هو احنا مش هنخلص منه بأى؟؟؟؟!!!!!

[C A N D Y]

57 مليون جنيه تمن حملة واحدة لغرض واحد
57 مليون جنيه دفعوا لتبرئة اسم رجل من الاتهام , و لكسب حب الناس رغم ان الكتير بيكرهوه
57 مليون جنيه دفعهم رجل واحد..مما يجعلنا نتسائل هو عنده كام فى البنوك؟؟؟!!!

المبلغ الكبير دا دفعه احمد عز عشان يبرأ اسمه من كل الاتهامات اللى ضده ..و ما اكترها

من اول تدمير الحياة السياسية فى مصر لحد تدمير الحياة الاقتصادية و بالتالى تدمير الحياة الاجتماعية

هو ليس الا المشهور احمد عز (لأ انا مش بتكلم عن احمد عز الجميل بتاع السينما اللى المفروض يغير اسمه..انا بتكلم عن التانى الوحش)

الرجل التانى فى الحزب الوطنى بعد جمال مبارك

فى اخر خمس سنين اصبح عز من اكثر الرجال تأثيرا فى مصر فهو يقود الحراس الجدد اللى طردوا القدام من الحزب الوطنى و هو اللى بيتحكم فى البرلمان من خلال نظرة واحدة لاعضاء الحزب اللى مش انا لواحدى بقول عليهم "خراف"

اه خراف..مشفتوش جلسة مناقشة قانون الاحتكار لما اعضاء الحزب رفضوا التعديلات و رفعوا ايديهم ..بنظرة واحدة منه كانت اياديهم كلها تحت فى ثانية واحدة

المشكلة مش انه سياسى
المشكلة انه رجل اعمال بيستفيد من نفوذه السياسى
فقد كان رجلا ناجحا و كان يملك حديد عز و Gemma Ceramics بس بشكل ما بدأ جشعه ينفجر عندما انضم للحزب الوطنى و بدأ يكتشف الثروة اللى ممكن يجنيها من نفوذه السياسى

و للناس اللى مش عارفين عز
فهو اول منتج للحديد فى مصر
فقد اشترى مصنع الدقهلية للحديد من الحكومة بسعر اقل من قيمته الفعلية و بعدين بدأ لعبه ....للاحتكار
مش احتكار بالظبت يعنى عشان فى لاعبين كتير فى السوق المصرى
بس طبعا عز كان طول عمره هدفه انه يبقى اللاعب الوحيد

من غير تفاصيل زيادة عشان انا زهقت من سيرته
خلق عز احد اسوأ الحالات الاقتصادية فى مصر خلال اخر عشر سنين
ازمة الحديد
فقد كان السبب فى ارتفاع سعر الحديد بشكل جنونى مما صعب الامر على الكثير
اكيد طبعا رفع المقاولين اسعارهم
و اشمعنة الاسمنت سعره ميزدش
طبعا دا جاء فى نفس الوقت بتاع الموجة الجديدة للاسعار اللى بتزيد
يعنى خلى الدنيا دمار


عز كان بيهاجم كتيييير فى الجرانين المعارضة و المستقلة
و على الرغم من صلته بمبارك و ابنه
و زواجه من شاهيناز النجار
الصحف مكانتش بتفضى من نقد لاذع له كاساس يومى
و لم يهتم عز فقد كان اهدأ من الصمت
مما جعل الناس يثيرون عليه
فقد كان اكثر غرورا من ان يرد على احد
مما زاد الناس كرها له

و لكى يقلل من كره الناس له قام ببث حملة علاقات عامة لتبرأة اسمه من كل الاتهامات ضده من الاعلانات الى الاصدارات الصحفية الى اللقاءات فى الشهور الاخيرة
خفض اسعار الحديد فى السوق
و لسة الناس مش مقتنعين(طب عايزين الراجل يعمللكوا ايه يعنى مش كفاية انه سايبكم تعيشو)

قال انه هيتبرع بالحديد لمشروع اسكان الشباب
و رفضوا عرضه
و فضلوا ان بيوتهم المستقبلية تتبنى بنظام
bearing wall
بأى فى كره اكتر من كدة

