خش اطمنك انت وهو وهي

[ehabelsapa]

لو فيه دروس من المستوى الرفيع انضافت لرياضيات 2 مكان الجزء اللى اختوه فى تانية ثانوية

احب اقولكم ان المستوى الرفيع كله كان هايف زي رياضيات 2 كدا الهايفة دي والله يا جماعة سهلة وهايفة جداا

والمستوى الرفيع اهيف منه وبكرة تشوف وهتقول ان المادتين دول هايفين جداا


انا كنت واخد مستوى رفيع رياضيات وجايب فيه 10 من 10 وكنت معتمد على نفسى فيه لان مكنتش لاقى مدرس يديني المادة دي ولا لاقى حتى كتاب المدرسة فى المستوى الرفيع دا والله فاضطريت اشتري كتاب خارجي فى المستوى الرفيع دا وقعدت اقرا فيه واحل مسائل الامتحانات اللى الكتاب كان حاططها فى الاخر

بس مش معنى إنّى بقولك إن المادة دي سهلة واللى انضاف عليها جديد دا سهل إنكم تسيبوها وتركنوا

وخدها نصيحة منى إنك تحل كتاب المدرسة فى الرياضيات 2 فى كل الفروع بس وتكتفى بيه ومتشتريش ولا اى كتاب خارجي فى الرياضيات دي خالص واكتفى بكتاب المدرسة لانه مليان مسائل بالهبل وحل امتحانات سابقة وهتلاقي الدنيا ماشية وهتحس ان رياضيات اتنين دي مش مادة اصلا لانك هتحس انها هايفة اخر حاجة

خدها بجدية هتلاقي المادة عسلية