أنا ... و انا ..... و انا.....

[مستر المسورى]

انا المقتول وانا المسحول وانا المضروب

وانا اللي بواجه الخرطوش بضرب الطوب

وانا الجاني علي الشاشات وف الجرانين

ومتعود علي شتيمتي وسب الدين

وانا البايع حياتي ودنيتي لله

وانا الصابر وراضي بالألم والاه

انا النازف ودمي ع الطريق سايل

وانا الماشي ولجبال الحمول شايل

ورغم الجرح جوايا

بشوف ف الجرح ضحكاية

واشوف النصر مرسوملي

ومكتوب بين سطور اية

فبضحك رغم اني حزين

واصًبر نفسي بالموعود

الارض بيرثها عباد الله الصالحين

والظم حتما بكرة مش موجود

وهوه دا طبع الطريق مفروش بشوك

والجنة محفوفة بآهات

وعشان كدا فاتح لصدري الموت

ميهمنيش ضرب الرصاص الحي

كام الف جلاد يا زمن ماتوا

بس اللي مات علي ايده لساه حي

مما راق لى