بعد كدة عمل لقاءات فى جرانين زى المصرى اليوم
و بردو معرفش يضحك ع الناس

اما بأى حواره الرهيب مع منى الشاذلى خلى الناس تكرهه اكتر من اى حاجة تانية
كفاية المكالمات اللى الناس فيها كانوا على وشك انهم يشتموه

و فى الاخر يدفع 57 مليون جنيه عشان الحملة بتاعته
بس الفلوس دى راحت ع الارض
لان الناس لسة بيكرهوه و لسة مش طايقينه

و انا اعتقد انه وصل لمرحلة انه مش فاهم اصلا هم ليه الناس كارهينه
وصل لنقطة انه افتكر انه ممكن يخدع الناس بالاعلانات و اللقاءات
مش مصدق ان مهما كان الشعب المصرى سلبى عمره ما يكون غبى او مغفل
الشعب المصرى طول عمره من اذكى الشعوب

و تفكيره دا ما هو الا انتحار سياسى

و انا عندى احساس ان احمد عز هيتحرق قريب
لانه بقى مستهلك
فهو طلع لسماء السياسة بسرعة قد تكسر عنقه فى اى لحظة

و انا مش عندى امل ان مصر تتصلح قبل ما احمد عز يسيبها
لان الفساد الحقيقى الجامد اوى مبتداش الا لما هو ظهر


مجرد وجهة نظر

[Cray_Bird91]

والله انا حقولك حاجة بلا عز بلا نيلة

الراجل ده مش حنخلص منه الا لما نخلص من الحكومة الفاسدة الاول
والله البلد دى مش حينصلح حالها الا لما نفوق الاول ونعرف ان فى حد بيوقع ما بينا وبين بعضينا

وبعديها حنقدر نتفرغ للراجل ده اللى ملوش لازمة ده

ريحى دماغك منه لحد ما نخلص ونشوف سيادة الحكومة حتعمل ايه بدل ماهى كل شوية تبيعلى ارض وبنك وربنا يستر احسن يحطوا الشعب هم كمان فى المزاد العلنى

[C A N D Y]

اولا ثانكس ع المرور و الرد لانك الوحيدة اللى عبرتينى

و الله انا بقيت حاسة ان مش عندهم مشاكل يبيعونا احنا شخصيا
و يبقى عندهم حق ما احنا عبء عليهم و مبوظينلهم حياتهم خالص

و انا شايفة ان اول حاجة المفروض تتعمل هى ان الحزب الوطنى دا يتشال خالص
.
.
.
.
القراءات :25 ...ثانكس ع المرور الكريم

[Cray_Bird91]

المشاركة الأصلية كتبت بواسطة Punk Princess

اولا ثانكس ع المرور و الرد لانك الوحيدة اللى عبرتينى

و الله انا بقيت حاسة ان مش عندهم مشاكل يبيعونا احنا شخصيا
و يبقى عندهم حق ما احنا عبء عليهم و مبوظينلهم حياتهم خالص
ما احنا برضه عملينهم كلكيعة ولا ايه:D
و انا شايفة ان اول حاجة المفروض تتعمل هى ان الحزب الوطنى دا يتشال خالص

ماهو لو الحزب الوطنى ده حيتشال حيبقى بابا حسنى حيزعل وابنه العسل جمال حيتخلع لانه فيه:D
.
.
.
.
القراءات :25 ...ثانكس ع المرور الكريم

الله يكرمك ده انتى اللى جميل

[C A N D Y]

ماهو لو الحزب الوطنى ده حيتشال حيبقى بابا حسنى حيزعل وابنه العسل جمال حيتخلع لانه فيه

لأ خلاص خليه ..كله الا زعل بابا حسنى مبارك

ثانكس ع المرور تانى

[reda_mafia50]

شكرااااااااااا يا برنسيسه على التوبيك

واكيد مهم علشان يعرف لمعرفش


وانا هقول حسبى والله ونعم الوكيل فى الظالم ولمفترى

[C A N D Y]

المشاركة الأصلية كتبت بواسطة reda_mafia50

شكرااااااااااا يا برنسيسه على التوبيك

الشكر لله

واكيد مهم علشان يعرف لمعرفش


وانا هقول حسبى والله ونعم الوكيل فى الظالم ولمفترى

هنقول و هنقول و هنقول ..
و يبقى الحال كما هو عليه...

