفى البلاغة لانى مكنتش بذاكرها كويس فى اولى وتانية ثانوى فاراجعها ازاى؟ اما النحو فانا كويس فيه بس اكيد حيكون صعب فى تالتة لانه حيكون من اول حاجة لاخر حاجة وصلتلها فاراجعه ازاى؟

فى الانجليزى نقطة ضعفى الترجمة لانى معنديش ثروة لغوية كبيرة

اما بقى الفرنساوى فهو كله على بعض نقطة ضعف ليا رغم انه ساهل بس كنت ممتاز فيه وبقيت اضعف فيه تدريجيا

هى دى نقاط ضعفى فى المواد دى فاعمل فيها ايه علشان ادخل 3 جاهز؟ وهل اقدر اعالجها اثناء سنة 3؟ ام يفضل اعالجها فى الاجازة؟

دى كانت اول حاجة

تانى حاجة عايز اعرفها انتو بتذاكروا المناهج من فين؟ يعنى فى كل مادة بتذاكروا من كتاب المدرسة ولاورق المستر ولا الاتنين؟ (فى العربى والانجليزى والفيزياء والاحياء والكيمياء والفرنساوى)


فى الاخير اتمنى التوفيق لجميع اخوتى طلاب الصف الثالث الثانوى فى الامتحانات وتتحقق جميع امانيهم