ميرسى ع المرور و الرد الجميل

[from_sinai]

والله عندك حق فى كل كلمه قولتيها
يالا ربنا يهدى النفوس التعبانه
كفايه بس ان السور اللى اسرائيل عملته فى فلسطين مكتوب عليه ( حديد عز)
يالا ربنا يصلح حال البلد

[C A N D Y]

المشاركة الأصلية كتبت بواسطة from_sinai

والله عندك حق فى كل كلمه قولتيها
يالا ربنا يهدى النفوس التعبانه
كفايه بس ان السور اللى اسرائيل عملته فى فلسطين مكتوب عليه ( حديد عز)
يالا ربنا يصلح حال البلد

لا صراحة أول مرة اعرفها دى ..خلاص اهم حاجة ان السور دا ميتهدش

و ربنا يصلح حالنا جميعا

ميرسى ع الرد...

[pure_heart]

[QUOTE=Precious;558801]لا صراحة أول مرة اعرفها دى ..خلاص اهم حاجة ان السور دا ميتهدش

طب قول بقى انت مش عايز السور ده يتهد ليه؟

موضوع جاامد
بس قدرتى تستحملى لحد ما كتبتى عن الراجل المنيل ده
وانا بقرأ الموضوع خفت الكهرباء تقطع
ربنا يصبرك

[C A N D Y]

المشاركة الأصلية كتبت بواسطة pure_heart

لا صراحة أول مرة اعرفها دى ..خلاص اهم حاجة ان السور دا ميتهدش

طب قول بقى انت مش عايز السور ده يتهد ليه؟

موضوع جاامد
بس قدرتى تستحملى لحد ما كتبتى عن الراجل المنيل ده
وانا بقرأ الموضوع خفت الكهرباء تقطع
ربنا يصبرك

طبعا ميتهدش
يرضيكى يعنى السور يتهد و عمو عز يخسر
اخث عليكى
و ربنا المعين
بصراحة كتبته ع 3 مراحل:D
ميرسى للمرور

[thechampion]

عيب يا جماعة ده مهما كان الحزب الحاكم

[C A N D Y]

المشاركة الأصلية كتبت بواسطة nano2222

عيب يا جماعة ده مهما كان الحزب الحاكم

ع رأيك..نتدخل ليه فى حياتنا اللى مش لينا اصلا

[اوركيديا]

ايوه ماشى عز عز عز
بس مين اللى سمح لعز انه يتحول للصوره المتوحشه و المستوحشه دى
احنا
مين و مين و مين
واحد لقى مصلحتو عايزاه ميحولش انه يحققه (سورى يبقى عبيط)
و ده طبعا ملناش دعوه بالقيمو الدين عشان احنا متفقين فى النقطه دى
احنا بقى اللى المفروض ندور شويه على مصلحتنا
فينا احنا من كل ده
بيلعبو بينا الكوره الشراب كمان
اووووووووووف
(ان الله لا يغير ما بقوم حتى يغيرو ما بانفسهم)
فى رعايه الله

[C A N D Y]

المشاركة الأصلية كتبت بواسطة asdat

ايوه ماشى عز عز عز
بس مين اللى سمح لعز انه يتحول للصوره المتوحشه و المستوحشه دى
احنا
مين و مين و مين
واحد لقى مصلحتو عايزاه ميحولش انه يحققه (سورى يبقى عبيط)
و ده طبعا ملناش دعوه بالقيمو الدين عشان احنا متفقين فى النقطه دى
احنا بقى اللى المفروض ندور شويه على مصلحتنا
فينا احنا من كل ده
بيلعبو بينا الكوره الشراب كمان
اووووووووووف
(ان الله لا يغير ما بقوم حتى يغيرو ما بانفسهم)
فى رعايه الله

صح صح
و احنا كنا لسة بنكلم فى الموضوع دا
و قلنا مستنيين قائد
دورو يا جماعة على قائد
هو معداش هنا من شوية ولا اى؟:D
طب ما اى رأيك يا اسدات انتى تبأى قائد؟
اهو بردو هيبأى احسن بدل ما نفضل مستنيين كدا كتير:D
ربنا يهدينا يا بنتى
ازا كنا مش عارفين نصلح المنتدى
هنصلح مصر ازاى